<div class="article-content">
<p><strong>ភ្នំពេញ៖</strong> ក្មេងទំនើងចំនួន២នាក់ ដែលជាកូនអ្នក មានទ្រព្យសម្បត្តិ បានបើករថយន្ត ម៉ាក់ម៉ែសឺ<br />ដែស មួយគ្រឿង ពាក់ស្លាក លេខ ភ្នំពេញ 2AA-1000 បើកដេញបុក បុរសម្នាក់ ខណៈកំពុង ជិះ<br />ម៉ូតូវីវ៉ា ពណ៌ខ្មៅ ពាក់ស្លាកលេខ ភ្នំពេញ1BQ-4749 ជុំវិញវត្តភ្នំ តែម្តង ធ្វើឲ្យមានការ ភ្ញាក់ផ្អើល <br />ស្ទើរមួយចំហៀងក្រុង កាលពីល្ងាចថ្ងៃទី១២ ខែកុម្ភៈ ឆ្នាំ២០១៣ ដោយសារតែក្មេងទំនើង ទាំងពីរ<br />នាក់ ខឹងនឹងជនរងគ្រោះ បើកម៉ូតូមកវ៉ាក់ អើនឹង រថយន្តរបស់ខ្លួន នៅជិតស្ពាននាគ តាមបណ្តោយ<br /> ផ្លូវព្រះនរោត្តម ក្នុងសង្កាត់វត្តភ្នំ ខណ្ឌដូនពេញ ។</p>
<p>សេចក្តីរាយការណ៍ ពីសមត្ថកិច្ចមូលដ្ឋានបាន ឲ្យដឹងថា ជនរងគ្រោះដែលរងការបើករថយន្តដេញ<br />បុកពីសំណាក់ ក្មេងទំនើងទាំងពីរនាក់នោះមានឈ្មោះ វុធ វឌ្ឍនា រីឯក្មេងទំនើងទាំងពីរនាក់នោះ <br />មិនត្រូវបានគេស្គាល់ អត្តសញ្ញាណនោះទេ។</p>
<p>សមត្ថកិច្ចបានបន្តថា មុនពេលកើតហេតុខណៈជនរងគ្រោះកំពុង ជិះម៉ូតូតែម្នាក់ឯងក្នុងគោលបំ<br />ណងទៅហាត់ប្រាណ លុះដល់ចំណុច កើតហេតុ ស្រាប់តែវ៉ាក់អើ និងរថយន្ត របស់ក្រុមក្មេងទំនើង<br /> ទាំងពីរនាក់ ។</p>
<p>ភា្លមៗនោះ ស្រាប់តែក្រុមក្មេង ទំនើងទាំងនោះ បានបើក រថយន្តដេញ បុកជុំវិញវត្តភ្នំ ហើយដោយ<br />ឃើញ ស្ថានភាព យ៉ាងដូច្នេះ ជនរងគ្រោះបានផ្តួលម៉ូតូចោល នៅជិតក្រសួង សាធារណការ ដើម្បី<br />រត់គេចខ្លួន។ បន្ទាប់មកនោះ រថយន្តរបស់ក្មេងទំនើងទាំងពីរនាក់នោះ បានជ្រុលទៅបុកម៉ូតូចំនួន២<br />គ្រឿងទៀត ដែលកំពុង ចោទចោល នៅតាមផ្លូវ បណ្តាលឲ្យរងការខូចខាត។ </p>
<p>ក្រោយកើតហេតុ និងនាំឲ្យមានការភ្ញាក់ផ្អើលនោះ គេសង្កេតឃើញ កម្លាំងសមត្ថកិច្ច ជាច្រើននាក់<br /> បានចុះមកត្រួតពិនិត្យ ដើម្បីជួយអន្តរាគមន៍។</p>
<p>ក្នុងនោះ តាមសាក្សី គេបានឃើញ វត្តមាន របស់លោក សរ សុខា ស្នងការរង នគរបាល រាជធានី<br />ភ្នំពេញបានបញ្ជាឲ្យស្ទូច រថយន្តម៉ែសឺដែស យកទៅរក្សាទុក នៅការិយាល័យចរាចរណ៍ជើងគោក <br />រាជធានីភ្នំពេញ ដើម្បីរង់ចាំ ការដោះស្រាយបន្តទៀត៕ </p>
<p><a class="thickbox" title="" href="/FileManager/Commons/2013/2/13/659905124472521394761933049126n-13-02-2013--08-42-00.jpg"><img src="/FileManager/Articles/mce/2013/2/13/659905124472521394761933049126n-13-02-2013--08-42-00.jpg" alt="" /></a></p>
<p><a class="thickbox" title="" href="/FileManager/Commons/2013/2/13/5318985124180954757251953055170n-1-13-02-2013--08-42-23.jpg"><img src="/FileManager/Articles/mce/2013/2/13/5318985124180954757251953055170n-1-13-02-2013--08-42-23.jpg" alt="" /></a></p>
<p><a class="thickbox" title="" href="/FileManager/Commons/2013/2/13/149432512447338806134429359588n-13-02-2013--08-42-53.jpg"><img src="/FileManager/Articles/mce/2013/2/13/149432512447338806134429359588n-13-02-2013--08-42-53.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>