<p><span style="color: #000000;"><strong>(ភ្នំពេញ)៖</strong> រថយន្ត១គ្រឿងម៉ាក Lexus GS300 បើកដោយបុរសម្នាក់ បានជ្រុលទៅបុករថយន្ត២គ្រឿង គឺម៉ាក Audi និងម៉ាក Prius រងការខូចខាតធ្ងន់ តែពុំមានមនុស្សរងរបួសនោះទេ ដោយហេតុការណ៍នេះ បានកើតឡើងនាម៉ោងជាង២រំលងអាធ្រាត្រ ឈានចូលថ្ងៃទី៥ ខែមិនា ឆ្នាំ២០១៧ តាមផ្លូវលេខ៥៥ ក្នុងសង្កាត់ចតុមុខ ខណ្ឌដូនពេញ។</span></p>
<p><span style="color: #000000;">សាក្សីបានឲ្យដឹងថា មុនកើតហេតុគេបានឃើញ រថយន្តបង្កម៉ាក Lexus GS300 ពណ៌ស គ្មានស្លាកលេខ បើកដោយបុរសម្នាក់ តាមផ្លូវលេខ៥៥ ពីកើតទៅលិច លុះបើកមកដល់ចំណុចកើតហេតុ រថយន្តបង្កនោះបានបើកទៅបុករថយន្ត Audi ដែលបើកពីជើងទៅត្បូង បណ្តាលឲ្យវិល៣ទៅ៤ជុំ និងជ្រុលទៅបុករថយន្ត Prius ដែលម្ចាស់ចតចោល ទៅរាំក្នុងក្លឹបបណ្តាលឲ្យរងការខូចខាតទាំង៣គ្រឿង តែពុំបណ្តាលឲ្យមានមនុស្សរងរបួសនោះទេ។</span></p>
<p><span style="color: #000000;">បន្ទាប់ពីបុកហើយ រថយន្តបង្កបានព្យាយាម បើករត់តែដោយសារ រថយន្តខូចខខាងមុខខ្លាំងពេក មិនអាចបើករត់បានឆ្ងាយក៏ឈប់ទុកចោល រួចម្ចាស់ក៏គេចចេញទៅបាត់ទៅ។</span></p>
<p><span style="color: #000000;">ក្រោយកើតហេតុរថយន្តទាំង៣គ្រឿង ត្រូវបានសមត្ថកិច្ចខណ្ឌដូនពេញ ចុះមកវាស់វែង និងស្ទួចយកទៅរក្សាទុក នៅអធិការដ្ឋាននគរបាលខណ្ឌ ដើម្បីរង់ចាំម្ចាស់ចូលខ្លួនមកដោះស្រាយគ្នា៕</span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-03-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-04-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-04-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-04-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-04-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-05-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/03/fn-2017-03-05-07-24-05-6.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>