<p><span style="color: #000000;"><strong>(ក្រុងរីយ៉ូ)៖</strong> លោកអភិបាលក្រុង Tokyo នៃប្រទេសជប៉ុន បានឡើងទទួលទង់ជាតិពីប្រទេសប្រេស៊ីលហើយ ក្នុងពិធី បិទការប្រកួតកីឡាអូឡាំពិក Olympic Games ព្រឹកមិញនេះក្នុងទីក្រុង Rio de Janeiro ដើម្បីរៀបចំបន្តនៃ ព្រឹត្តិការណ៍ដែលមានរយៈពេល ៤ឆ្នាំម្តងនេះនៅទីក្រុង Tokyo នៅឆ្នាំ២០២០ ខាងមុខ។</span></p>
<p><span style="color: #000000;">សារព័ត៌មាន AP បានចេញផ្សាយឲ្យដឹងថា ក្រោយដំណើរការប្រកួតអស់រយៈពេល ១៦ថ្ងៃចាប់ពីថ្ងៃទី០៥ ដល់ថ្ងៃទី២១ ខែសីហា ឆ្នាំ២០១៦ ព្រឹត្តិការណ៍ Rio Olympic Games ត្រូវបានបញ្ចប់ជាស្ថាពរហើយនាព្រឹកមិញនេះ ហើយក៏ បានធ្វើការប្រគល់ទង់ជាតិកីឡាអូឡាំពិកឲ្យទៅប្រទេសជប៉ុន ដើម្បីរៀបចំបន្តនៅ ៤ឆ្នាំខាងមុខទៀតផងដែរ ដែលធ្វើការប្រគល់ជូនដោយលោក Thomas Bach ប្រធានគណៈកម្មាធិការអូឡាំពិកអន្តរជាតិ (IOC)។</span></p>
<p><span style="color: #000000;">សូមបញ្ជាក់ផងដែរថា ក្នុងការប្រកួតកីឡាចម្រុះរួមបញ្ចូលគ្នាដែលមានរហូតដល់ទៅ ២៨ប្រភេទកីឡា ចែកចេញជា ៣០២វិញ្ញាសាប្រកួត និង ៤១វិញ្ញាសាសំដែងនោះ IOC បានធ្វើការចែកជូនមេដាយសរុបអស់ចំនួន ៩៧៥មេដាយ ដោយក្នុងនោះមានមេដាយមាស ៣០៧គ្រឿង មេដាយប្រាក់ ៣០៧គ្រឿង និងមេដាយសំរឹទ្ធ៣៦១គ្រឿង ដោយអាមេរិក ឈ្នះបានច្រើនជាងគេឈរនៅលេខ១ មានមេដាយសរុប ១២១គ្រឿង លេខ២ អង់គ្លេស និងលេខ៣ ចិន ខណៈដែលម្ចាស់ផ្ទះប្រេស៊ីល ឈរនៅលេខ១៣ ឈ្នះមេដាយបាន១៩គ្រឿងប៉ុណ្ណោះ ក្នុងចំណោម ៨៧ប្រទេស ដែលឈ្នះមេដាយក្នុងអូឡាំពិក រដូវក្តៅ លើកទី៣១នេះ។</span></p>
<p><span style="color: #000000;">ជាមួយគ្នានោះ កម្ពុជាដែលបានបញ្ជូនអត្តពលិក ៦រូប ស្មើនឹង ៤ប្រភេទកីឡា (ហែលទឹក ចំបាប់ អត្តពលកម្ម និងតេក្វាន់ដូ) ចូលរួមប្រកួតនឹងគេដែរនោះ ពុំទទួលបានមេដាយអ្វីឡើយ៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14054473_1767395983499919_2399602916303557387_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14086285_1767395966833254_4007593987779494345_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14107669_1767396053499912_6942291248189719900_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xap1/t31.0-8/14115553_1767395963499921_1436242448555728553_o.jpg" alt="" width="730" /></span></p>
<p style="text-align: right;"><span style="color: #000000; font-size: 12px;">ផ្តល់សិទ្ធដោយ ៖ ខ្មែរថកឃីង</span></p>
<div class="detail_bottom_function">
<div class="facebook_like"></div>
</div>