<p><span style="color: #000000;"><strong>(ភ្នំពេញ)៖</strong> វត្តនាគវ័ន ដែលស្ថិតនៅសង្កាត់បឹងកក់២ ខណ្ឌទួលគោក នឹងក្លាយជាវត្តទំនើបមួយ ដែលមានបំពាក់ជណ្ដើរយន្តមុនគេបង្អស់នៅកម្ពុជា។ ជណ្ដើរយន្ដនេះ ត្រូវបានប្រកាសឧបត្ថម្ភដោយ លោកស្រីឧកញ៉ា សៀង ចាន់ហេង អគ្គនាយកក្រុមហ៊ុន ហេង អភិវឌ្ឍន៍។</span></p>
<p><span style="color: #000000;">សូមជំរាបថា នៅព្រឹកថ្ងៃទី២៣ ខែមីនា ឆ្នាំ២០១៦នេះ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ និងជាប្រធានក្រុមការងារថ្នាក់ជាតិចុះជួយខណ្ឌទួលគោក រួមទាំង លោក ឯក ឃុនដឿន អភិបាលខណ្ឌទួលគោក រួមទាំងពុទ្ធបរិស័ទចំណុះជើងវត្ត បានចូលរួមពិធីបុណ្យស្លស្ពាន់សិទ្ធិព្រះពុទ្ធបដិមារ នៅវត្តនាគវ័ន្ត ដែលមានវិហារកំពស់៣ជាន់។</span></p>
<p><span style="color: #000000;">នៅក្នុងឱកាសនោះ អភិបាលខណ្ឌទួលគោក លោក ឯក ឃុនដឿន បានថ្លែងថា វត្តនាគវ័ន បានកើតឡើងរយៈពេលជាង១០០ឆ្នាំមកហើយ។ ជាមួយគ្នានេះដែរ អង្គភាពប្រឆាំងអំពើពុករលួយ រួមនឹងអាជ្ញាធរ ខណ្ឌទួលគោកបានជួយជាថវិកា សម្រាប់កសាងវត្តនាគវ័នជាង២ម៉ឺនដុល្លារ ។ ដោយឡែកលោកស្រីឧកញ៉ា សៀង ចាន់ហេង ក៏បានជួយជាថវិកាក្នុងការកសាងជណ្ដើរយន្ដ បំពាក់ក្នុងវត្តនេះផងដែរ។</span></p>
<p><span style="color: #000000;">ការបំពាក់ជណ្ដើរយន្ដគឺធ្វើឡើងក្នុងគោលបំណង ផ្ដល់ភាពងាយស្រួលដល់ លោកតា លោកយាយ ចាស់ៗ ព្រោះថាគាត់ពិបាកក្នុងការឡើងព្រះវិហារ ដែលមានកម្ពស់បីជាន់ ពេលដែលមានពិធីសាសនាម្ដងៗ ទើបលោកឧកញ៉ា សៀង ចាន់ហេង សម្រេចប្រគេនដល់ព្រះសង្ឃតែម្ដង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/24/10a-24-03-2016--13-53-35.jpg"><img src="/FileManager/Articles/mce/2016/3/24/10a-24-03-2016--13-53-35.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>