<div class="article-content">
<p><strong>ភ្នំពេញ ៖</strong> មានការផ្អើលឆោឡោ ករណីចាប់ជំរិត បុរសម្នាក់ដើរ ចេញមកពីរាំលេង ញាត់ចូលក្នុងរថយន្ត ជិះចេញទៅបាត់ កាលពីវេលាម៉ោង ១០និង៣០នាទី យប់ថ្ងៃទី១៦ កក្កដា នៅមុខហាង តន្រ្តីស៊ីធីឡាយ ទល់មុខផ្សារទំនើបស៊ីធីម៉ល តាមមហាវិថីព្រះមុនីរ៉េត សង្កាត់វាលវង់ ខណ្ឌ៧មករា ។</p>
<p>ប្រភពព័ត៌មានពី សន្តិសុខយាម នៅកន្លែងកើតហេតុ បានឲ្យដឹងថា មុនពេលកើតហេតុ មានរថយន្តស៊េរីទំនើប២គ្រឿង ម៉ាកឡង់គ្រីស្ស័រ៥៧០ ពណ៌ស ពាក់ស្លាកលេខ ខេមរភូមិន្ទ ០១២.០០៧៧ ជិះគ្នា៤ទៅ៥នាក់ មានស្រី មានប្រុស និងរួមដំណើរជាមួយ រថយន្តម៉ាកឡិចស៊ីស ពណ៌ខ្មៅ មិនចាំស្លាកលេខ មួយគ្រឿងទៀត បានចូលហូបស៊ុប នៅស៊ុគីស៊ុបភោជនីយដ្ឋាន គ្រឿងសមុទ្រ ម៉ាក់ស៊ីម ដែលមានទីតាំងនៅជាប់គ្នាជាមួយ នឹងតន្រ្តីស៊ីធីឡាយ (ជាកន្លែងមនុស្សចាស់ ចូលរាំកម្សាន្ត) ។</p>
<p>ខណៈពេលដើរចេញពីហូបស៊ុប មានបុរសម្នាក់ ជាម្ចាស់រថយន្ត ឡង់គ្រីស្ស័រ៥៧០ បានដើរសំដៅទៅ យករថយន្តស្រាប់តែ មានរថយន្ត៣គ្រឿងម៉ាក RAV4 ពណ៌ខ្មៅ វីហ្គោ ពណ៌ខ្មៅ កាមរីបាឡែន ពណ៌ស និងម៉ូតូ២គ្រឿង ចតនៅខាងមុខហាង ហើយបានចូលទៅ ចាប់បុរសជិះរថយន្តឡង់គ្រីស័រ ៥៧០ ញាត់ចូលក្នុងរថយន្ត RAV4 ជិះចេញទៅបាត់ ដោយមានម៉ូតូជាអ្នកអមដំណើរ ទៅពីក្រោយ ។ ពេលសន្តិសុខ ស្រែកផ្អើលឆោឡោត្រូវបាន ក្រុមជាអ្នកចាប់ញាត់ ចូលរថយន្តប្រាប់ថា ពួកគេជាសមត្ថកិច្ច ។</p>
<p>បន្ទាប់មកមានបុរស២នាក់បានជិះម៉ូតូ ទៅបើកយករថយន្តឡង់គ្រីស័រ រចេញទៅដោយប្រាប់ថាគេជាសមត្ថកិច្ច ។</p>
<p>ក្រោយពេលកើតហេតុ ធ្វើឲ្យមានការផ្អើលឆោឡោថា មានករណីចាប់ជំរិតបានរាយការណ៍ទៅ សមត្ថកិច្ចព្រហ្មទណ្ឌ ខណ្ឌ៧មករា ចុះទៅដល់កន្លែងកើតហេតុ ធ្វើការសាកសួរ និងស្រាវជាវបានឲ្យដឹងថា មុនពេលកើតហេតុ អ្នកជិះរថយន្ត ឡង់គ្រីស័រ៥៧០ ទើបនឹងចេញពីរាំលេង នៅក្នុងតន្រ្តីស៊ីធីឡាយ ដើរទៅយករថយន្តត្រូវបានចាប់ញាត់ចូលក្នុង រថយន្តនោះមិនមែន ជាករណីចាប់ជំរិតទេ ត្រូវបានសមត្ថកិច្ច មូលដ្ឋានបង្ហើប ជានគរបាលប្រឆាំងគ្រឿងញៀន រាជធានីភ្នំពេញចុះមកច្បាម មុខសញ្ញាចែកចាយ គ្រឿងញៀនទេ ៕</p>
<p style="text-align: center;"><img src="http://image.dap-news.com:81/dap-news/dap-images/2014/July/id-067/CH-00920.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-067/CH-00921.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/90714-2014-07-17-06-01-11.html" target="_blank">ផ្តល់សិទ្ធដោយ ៖ ដើមអម្ពិល</a></p>