<p><strong>ភ្នំពេញ៖</strong>ជនមិនស្គាល់មុខ មួយក្រុមបានបើកការ បាញ់ប្រហារទៅលើ បុរសម្នាក់បណ្តាលធ្លាយ<br />ភ្លៅ បន្ទាប់ក្រុម ជនរងគ្រោះ ចេញពីផឹកស៊ីនៅក្លឹបរាត្រីស្តាយ៍ កាលពីរាត្រីថ្ងៃទី១៦ ខែធ្នូ ដែល<br />បញ្ហានេះ តែងតែកើតមានឡើង ជាញឹកញាប់នៅក្នុងក្លឹបមួយនេះ។</p>
<p>តាមប្រភពព័ត៌មានពីអ្នកជិតខាងដែល នៅជិតក្លឹបមួយនេះបានឲ្យដឹងថា មានរឿងរ៉ាវវាយតប់<br />បាញ់បោះមិនចេះ ចប់ មិនចេះ ហើយ ព្រោះតែគេបើកមួយយប់ទល់ភ្លឺគ្មានពេលវេលាសំរាក <br />ហើយពួកគេកំពុងរងចាំ មើលថា ចៅហ្វាយខណ្ឌសែនសុខ មានវិធានការណ៍យ៉ាងណាលើក្លឹប<br />មួយនេះ។</p>
<p>ក្រុមអ្នកចូលចិត្ដត្រាចរសប្បាយពេលរាត្រីម្នាក់ ត្រូវក្រុមខ្មាន់កាំភ្លើងបាញ់ចំភ្លៅខាងឆ្វេង ក្នុងគ្រា<br />ដែលពួកគេ មានគ្នា៣នាក់ ជិះម៉ូតូចេញពីផឹកស៊ីក្នុងខ្លឹបរាត្រីស្ទាយ៍ ដែលមានទីតាំងស្ថិតតាម<br />បណ្ដោយផ្លួវបេតុងលេខ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។</p>
<p>ការបាញ់ប្រហារមនុស្សពេលយប់អធ្រាត និងអំពើគាស់ផ្ទះ ប្លន់ប្រដាប់អាវុធ ត្រូវគេកត់សម្គាល់ថា<br /> បានកើត ឡើង ជាញឹកញាប់ក្នុងខណ្ឌសែនសុខ នាំឲ្យប្រជាពលរដ្ឋសម្ដែងការព្រួយបារម្មណ៍ លើ<br />បញ្ហាសន្ដិសុខកាន់ តែខ្លាំងឡើងនាពេលបច្ចុប្បន្ន។ ទោះជាយ៉ាងក៏ដោយ ក៏នៅតែមានអ្នកចូលចិត្ដ<br />ត្រាចរពេលរាត្រី មិនគិតពីបញ្ហាគ្រោះថ្នាក់អ្វីឡើយ ជាក់ស្តែងដូចករណីនេះស្រាប់ ទើបនៅទីបញ្ចប់<br />ពួកគេត្រូវក្រុមខ្មាន់កាំភ្លើង បាញ់ប្រហាររហូតរងរបួស សំណាងល្អមិនបាត់បង់ដល់អាយុជីវិត។</p>
<p>ហេតុការណ៍បាញ់ប្រហារនេះបានកើតឡើងកាលពីវេលាម៉ោង០៤និង០៥ទាបភ្លឺ ថ្ងៃទី១៦ ខែធ្នូ ឆ្នាំ<br />២០១២ នៅចំណុចមុខផ្ទះលេខ៣៣អា ផ្លូវលំចូលទៅកាន់ប៉ុស្ដិ៍ឃ្មួញ ស្ថិតក្នុងភូមិបន្លាស្អិត សង្កាត់<br />ឃ្មួញ ខណ្ឌសែនសុខ រាជធានីភ្នំពេញ។</p>
<p>ជនរងគ្រោះជាអ្នកបើកម៉ូតូ មានឈ្មោះ ហេង សុផា អាយុ២៨ឆ្នាំ ត្រូវគ្រាប់ចំភ្លៅខាងឆ្វេង ចំណែក<br />អ្នកជិះពីក្រោយ ឈ្មោះបាន ថាន អាយុ២៥ឆ្នាំជាម្ចាស់ម៉ូតូ និងម្នាក់ទៀតឈ្មោះភិន វណ្ណា អាយុ២៥<br />ឆ្នាំ អ្នកទាំង៣ មានមុខរបធ្វើកម្មកររោងចក្រឈីអ៊ីន នៅភូមិបន្លាស្អិត និងមានផ្ទះនៅភូមិ អន្លុងក្ងាន<br /> សង្កាត់ឃ្មួញ ខណ្ឌសែនសុខ រាជធានីភ្នំពេញ។</p>
<p>ចំណែកក្រុមខ្មាន់កាំភ្លើងដែល ជាជនដៃដល់មិនត្រូវបានគេស្គាល់អត្ដសញ្ញាណឡើយ ប៉ុន្ដែប្រភព<br />បានរាយការណ៍ថា ក្រុមនេះមានគ្នា៥នាក់ មានទាំងស្រីផង ជិះម៉ូតូ០៣គ្រឿង ម៉ាក់សេអិល វីវ៉ា និង <br />មួយគ្រឿងទៀតមិនចាំម៉ាក់។</p>
<p>ប្រភពពីនគបាលមូលដ្ឋានឲ្យដឹងថា មុនពេលកើតហេតុជនរងគ្រោះជិះម៉ូតូម៉ាក់ឃ្លីក ពណ៌លឿង<br />លាយខ្មៅស៊េរី២០០៨ ឡើងតែម២០១០ ពាក់ស្លាកលេខកណ្ដាល 1J-4043 ចេញពីក្លឹបស្ដាយ៍ក្នុង <br />គោលបំណងសំដៅមកផ្ទះ ស្រាប់តែមានមនុស្សមួយក្រុមមានម៉ូតូ៣គ្រឿងស្ទាក់ចាំវាយតាមផ្លូវ<br />ដោយប្រើខ្សែក្រវ៉ាត់។ប្រភពបន្ដថា ពេលពួកគេបានជិះរត់រហូតមកដល់កន្លែងកើតហេតុក៏ត្រូវក្រុម<br />ខ្មាន់កាំភ្លើងបាញ់ដោយអាវុធខ្លីមួយគ្រាប់ចំភ្លៅ អ្នកឌុប ហើយជនដៃដល់នាំគ្នាគេចខ្លួនបាត់ដោយ<br />សុវត្ថិភាព។</p>
<p>អសន្ដិសុខក្នុងដែនដីខណ្ឌសែនសុខបានកើតមានឡើងជាញឹកញយនាំឲ្យមហាជននិងអ្នកស្រុកដាក់<br />ការស្ដីបន្ទោសទៅលើអាជ្ញាធរដែលបណ្ដែតបណ្ដោយឲ្យមានក្លឹបរាត្រីព្រោងព្រាត ជាពិសេសក្លឹបទាំង<br />នោះ បានប្រើប្រាស់សិទ្ធិ របស់ពួករហូតក្លាយ ទៅសិទ្ធិអាណាធិបតេយ្យ ដោយហេតុពួកគេបើកការ<br />ផឹកស៊ីរាំរែករហូតជិតភ្លឺ ទាំងនេះហើយដែលចំណែកបង្ករអសន្ដិសុខក្នុងមូលដ្ឋាន ព្រោះជនល្មើសច្បាប់<br />ដែលមានគំនិតទុច្ចរឹត គេមានឱកាសយកទីតាំងក្លឹបរាត្រីជាកន្លែងពួនសម្ងំ មុនពួកគេចេញធ្វើសកម្ម<br />ភាព។ ម្យ៉ាងវិញទៀត សមត្ថកិច្ចនគបាលរដ្ឋបាលមូលដ្ឋានពេលខ្លះ ក៏មិនបានបំពេញកាតព្វកិច្ចរបស់<br />ពួកគេឲ្យបានដិតដល់ដែរ ក្នុងការពួនស្ទាក់និងយាមកាមនៅពេលរាត្រី ជាក់ស្ដែងដូចជាប៉ុស្ដិ៍ នគបាល<br />ឃ្មួញនេះស្រាប់ ចោរគាស់ផ្ទះអ្នកគ្រូសាលាបឋមសិក្សាវិចិត្រសិល្បៈទាំងថ្ងៃមិន បានប៉ុន្មានថ្ងៃផង អំពើ<br />បាញ់ប្រហារមនុស្សកើតឡើងទៀត បើយ៉ាងដូច្នេះតើអ្នកស្រុកឃ្មួញរំពឹងអ្នកណា?</p>
<p><a class="thickbox" title="" href="/FileManager/Commons/2012/12/16/ch-0283-16-12-2012--15-39-55.jpg"><img src="/FileManager/Articles/mce/2012/12/16/ch-0283-16-12-2012--15-39-55.jpg" alt="" /></a></p>
<p><a class="thickbox" title="" href="/FileManager/Commons/2012/12/16/ch-0284-16-12-2012--15-40-47.jpg"><img src="/FileManager/Articles/mce/2012/12/16/ch-0284-16-12-2012--15-40-47.jpg" alt="" /></a></p>
<p><a class="thickbox" title="" href="/FileManager/Commons/2012/12/16/ch-0285-16-12-2012--15-41-13.jpg"><img src="/FileManager/Articles/mce/2012/12/16/ch-0285-16-12-2012--15-41-13.jpg" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖<a href="http://www.dap-news.com/2011-06-14-02-39-55/54417-2012-12-16-06-51-28.html"><span style="color: #0000ff;"> ដើមអំពិល</span></a></p>