<p><span style="color: #000000;"><strong>(តេហេរ៉ង់)៖</strong> ចំនួនមនុស្សដែលបានបាត់បង់ជីវិតកើនឡើងដល់៤០នាក់ ហើយប្រមាណជា១០០នាក់ បានទទួលរងរបួសយ៉ាងធ្ងន់ធ្ងរនៅក្រោយពេលដែលរថភ្លើងដឹកអ្នកដំណើរចំនួនពីរខ្សែ បានបុកគ្នាយ៉ាងពេញទំហឹង និងផ្ទុះឆេះជាអណ្តាតភ្លើងយ៉ាងសន្ធោសន្ទៅឡើង នៅខេត្ត Semnan ភាគខាងជើងប្រទេសអ៉ឺរ៉ង់ ខណៈចំនួនអ្នកស្លាប់អាចនឹងកើនឡើងជាបន្តបន្ទាប់ទៀត។ នេះបើតាមស្ថានីយ៍ទូរទស្សន៍រដ្ឋអ៉ឺរ៉ង់ ដែលចេញផ្សាយដោយទីភ្នាក់ងារព័ត៌មាន Reuters នៅយប់ថ្ងៃសុក្រ ទី២៥ ខែវិច្ឆិកា ឆ្នាំ២០១៦។</span></p>
<p><span style="color: #000000;">អភិបាលខេត្ត Semnan បានឲ្យដឹងថា <strong>«គិតមកត្រឹមពេលនេះចំនួនអ្នកស្លាប់សរុបបានកើនដល់ យ៉ាងណាស់៤០នាក់ហើយ ខណៈមនុស្សចំនួន១០០នាក់ទៀត បានទទួលរងរបួសយ៉ាងដំណំ និងត្រូវបានបញ្ជូនទៅកាន់មន្ទីរពេទ្យដែលនៅកៀកនឹងកន្លែងកើតហេតុបំផុត ជាបន្ទាន់ដើម្បីជួយសង្រ្គោះព្យាបាល ដោយអ្នកខ្លះដែលស្ថិតក្នុងស្ថានភាពធ្ងន់ធ្ងរមែនទែនសឹងតែមិនសង្ឃឹមថានឹងអាចរួចជីវិតនោះឡើយ»</strong> ប៉ុន្តែព័ត៌មានលម្អិតអំពីចំនួនអ្នកដំណើរសរុប នៅលើរថភ្លើងទាំងពីរខ្សែរនោះ នៅតែពុំត្រូវបានបញ្ជាក់ឲ្យដឹងច្បាស់ដដែល។</span></p>
<p><span style="color: #000000;">សូមជំរាបថា បើយោងតាមស្ថានីយ៍ទូរទស្សន៍អ៉ឺរ៉ង់បានឲ្យដឹងថា ហេតុការណ៍គ្រោះថ្នាក់នេះ បានកើតឡើងនៅពេលដែលរថភ្លើងដឹកអ្នកដំណើរមួយខ្សែបានជ្រុល ទៅបុក នឹងរថភ្លើងមួយខ្សែរផ្សេងទៀត ដែលបានចតស្ងៀមនៅឯស្ថានីយ៍ Haft-han ជាយក្រុងទីក្រុង Shahroud ដែលស្ថិតនៅចម្ងាយប្រមាណ ២៥០គីឡូម៉ែត្រ ភាគខាងកើតទីក្រុងតេហេរ៉ង់ ហើយបានបណ្តាលឲ្យទូររថភ្លើងមួយចំនួនឆាបឆេះឡើង៕</span></p>
<p><span style="color: #000000;"></span></p>
<p><span style="color: #000000;"><img src="http://s2.reutersmedia.net/resources/r/?m=02&d=20161125&t=2&i=1163018515&w=644&fh=&fw=&ll=&pl=&sq=&r=LYNXMPECAO0EC" alt="" width="730" /></span></p>
<p><span style="color: #000000;"><img src="http://www.bangkokpost.com/media/content/20161125/c1_1144449_161125191739_620x413.jpg" alt="" width="730" /></span></p>
<p><span style="color: #000000;"></span></p>
<p><span style="color: #000000;"><img src="https://cdn3.img.sputniknews.com/images/104783/41/1047834144.jpg" alt="" width="730" /></span></p>
<p><span style="color: #000000;"><a class="thickbox" title="" href="/FileManager/Commons/2016/11/26/44-26-11-2016--09-49-00.jpg"><img src="/FileManager/Articles/mce/2016/11/26/44-26-11-2016--09-49-00.jpg" alt="" /></a></span></p>
<p><br /><object width="480" height="380" data="http://www.youtube.com/v/94A_fd1SRRM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/94A_fd1SRRM&rel=1" /></object></p>
<p><br /><object width="480" height="380" data="http://www.youtube.com/v/6JfgzaZxDyA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/6JfgzaZxDyA&rel=1" /></object><span style="color: #000000;"><a class="thickbox" title="" href="/FileManager/Commons/2016/11/26/44-26-11-2016--09-49-00.jpg"></a><br /><br /></span></p>
<p style="text-align: right;"><span style="color: #000000;">ប្រភព ៖ អ័រតេ</span></p>