<p><span style="color: #000000;">ព័ត៌មានអន្តរជាតិ ៖ គួររំឮកថា មនុស្សជាង ៥០០ រយ នាក់បានរងរបួស ក្នុងហេតុការណ៍ផ្ទុះភ្លើង មួយ នៅសួនទឹកមួយកន្លែង ខាងក្រៅក្រុង តៃប៉ិ នៃ កោះតៃវ៉ាន់ កាលពីយប់ថ្ងៃសៅរ៍ ចុងសប្តាហ៍ កន្លងទៅនេះ ។ មន្ដ្រីសុខាភិបាលបញ្ជាក់ប្រាប់នៅថ្ងៃអាទិត្យនេះថា អ្នករងរបួសទាំងអស់កំពុងតែសម្រាកព្យាបាលនៅ មន្ទីរពេទ្យចំនួន៣៧ កន្លែងផ្សេងៗគ្នា ខណៈអ្នករៀបចំកម្មវិធីម្នាក់ ព្រមទាំងបុគ្គលិកចំនួន៤នាក់ផ្សេងទៀតត្រូវសមត្ថកិច្ចឃាត់ខ្លួន ដើម្បីធ្វើការស៊ើបអង្កេត។</span></p>
<p><span style="color: #000000;"><a class="thickbox" title="" href="/FileManager/Commons/2015/6/29/10-29-06-2015--14-11-11.jpg"><img src="/FileManager/Articles/mce/2015/6/29/10-29-06-2015--14-11-11.jpg" alt="" /></a><br /></span></p>
<p><span style="color: #000000;">កម្មវិធីជប់លៀងនៅក្នុងសួនទឹក ដ៏សប្បាយ បាន ប្រែក្លាយជាទុក្ខ នៅពេលដែលស្ព្រាយពណ៌ត្រូវគេបាញ់ឡើង បង្កើតជាអណ្តាតភ្លើង ឆាបឆេះនៅចំ កណ្ដាល ហ្វូងមនុស្សដែលកំពុងរាំ លេង សប្បាយ សាក្សីនៅកន្លែងកើតហេតុបានរៀបរាប់ ពីហេតុការណ៍ផ្ទុះឆេះនោះថា វាបានចាប់ផ្ដើមឡើងនៅផ្នែកខាងឆ្វេងនៃឆាក។ ហើយបន្ទាប់មក មនុស្សម្នាដែលភាគច្រើនកំពុងរាំលេងសប្បាយ ក៏ស្រាប់តែស្រែកដង្ហោយឲ្យជួយ ព្រមទាំងព្យាយាមរត់យកតែប្រាសអាយុរៀងៗខ្លួន។</span></p>
<p><span style="color: #000000;">ភ្លាមៗក្រោយហេតុការណ៍នោះ រថយន្តសង្គ្រោះបន្ទាន់បាន បញ្ជូនទៅដល់ភ្លាម។ ប៉ុន្តែប្រតិបត្តិការសង្គ្រោះជួបការលំបាកក្នុងការទៅដល់ កន្លែងកើត ហេតុ ធ្វើឲ្យចំនួនអ្នក រងរបួសកើនឡើងយ៉ាងឆាប់រហ័ស។ រហូតមកទល់ពេលនេះ អ្នករងរបួស ទាំង អស់កំពុងតែសម្រាកព្យាបាលនៅមន្ទីរពេទ្យ ចំនួន៣៧ កន្លែងផ្សេងៗគ្នា ។ </span><br /> <br /><span style="color: #000000;"> បើតាមមន្ដ្រីសុខាភិបាលទីក្រុងតៃប៉ិ របួសភាគច្រើនគឺជាការរលាកភ្លើង ដែល ឆាបឆេះដោយសារស្ព្រាយពណ៌ ហើយអ្នករបួសខ្លះ គឺបានរលាកខ្លួនប្រាណរហូតដល់ទៅ៤០ភាគរយឯណោះ។ មូល ហេតុនៃការរលាកខ្លួនប្រាណខ្លាំងបែបនេះ ដោយសារតែបរិមាណដ៏ច្រើននៃម្សៅពណ៌និងសំខាន់ ជាងនេះទៀត គឺ ដោយសារតែសម្លៀកបំពាក់របស់អ្នកចូលរួម ដែល ភាគច្រើនជាសម្លៀកបំពាក់មុជទឹក មានដូចជាខោខ្លី និងឈុតប៊ីគីនីជាដើម។</span><br /> <br /><span style="color: #000000;"> ការស៊ើបអង្កេតបឋមរបស់សមត្ថកិច្ច កំណត់ថា ហេតុការណ៍ផ្ទុះឆេះនេះ កើតឡើង ដោយសារតែម្សៅពណ៌ដែលគេបាញ់ឡើងទៅលើអ្នកចូលរួម។ ម្សៅពណ៌ដែលអាចឆាបឆេះដោយសារតែកម្ដៅរបស់ភ្លើងនៅលើឆាក។ សួន ទឹក ត្រូវបញ្ជា ឲ្យបិទភ្លាមៗ ដើម្បីធ្វើការ ស៊ើបអង្កេតយ៉ាងម៉ត់ចត់ ខណៈដែលអ្នករៀបចំកម្មវិធីម្នាក់ ព្រមទាំងបុគ្គលិកចំនួន៤នាក់ផ្សេងទៀតត្រូវសមត្ថកិច្ចឃាត់ខ្លួន ដើម្បីធ្វើការស៊ើបអង្កេតផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/29/12-29-06-2015--14-12-13.jpg"><img src="/FileManager/Articles/mce/2015/6/29/12-29-06-2015--14-12-13.jpg" alt="" /></a></span></p>
<p><span style="color: #000000;"><a class="thickbox" title="" href="/FileManager/Commons/2015/6/29/12-29-06-2015--14-12-13.jpg"></a><a class="thickbox" title="" href="/FileManager/Commons/2015/6/29/11-29-06-2015--14-12-25.jpg"><img src="/FileManager/Articles/mce/2015/6/29/11-29-06-2015--14-12-25.jpg" alt="" /></a><br /></span></p>
<p><span style="color: #000000;"><object width="487" height="417" data="http://www.youtube.com/v/y7lMj-3l6fc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/y7lMj-3l6fc&rel=1" /></object></span></p>
<p style="text-align: right;"><span style="color: #000000;">ប្រភព ៖ សៀងហៃលីស និង អ័រអេសអាយ</span></p>