<p><strong>ភ្នំពេញៈ</strong> តារាចម្រៀងស្រី ក្នុងត្រកូលខាត់ កញ្ញា ខាត់ សួស្តី ដែលគេស្គាល់ យ៉ាងច្បាស់ថា <br />ជាប្អូនស្រីបង្កើត របស់តារាចម្រៀងយេៗ ល្បីឈ្មោះមួយដួង នៅក្នុងពិភពសិល្បៈ អ្នកនាង <br />ខាត់ សុឃីម នៅថ្ងៃនេះ គេហដ្ឋានរបស់អ្នកនាង បានរៀបចំពិធីមង្គលការ ចាក់ភ្លេង ឡើង<br />ទ្រហឹងអឺងកង ដោយអ្នកណាៗ ក៏ដឹងដែរថា កូនក្រមុំ គឺជាប្អូនស្រីទី៨ ក្នុងគ្រួសារ របស់ ខាត់ <br />សុឃីម ។</p>
<p>នៅថ្ងៃទី ១៧ ខែកក្កដា ឆ្នាំ២០១៣ នេះ គឺជាថ្ងៃរៀបមង្គលការ តារាចម្រៀងស្រីល្បី ឈ្មោះគួរ<br />សមមួយរូប និងមានភាពក្រម៉ិចក្រម៉ើម ទាំងការសម្តែង និងច្រៀង ។ ថ្ងៃនេះនាងបានសម្រេច<br /> ចូលរោងការ បញ្ចប់ភាពនៅលីវ ជាមួយអនាគតស្វាមី ដែលមានវ័យស្របាលគ្នា ហើយកូន<br />កំលោះរូបនោះ មិនមែនជាអ្នកសិល្បៈ ដូចជាស្វាមីរបស់ បងស្រីរបស់នាង គឺ អ្នកនាង ខាត់ <br />សុឃីម ទេ។</p>
<p>នៅក្នុងពិធីមង្គលការនេះ គេហាក់មិនសូវឃើញមាន រៀបចំកម្មវិធីធំដុំ ចាយលុយខ្ទង់ម៉ឺនដុល្លារ<br /> ដូចមង្គលការរបស់បង ស្រីកាលពីថ្ងៃទី១២ ខែ១២ ឆ្នាំ២០១២ ឡើយ ដោយកម្មវិធីនេះ រៀបចំ<br />ធម្មតាៗ មិនមានអ្វីភ្ញាក់ផ្អើល ខ្លាំងនោះទេ គឺរៀបចំកម្មវិធីបែបសាមញ្ញៗ ។ មិនតែប៉ុណ្ណោះ <br />វត្តមានភ្ញៀវចូលរួម នៅក្នុងកម្មវិធី ក៏គេមិនសូវឃើញ មានវត្តមានសិល្បករ-សិល្បការិនី ចូល<br />រួមច្រើន ដូចពេលរៀបការរបស់ តារាចម្រៀងល្បីឈ្មោះ អ្នកនាង ខាត់ សុឃីម នោះទេ ។</p>
<p>ជាមួយគ្នានោះដែរ ម្ចាស់ហាង សម្អាងការសម្បូរទ្រព្យ អ្នកនាង ខាត់ សុឃីម ក៏បានថ្លែងពីការ<br />រំភើបចិត្ត របស់នាងក្នុងថ្ងៃរៀបការ របស់ប្អូនស្រី នៅលើ Facebook នៅថ្ងៃទី១៧ ខែកក្កដា ឆ្នាំ<br />២០១៣ នេះថា "ថ្ងៃល្អសម្រាប់គ្រួសារ ត្រកូលខាត់ កូនទី៨ ខាត់ សួស្តី រៀបការហើយ !!!! I'm <br />very happy nas !!!!!" ។ មិនតែប៉ុណ្ណោះ អ្នកនាង បានបង្ហោះរូបថត ជាច្រើនសន្លឹក ក្នុងថ្ងៃរៀបការ<br /> របស់ប្អូនស្រី នៅលើបណ្តាញ ទំនាក់ទំនងសង្គម Facebook ថែមទៀតផង។</p>
<p>សូមជម្រាបផងដែរថា កញ្ញា ខាត់ សួស្តី ធ្លាប់បានភ្ជាប់ពាក្យម្តង រួចមកហើយ កាលពីថ្ងៃទី១ <br />ខែមិនា ឆ្នាំ២០១០ ប៉ុន្តែត្រូវបានផ្តាច់ពាក្យទៅវិញ ដោយសារតែមានភាព មិនចុះសម្រុងគ្នា<br />មួយចំនួន ។ បន្ទាប់មកគេមិនដែលឃើញ កញ្ញា ខាត់ សួស្តី សម្ញែងពិធីភ្ជាប់ពាក្យ ឬក៏ភាព<br />ស្និទ្ធស្នាល ជាមួយ បុរសណាផ្សេងនោះទេ អ្វីដែលធ្វើឲ្យទស្សនិកជន មានការភ្ញាក់ផ្អើលនោះ <br />គឺនៅពេលដែលគេឃើញ នាងស្លៀកសម្លៀកបំពាក់កូនក្រមុំ ក្រាបផ្ទឹម តាមប្រពៃណីខ្មែរ ជាមួយ <br />អនាគតស្វាមីនៅថ្ងៃនេះ តែម្តង ៕</p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0564.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0565.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0566.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0567.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធដោយ ៖ ដើមអំពិល </p>