<p><span style="color: #000000;"><strong>ភ្នំពេញ៖</strong> ទន្ទឹមនឹងពេលដែល តារាស្រីរាងតូចច្រឡឹង កញ្ញា ឈួន ស្រីម៉ៅ គ្រោងដឹកដៃគូដណ្តឹង ជាអាណិកជនខ្មែរ រស់នៅអាមេរិក ចូលរោងការ តាមប្រពៃណី ក្នុងពេលឆាប់ៗនេះ នាងបានបង្ហើបឲ្យដឹង ជាសាធារណៈថា ក្រោយពីនាង និងអនាគតស្វាមី រៀបការរួច គឺពួកនាង មានគម្រោងដឹកដៃគ្នា ចេញទៅក្រេបទឹកឃ្មុំ នៅសហរដ្ឋអាមេរិក ដែលជាទឹកដីអនាគតស្វាមី របស់នាង រស់នៅសព្វថ្ងៃ និងក្នុងបំណងទៅលេងញាតិមិត្ត បងប្អូនខាងប្ដីផងដែរ។</span></p>
<p><span style="color: #000000;">ជាទូទៅសម្រាប់ គូស្វាមីភរិយាថ្មី ស្ទើរតែគ្រប់គូ ជាពិសេសអ្នកសិល្បៈ នៅពេលរៀបការ សាងគ្រួសារហើយ ពួកគេតែងតែ ស្វែងរកទីកន្លែង ទៅលំហែកាយ ជាលក្ខណៈគូស្វាមីភរិយាថ្មោងថ្មី (ក្រេបទឹកឃ្មុំ) ដើម្បីសាងនូវ អនុស្សាវរីយ៍ល្អៗ ជាមួយគ្នាក្រោយរៀបការរួច ។ ជាមួយគ្នានោះដែរ តារាស្រីរាងតូចច្រឡឹង កញ្ញា ឈួន ស្រីម៉ៅ ក៏បានបង្ហើបឲ្យដឹង ជាសាធារណៈ នៅក្នុងកម្មវិធីកម្សាន្តមួយ នៅលើកញ្ចក់ទូរទស្សន៍ កាលពីពេលថ្មីៗនេះថា នាង នឹងចូលរោងការ នៅថ្ងៃទី១៤ ខែវិច្ឆិកា ឆ្នាំ២០១៤នេះ ខាងមុខនេះ ហើយជ្រើសយកទឹកដីអាមេរិក ជាកន្លែងបង្កើនរសជាតិស្នេហ៍ក្រោយ មង្គលការ។</span></p>
<p><span style="color: #000000;">ឈួន ស្រីម៉ៅ និយាយ "បន្ទាប់ពីខ្ញុំរៀបការរួច ខ្ញុំនិងអនាគតស្វាមី គ្រោងនឹងនាំគ្នាចេញ ទៅដើរលេង ឬហៅថាក្រេបទឹកឃ្មុំនៅអាមេរិក ដែលកន្លែងនោះ គឺជាទីកន្លែងដែលគាត់ (អនាគតស្វាមី) រស់នៅស្រាប់តែម្តង ។ តែយ៉ាងណាៗ គម្រោងក្នុងការ ចាកចេញទៅដើរកម្សាន្ត ក្រោយរៀបការនោះ ខ្ញុំនៅមិនទាន់ដឹង នៅឡើយទេថា ត្រូវចេញទៅនៅពេលណា"។</span></p>
<p><span style="color: #000000;">កញ្ញា ឈួន ស្រីម៉ៅ ធ្លាប់បានបង្ហើបប្រាប់ LookingTODAY ថាពិធីមង្គលការរបស់នាង គ្រោង អញ្ជើញភ្ញៀវប្រមាណ ៦០-៧០តុ ឬក៏អាចច្រើនជាងនេះ ។ សម្រាប់ពិធីជប់លៀង ពិសាភោជនីអាហារ នៅពេលល្ងាច គឺប្រារព្ធឡើងនៅកោះពេជ្រ អគារ A ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/22/msp-0834-22-10-2014--11-15-42.jpg"><img src="/FileManager/Articles/mce/2014/10/22/msp-0834-22-10-2014--11-15-42.jpg" alt="" /></a></span></p>
<p><a class="thickbox" title="" href="/FileManager/Commons/2014/10/22/30-22-10-2014--11-15-53.jpg"><img src="/FileManager/Articles/mce/2014/10/22/30-22-10-2014--11-15-53.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/22/msp-0834-22-10-2014--11-15-42.jpg"></a></span></p>
<p><a class="thickbox" title="" href="/FileManager/Commons/2014/10/22/msp-0837-22-10-2014--11-16-05.jpg"><img src="/FileManager/Articles/mce/2014/10/22/msp-0837-22-10-2014--11-16-05.jpg" alt="" /></a></p>
<p><a class="thickbox" title="" href="/FileManager/Commons/2014/10/22/msp-0836-22-10-2014--11-16-14.jpg"><img src="/FileManager/Articles/mce/2014/10/22/msp-0836-22-10-2014--11-16-14.jpg" alt="" /></a><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>