<p><span style="color: #000000;"><strong>កំពង់ស្ពឺ ៖</strong> លោក សោម បូរ៉ា ស្នងការរង នគរបាលខេត្តកំពង់ស្ពឺ បានឱ្យដឹងថា រហូតមកដល់ថ្ងៃទី១៩ ខែមេសា ឆ្នាំ២០១៥ កម្លាំង នគរបាលរបស់លោក និងកម្លាំងយោធា នៅកងពលតូច លេខ៣១ បាន និងកំពុងធ្វើការស្រាវជ្រាវ ដើម្បីតាមចាប់ខ្លួន បុរសម្នាក់ ដែលជាទាហាននៅកងពលលេខ៣១ នៃបន្ទាយស្រែខ្លុង ក្រោយពីទាញកាំភ្លើង AK បាញ់ម្តាយក្មេក និងបងថ្លៃស្រីរបស់ខ្លួន ស្លាប់មួយរំពេច នៅស្រុកភ្នំស្រួច ខេត្តកំពង់ស្ពឺ កាលពីវេលាម៉ោង ៩៖២០នាទីព្រឹកថ្ងៃទី១៨ ខែមេសា។</span></p>
<p><span style="color: #000000;">លោក សោម បូរ៉ាបានបញ្ជាក់ ការបាញ់សម្លាប់ ម្តាយក្មេក និងបងស្រីថ្លៃរបស់ខ្លួនយ៉ាងដូច្នេះ បណ្តាលមកពី ជនសង្ស័យស្រវឹងស្រា ហើយខឹងនឹង ជនរងគ្រោះទាំង ពីរនាក់ មានជម្លោះជាមួយនឹងប្រពន្ធខ្លួន។</span></p>
<p><span style="color: #000000;">ក្រោយកើត ហេតុភ្លាមៗ ជនដៃដល់បានរត់ឡើងលើភ្នំដើម្បីគេចខ្លួន ។ លោក សោម បូរ៉ា បានឱ្យដឹងថា ពេលនេះសមត្ថកិច្ចបាននិងកំពុង សហការជាមួយទាហាន កងពលលេខ៣១ ដើម្បីចាប់ខ្លួនជនល្មើស ដែលកំពុង គេចខ្លួនឡើងទៅលើភ្នំមួយ នៅខេត្តកំពង់ស្ពឺ ដោយមានកាន់កាំភ្លើង AK ទៅជាមួយដែរ ។</span></p>
<p><span style="color: #000000;">បើតាមសមត្ថកិច្ច បានឱ្យដឹងថា ជនដៃដល់បាននិយាយប្រាប់ ប្រពន្ធរបស់គេ ថារូបគេនឹង មិនចុះពីលើភ្នំនោះទេ ហើយនឹងសម្លាប់ខ្លួនផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/20/4-20-2015-11-16-58-am-20-04-2015--11-24-32.png"><img src="/FileManager/Articles/mce/2015/4/20/4-20-2015-11-16-58-am-20-04-2015--11-24-32.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>