<p><span style="color: #000000;"><strong>ភ្នំពេញ៖</strong> ឃាតកម្មរឹតកសម្លាប់បុរសម្នាក់យកទៅបោះចោល ក្បែរប្រឡាយទឹកតាមបណ្ដោយផ្លូវលេខ៣៧១ ក្នុង ភូមិអូរបែកក្អម សង្កាត់ទឹកថ្លា ខណ្ឌសែនសុខ កាលពីថ្ងៃទី២៣ ខែឧសភា ឆ្នាំ២០១៥នោះ ត្រូវបានកម្លាំងកងរាជ អាវុធហត្ថរាជធានីភ្នំពេញ ស្រាវជ្រាវ និង លាតត្រដាងការពិតហើយ។ កម្លាំងកងរាជអាវុធហត្ថ ក៏បានឈានទៅ យករថយន្តជនរងគ្រោះ ដែលត្រូវជនសង្ស័យយកទៅបញ្ចាំនៅខេត្តកណ្តាលផងដែរ។</span></p>
<p><span style="color: #000000;">យោងតាមប្រភពពីសមត្ថកិច្ច បានប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី២៨ ខែឧសភា ឆ្នាំ២០១៥ ឲ្យ ដឹងថា ក្រោយកើតករណីនេះ កម្លាំងសមត្ថកិច្ចចម្រុះបានស្វះស្វែងស្រាវជ្រាវ និងឈានដល់ការឃាត់ខ្លួនជន សង្ស័យម្នាក់ ហើយក៏ឈានទៅរកឃើញរថយន្តជនរងគ្រោះ ដែលត្រូវជនសង្ស័យទៅបញ្ចាំនៅកន្លែងវេរប្រាក់វីង នៅក្នុងស្រុកកោះធំ ខេត្តកណ្តាល។</span></p>
<p><span style="color: #000000;">បើតាមការបញ្ជាក់ពីសមត្ថកិច្ច រថយន្តកាមរីឆ្លាម ស៊េរីឆ្នាំ២០០៧ របស់ជនរងគ្រោះ ត្រូវបានជនសង្ស័យយកទៅ បញ្ចាំចំនួន ៥.០០០ដុល្លារ។ សមត្ថកិច្ច បានបញ្ជាក់ថា ករណីឃាតកម្មនេះ ជាការធ្វើឃាតប្លន់យកទ្រព្យសម្បត្តិ មិនមែនជាករណីអ្វីផ្សេងនោះទេ។</span></p>
<p><span style="color: #000000;">បើតាមសមត្ថកិច្ច ក្រៅពីរថយន្ដ ទូរស័ព្ទម៉ាកអាយហ្វូនស៊ិចផ្លើ និងណូគាពីរគ្រឿង ខ្សែកខ្សែដៃ និងចិញ្ជៀនពេជ្រ ក៏ត្រូវបានគេប្លន់យកផងដែរ។</span></p>
<p><span style="color: #000000;">សូមបញ្ជាក់ថា សពជនរងគ្រោះឈ្មោះ ស្រ៊ុន សុភក្ដិ អាយុ ៣៥ឆ្នាំ ត្រូវបានគេប្រទះឃើញក្បែរប្រឡាយទឹកតាម បណ្ដោយផ្លូវលេខ៣៧១ ក្នុងភូមិអូរបែកក្អម សង្កាត់ទឹកថ្លា ខណ្ឌសែនសុខ កាលពីថ្ងៃទី២៣ ខែឧសភា ឆ្នាំ២០ ១៥។ ជនរងគ្រោះ មានលំនៅឋានក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ ជនរងគ្រោះទើបនឹង បានបួសមុខភ្លើងសងគុណឪពុកម្ដាយ នាពេលថ្មីៗនេះផងដែរ។</span></p>
<p><span style="color: #000000;">មុនពេលឈានដល់ប្រទះឃើញសព ជនរងគ្រោះបានបាត់ដំណឹងមួយយប់ មិនឃើញចូលផ្ទះទេ បន្ទាប់ពីទៅ ចូលរួមមង្គលការនៅកោះពេជ្រ ហើយទូរស័ព្ទក៏ហៅមិនចូលផងដែរ។ ជនរងគ្រោះ ជាបុគ្គលិកនៅក្រុមហ៊ុនកាក់ វ៉ៃហួ និងជាអ្នករត់ការឯកសារនៅក្រសួងពាណិជ្ជកម្ម៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/29/5-29-2015-8-55-44-am-29-05-2015--09-01-16.png"><img src="/FileManager/Articles/mce/2015/5/29/5-29-2015-8-55-44-am-29-05-2015--09-01-16.png" alt="" /></a></span></p>
<p><a class="thickbox" title="" href="/FileManager/Commons/2015/5/29/5-29-2015-8-55-58-am-29-05-2015--09-01-32.png"><img src="/FileManager/Articles/mce/2015/5/29/5-29-2015-8-55-58-am-29-05-2015--09-01-32.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>