<p><a class="thickbox" style="font-size: 12px;" title="" href="/FileManager/Commons/2016/7/14/96-14-07-2016--14-42-40.jpg"><img src="/FileManager/Articles/mce/2016/7/14/96-14-07-2016--14-42-40.jpg" alt="" /></a></p>
<p><span style="color: #000000; font-size: 12px;">ភ្នំពេញ ១២ កក្កដា ២០១៦ ៖ Mekong Financial Inclusion Forum ដែលមានរយៈពេល ៤ ថ្ងៃ ចាប់ពីថ្ងៃទី១១ ដល់ទី១៤-កក្កដា នេះ គឺជាគំនិតផ្ដួចផ្ដើមឧស្សាហកម្មធំថ្មីមួយដើម្បីស្វែងរក និងពិភាក្សាគ្នាអំពីភាពខុសគ្នា ស្រដៀងគ្នា និងឱកាសដើម្បីសម្រេចបានបរិយាប័ន្ននៅក្នុងតំបន់។ វេទិកានេះធ្វើឡើងក្នុងគោលបំណងពង្រឹងកិច្ចសហប្រតិបត្តិការ និងផ្លាស់ប្ដូរចំណេះដឹងរវាងបណ្ដាប្រទេស និងស្ថាប័នផ្សេងៗ ដើម្បីអភិវឌ្ឍបរិយាប័ន្នហិរញ្ញវត្ថុតាមមហាអនុតំបន់ទន្លេមេគង្គទាំង៦ គឺកម្ពុជា ឡាវ វៀតណាម មីយ៉ាន់ម៉ា ថៃ ចិន (ខេត្តយូណាន និងតំបន់ស្វយ័តក្វាងស៊ីចុង)។កាលពីព្រឹកថ្ងៃទី១២-កក្កដា ម្សិលមិញនេះ ធនាគារជាតិនៃកម្ពុជា (NBC) បានធ្វើជាម្ចាស់ផ្ទះ និងប្រកាសបើកវេទិកាបរិយាប័ន្នហិរញ្ញវត្ថុតំបន់មេគង្គលើកទី១ (Mekong Financial Inclusion Forum) ជាផ្លូវការ នៅសណ្ឋាគារ អាំងទែរកុងទីណង់តាល់ រាជធានីភ្នំពេញ ក្រោមអធិបតីភាពរបស់លោកជំទាវ នាវ ចាន់ថាណា អនុប្រធានទេសាភិបាលរបស់ធនាគារជាតិនៃកម្ពុជា។</span></p>
<p><span style="color: #000000; font-size: 12px;"><a class="thickbox" title="" href="/FileManager/Commons/2016/7/14/96a-14-07-2016--14-43-01.jpg"><img src="/FileManager/Articles/mce/2016/7/14/96a-14-07-2016--14-43-01.jpg" alt="" /></a><br /><br /></span></p>
<p><span style="color: #000000;">លោក Chandula Abeywickrema ប្រធាន Banking with the Poor Network (BWTP) ដែលជាអ្នកផ្ដួចផ្ដើមវេទិកានេះឡើង បានថ្លែងថា “ភាគីពាក់ព័ន្ធ ក្នុងនោះរួមមាន ក្រុមហ៊ុនផ្ដល់សេវាកម្មហិរញ្ញវត្ថុឯកជន គ្រឹះស្ថានមីក្រូហិរញ្ញវត្ថុ និងអង្គការក្រៅរដ្ឋាភិបាល បានចូលរួមយ៉ាងសកម្មក្នុងការអភិវឌ្ឍគំរូអាជីវកម្មថ្មី ដំណោះស្រាយបច្ចេកវិទ្យា និងបណ្ដាញបញ្ជូន ដើម្បីចូលរួមកាត់បន្ថយភាពក្រីក្រ និងបង្កើនបរិយាប័ន្នហិរញ្ញវត្ថុ។ រដ្ឋាភិបាលក៏មានតួនាទីសំខាន់ក្នុងការចូលរួមបង្កើតយុទ្ធសាស្ត្របរិយាប័ន្នថ្នាក់ជាតិ បង្កើតគោលនយោបាយថ្មី និងផ្ដួចផ្ដើមបញ្ញត្តិផ្សេងៗផងដែរ។ វេទិកានេះ គឺជាឱកាសដ៏ល្អមួយដើម្បីចែករំលែកគំនិត និងដំណោះស្រាយក្នុងការកសាងសេដ្ឋកិច្ចថ្នាក់តំបន់ឲ្យកាន់តែរីកចម្រើន”។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/14/96b-14-07-2016--14-43-19.jpg"><img src="/FileManager/Articles/mce/2016/7/14/96b-14-07-2016--14-43-19.jpg" alt="" /></a><br /></span></p>
<p><span style="color: #000000;">វេទិកាលើកដំបូងមិនធ្លាប់មានពីមុនមក មួយនេះ មានវត្តមានចូលរួមពីភ្ញៀវកិត្តិយស និងគណៈប្រតិភូជាង ៣០០ នាក់មកពីមហាអនុតំបន់ទន្លេមេគង្គទាំង ៦ ប្រទេស។ អ្នកចូលរួម គឺជាតំណាងគ្រឹះស្ថានមីក្រូហិរញ្ញវត្ថុ (MIFs) ភ្នាក់ងាររដ្ឋាភិបាល សហជីពឥណទាន គ្រឹះស្ថានតាមសហគមន៍ ធនាគារពាណិជ្ជ ប្រតិបត្តិករបណ្ដាញចល័ត ធនាគារកណ្ដាល និងនិយតករ ធនាគារអភិវឌ្ឍន៍ ក្រុមហ៊ុនធានារ៉ាប់រង ស្ថាប័នសិក្សា និងស្រាវជ្រាវ ម្ចាស់ឧបត្ថម្ភ អង្គការក្រៅរដ្ឋាភិបាល អ្នកផ្គត់ផ្គង់ហិរញ្ញវត្ថុផ្នែក Hardware និង Software និងក្រុមហ៊ុនសេវាកម្មប្រឹក្សា និងវិជ្ជាជីវៈ។</span></p>
<p><span style="color: #000000;">វេទិកានឹងលើកចំណុចសំខាន់ៗដូចខាងក្រោមមកពិភាក្សាពេញ ៣ ថ្ងៃផងដែរ៖</span></p>
<p><span style="color: #000000;">– តួនាទីនៃយុទ្ធសាស្ត្រអភិវឌ្ឍជាតិ</span></p>
<p><span style="color: #000000;">– បញ្ញត្តិ និងការត្រួតពិនិត្យដែលមានប្រសិទ្ធភាពបំផុត</span></p>
<p><span style="color: #000000;">– ការប្រើប្រាស់បច្ចេកវិទ្យា និងបណ្ដាញបញ្ជូនជំនួស</span></p>
<p><span style="color: #000000;">– ការផ្ដល់ការអប់រំដល់ដៃគូអាជីវកម្ម និងការការពារអតិថិជន</span></p>
<p><span style="color: #000000;">– ការបង្កើតហេដ្ឋារចនាសម្ព័ន្ធដែលអាចផ្ដល់ហិរញ្ញប្បទានដល់សហគ្រាសមីក្រូ តូច និងមធ្យម</span></p>
<p><span style="color: #000000;">– ការបង្កើត និងជំរុញភាពជាដៃគូរវាងវិស័យឯកជន រដ្ឋាភិបាល សហគមន៍ និងដៃគូអភិវឌ្ឍន៍។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/14/96d-14-07-2016--14-43-29.jpg"><img src="/FileManager/Articles/mce/2016/7/14/96d-14-07-2016--14-43-29.jpg" alt="" /></a><br /></span></p>
<p><span style="color: #000000;"><span>Mekong Financial Inclusion Forum គឺជាគំនិតផ្ដួចផ្ដើមរបស់ Banking with the Poor Network (BWTP) និងត្រូវបានរៀបចំដោយមូលនិធិសម្រាប់កិច្ចសហប្រតិបត្តិការអភិវឌ្ឍន៍ (FDC) និងAppui au Développement Autonome (ADA) ដោយមានការសហការជាមួយធនាគារអភិវឌ្ឍន៍អាស៊ី (ADB) និងមូលនិធិអភិវឌ្ឍន៍មូលធនរបស់អង្គការសហប្រជាជាតិ (UNCDF)។ </span></span><span style="color: #000000; font-size: 12px;">ដោយឡែក នៅថ្ងៃចុងក្រោយ គឺថ្ងៃទី១៤ នឹងមានពិព័រណ៍របស់វិនិយោគិនស្ដីពីមីក្រូហិរញ្ញវត្ថុនៅតំបន់ទន្លេមេគង្គ។ នេះគឺជាឱកាសដ៏ល្អសម្រាប់គ្រឹះស្ថានមីក្រូហិរញ្ញវត្ថុនានា ដើម្បីជួបជាមួយអ្នកវិនិយោគមកពីទូទាំងតំបន់ និងលើកទឹកចិត្តដល់ភាពជាដៃគូ និងផ្លាស់ប្ដូរបទពិសោធន៍គ្នាទៅវិញទៅមក៕</span></p>
<p><span style="color: #000000;"><a class="thickbox" title="" href="/FileManager/Commons/2016/7/14/96c-14-07-2016--14-43-37.jpg"><img src="/FileManager/Articles/mce/2016/7/14/96c-14-07-2016--14-43-37.jpg" alt="" /></a><br /><br /></span></p>