<div class="item-page">
<p><span style="color: #000000;"><strong>(ភ្នំពេញ)៖</strong> បុរសជនជាតិចិនម្នាក់ ខឹងថៅកែរោងចក្ររឿងធ្វើម៉ូតខោអាវ ទាក់សំដីគ្នាមួយម៉ាត់ពីម៉ាត់សោះ ចិត្តខ្លាំងទាញប៉័ងតោមកកាប់លើថៅកែរោងចក្រ តែសំណាងល្អរបួសស្រាល។ ហេតុការណ៍នេះ បង្កឲ្យភ្ញាក់ផ្អើលនៅល្ងាចថ្ងៃទី៥ ខែមករា ឆ្នាំ២០១៧ នៅក្នុងហាងលក់កាហ្វេ ឈ្មោះ «ធានធាន» ស្ថិតក្នុងបុរី «ញូថោន» ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">មន្ដ្រីនគរបាលមូលដ្ឋានបានឲ្យដឹងថា ជនរងគ្រោះឈ្មោះ ម៉ា វៃម៉ាន់ អាយុ៣០ឆ្នាំ ជាថៅកែរោងចក្រមួយកន្លែង ស្នាក់សង្កាត់ចក្រអង្រែ២ ខណ្ឌមានជ័យ ចំណែកជនបង្កឈ្មោះ ជាំង ជីងលុន ជាជាតិចិនមុខរបរជា អ្នកណែនាំខោអាវរោងចក្រ។</span></p>
<p><span style="color: #000000;">នគរបាលបានបញ្ជាក់ថា នៅមុនពេលកើតហេតុ បុរសទាំង២បានមកផឹកកាហ្វេនៅហាងដែលមានយីហោ <strong>«ធានធាន»</strong> ដើម្បីពិភាក្សារឿងខោអាវដែលត្រូវកម្ម៉ង ពេលនោះជនជាតិចិន បានសួរថា<strong> «អាវដែលណែនាំនោះយ៉ាងមិចហើយ ហើយលោកថៅកែឯងគេចពីខ្ញុំ ពីរបីថ្ងៃហើយ»</strong> ស្រាប់តែពេលនោះបុរសទាំង២ បានទាក់សម្ដីគ្នាមួយម៉ាត់ពីម៉ាត់ហើយជនជាតិចិនចិត្តក្ដៅរូបនោះ បានចាប់ជនរងគ្រោះក្របួចអាវបោកទៅនឹងដី រួចរត់ទៅទាញប៉័ងតោកាប់លើជនរងគ្រោះបន្ថែមទៀត បណ្តាលឲ្យរងរបួសស្រាល។</span></p>
<p><span style="color: #000000;">ក្រោយបង្កហេតុជនជាតិចិនរូបនោះ បានរត់ឡើងរថយន្ដជិះគេចខ្លួនបាត់ បន្សល់តែថៅកែរងគ្រោះ ឲ្យទៅដាក់ពាក្យបណ្ដឹងនៅប៉ុស្ដិ៍នគរបាលចោមចៅ ដើម្បីចាត់ការបន្ដ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-18-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-18-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-39-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-05-21-03-39-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>