<p><span style="color: #000000;"><strong>(ភ្នំពេញ)៖</strong> អភិបាលខណ្ឌដូនពេញ លោក គួច ចំរើន នឹងបន្តយុទ្ធនាការបញ្ឈប់លែង ឲ្យមានការលក់សប់ខ្យល់ប៉េងប៉ោង ស្ថិតនៅតាមផ្លូវសុរាម្រិត កែងវិមានឯករាជ្យ ព្រមទាំងធ្វើការរៀបចំសណ្តាប់ធ្នាប់ ឲ្យកាន់តែល្អប្រសើរតាមផ្លូវទាំងនេះ សម្រាប់ការទាក់ទាញពីសំណាក់ប្រជាពលរដ្ឋ និងភ្ញៀវបរទេសផងដែរ។</span></p>
<p><span style="color: #000000;">ការលក់ប៉េងប៉ោងនៅតាមផ្លូវនេះ ជារឿយៗ បានរំខានដល់ក្រុមភ្ញៀវទេសយ៉ាងខ្លាំង ដោយសារតែសំឡេងផ្ទុះឡើង ប៉ុន្តែអ្នកលក់ដូរមួយនេះ មិនបានស្តាប់អាជ្ញាធរនោះទេ បើទោះបីមានការឃាត់យកមកអប់រំ និងធ្វើកិច្ចសន្យាជាច្រើនលើកក៏ដោយនោះ។</span></p>
<p><span style="color: #000000;">ជាក់ស្តែងនៅល្ងាចថ្ងៃទី៥ ខែកញ្ញា ឆ្នាំ២០១៦ កម្លាំងសណ្តាប់ធ្នាប់ខណ្ឌដូនពេញ បានបន្តចុះទៅចាប់ម៉ូតូសប់ប៉េងប៉ោង ចំនួន១គ្រឿង ដែលមានម្ចាស់ឈ្មោះ កែវ សីុនវី អាយុ៥២ ឆ្នាំ រស់នៅសង្កាត់បឹងសាឡាង ខណ្ឌទួលគោក។</span></p>
<p><span style="color: #000000;">មន្រ្តីសាលាខណ្ឌដូនពេញ បានឲ្យដឹងថា កន្លងមកម៉ូតូសប់ខ្យល់លក់ប៉េងប៉ោងនេះ ត្រូវបានអាជ្ញាធរចាប់យកមកអប់រំណែនាំ ចំនួន៣លើកមកហេីយ នៅតែមិនស្តាប់តាមការណែនាំរបស់អាជ្ញាធរដដែល ហេីយការចាប់លេីកនេះជាលេីកទី៤។</span></p>
<p><span style="color: #000000;">លោក គួច ចំរើន អភិបាលខណ្ឌដូនពេញ បានសំណូមពរ ទៅពួកគាត់ទាំងអស់គ្នា ប្ដូរទីកន្លែងថ្មីដែលនៅជិតទីនោះ ប៉ុន្តែពួកគាត់ប៉ុន្មាននាក់នេះមិនព្រមចេញពីកន្លែងនេះ ទើបកម្លាំងសណ្ដាប់ធ្នាប់ចាប់គាត់យកអប់រំធ្វើកិច្ចសន្យាគាត់ហើយក៏បានប្រគល់សម្ភារ ឲ្យពួកគាត់ត្រឡប់ទៅផ្ទះនាពេលបន្ទាប់។</span></p>
<p><span style="color: #000000;">ដើម្បីកាន់តែមានប្រសិទ្ធភាព ចំពោះការងារសណ្តាប់ធ្នាប់មួយនេះ លោក គួច ចំរើន នៅវេលាម៉ោង១១៖៣០នាទីព្រឹកថ្ងៃទី៦ ខែកញ្ញា ឆ្នាំ២០១៦នេះ លោកនឹងទៅចុះអប់រំដោយផ្ទាល់ ដល់អ្នកលក់ប៉េងប៉ោងទាំងនេះ នៅម្តុំដើមពោធិ៍ មុខវត្តបទុមវត្តី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-53-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-53-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-52-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>