<div class="summary">
<p>Zou Bin ត្រូវបានចោរម្នាក់ ដែលបានអង្គុយជិតខ្លួន នៅលើឡានតាក់ស៊ី លួចយកទៅបាត់នូវ<br />iPhone មួយគ្រឿង។ នៅក្នុងទូរស័ព្ទ iPhone នោះបាន Save ទុកលេខទំនាក់ទំនង ដល់ទៅ<br />ជិត ១០០០ លេខ និងឈ្មោះ នៅក្នុង Contact។ បើតាមសារព័ត៌មានស៊ិនហួរ បានឲ្យដឹងថា<br />ជនរងគ្រោះ Zou បានចាប់អារម្មណ៍ទៅលើលេខទំនាក់ទំនង ជាងតំលៃនៃទូរស័ព្ទ ដែលបាន<br />ចោរលួចទៅនោះ។</p>
</div>
<div class="content">
<p>បន្ទាប់ពីដឹងថា ទូរស័ព្ទរបស់ខ្លួនត្រូវបានចោរលួចបាត់ទៅហើយ Zou បានព្យាយាមផ្ញើសារទៅ<br />លេខទូរស័ព្ទ នៅក្នុង iPhone នោះ, "ខ្ញុំដឹងថា លោកគឺជាអ្នកដែលអង្គុយជិតខ្ញុំ។ ខ្ញុំនឹងរកអ្នក<br />ឃើញ"។ ម្ចាស់ទូរស័ព្ទសរសេរគំរាមបន្ត “សូមចូលមើលបណ្តាលេខទូរស័ព្ទទំនាក់ទំនងក្នុង<br />ទូរស័ព្ទ ហើយផ្ញើមកឲ្យខ្ញុំតាមរយះអាសយដ្ឋានខាងក្រោម”។</p>
<p><a class="thickbox" title="" href="/FileManager/Commons/2013/11/26/tromiphone-26-11-2013--11-00-06.jpg"><img src="/FileManager/Articles/mce/2013/11/26/tromiphone-26-11-2013--11-00-06.jpg" alt="" /></a></p>
<p>មួយថ្ងៃក្រោយមក Zou Bin ក៏ទទួលបានកញ្ចប់តូចមួយ ផ្ញើពីប្រៃសណីយ៍ ដែលក្នុងនោះមាន<br />ស៊ីមទូរស័ព្ទមួយ និងលេខទូរស័ព្ទទំនាក់ទំនង សរសេរដោយដៃ ចំនួន ១១ ទំព័រ។ ប៉ុន្តែ ចោរ<br />នោះមិនបានប្រគល់ទូរស័ព្ទ iPhone មកឲ្យម្ចាស់វិញទេ។</p>
<p>រឿងហេតុរបស់ Zou Bin ទទួលបាននូវការចាប់អារម្មណ៍ច្រើននៅលើអ៊ីនធឺណេត ប្រទេសចិន។<br />គណនី Sina Weibo មួយបានបញ្ចេញមតិ បែបកំប្លែងលេងថា “នេះបានចំជាចោរ មានក្រមសីល<br />ធម៌មែន មានមនសិការ និងមានវិជ្ជាជីវៈ"៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>