<div class="article-content">
<p><strong>បាត់ដំបង ៖</strong> ស្នងការនគរបាល ខេត្តបាត់ដំបង លោកឧត្តមសេនីយ៍ ស ថេត បានថ្លែងឱ្យដឹងនៅ<br />ថ្ងៃសុក្រទី ១០ ខែឧសភា ឆ្នាំ ២០១៣ថា គ្រូខ្មែរមួយរូបប្រើប្រាស់ ផ្លែចេកណាំវ៉ាត្រដុសលើសុដន់<br /> និងប្រដាប់ភេទ ដោយយកលេសថា ព្យាបាលជំងឺ រួមទាំង ជាប់ចោទរំលោភផង ហើយ ត្រូវសមត្ថ<br />កិច្ច ឃាត់ខ្លួន នាថ្ងៃទី៩ ខែឧសភា ឆ្នាំ២០១៣ នឹងត្រូវបញ្ជូនទៅតុលាការ នៅថ្ងៃនេះហើយ។</p>
<p>ថ្លែងប្រាប់មជ្ឈមណ្ឌលព័ត៌មាន ដើមអម្ពិល តាមទូរស័ព្ទ លោកឧត្តមសេនីយ៍ បានបញ្ជាក់ថា ពិតជា<br />មានការឃាត់ខ្លួន ឈ្មោះ ជា តាប់ ហៅជរ អាយុ៦៨ឆ្នាំ មានទីលំនៅភូមិចុងសំណាយ ឃុំជ្រៃ ស្រុក<br />មោងឫស្សី ខេត្តបាត់ដំបងប្រាកដមែន ហើយសមត្ថកិច្ច ការិយាល័យ ជំនាញធ្វើការបំពេញនីតិវិធី <br />ដើម្បីបញ្ជូនទៅតុលាការ។</p>
<p>ប្រភពព័ត៌មាន ឱ្យដឹងថា ស្ត្រីម្នាក់ បានដាក់ពាក្យបណ្ដឹង ចោទប្រកាន់គ្រូខ្មែរ មួយរូបប្រើប្រាស់ ផ្លែ<br />ចេកណាំវ៉ាត្រដុសលើសុដន់ និងប្រដាប់ភេទ ដោយយកលេសថា ព្យាបាលជំងឺ ហើយសមត្ថកិច្ច<br />បានឃាត់ខ្លួនគ្រូខ្មែរនោះ នៅវេលាម៉ោង២ និង៤០នាទី រសៀលថ្ងៃទី៩ ខែឧសភា ឆ្នាំ២០១៣ នៅ<br />ចំណុច ភូមិចុងសំណាយ ឃុំជ្រៃ ស្រុកមោងឫស្សី ខេត្តបាត់ដំបង។</p>
<p>ប្រភពដដែលបន្តថា ស្ត្រីរងគ្រោះមានឈ្មោះ ជ.ស.ឡ អាយុ២២ឆ្នាំ រស់នៅឃុំឫស្សីក្រាំង ស្រុកមោង<br />ឫស្សី មានជំងឺងងឹតភ្នែក ឈឺក្បាល ហើយឈឺកញ្ចឹងក ហើយក៏ត្រូវបានឪពុកម្ដាយ នាំមកព្យាបាល<br />នៅផ្ទះលោកគ្រូខ្មែរ ល្មោភកាមរូបនោះ។ អំឡុងពេល ព្យាបាល ទើបបានមួយសប្ដាហ៍លោកគ្រូខ្មែរ<br />រូបនោះ ក៏ជំរុញឲ្យនាង ស្លៀកសារុង ចោមពុង ហើយលោកគ្រូនោះបានស្ទាប អង្អែលសព្វរាង្គកាយ<br />រួមផ្សំ ជាមួយនឹងមន្តអាគមន៍សូត្រផ្លុំផងនោះ មិនតែប៉ុណ្ណោះ លោកគ្រូកំហូចឈានដល់ប្រើ ផ្លែចេក<br /> ណាំវ៉ាទុំ មកត្រដុសពេញ រាង្គកាយ និងប្រដាប់ភេទទៀតផង។</p>
<p>យ៉ាងណាក៏ដោយ លោកស្នងការបញ្ជាក់ថា មិនមែនមាននារីម្នាក់ដែលរងគ្រោះនេះនោះទេ គឺមាន<br />ច្រើន ដែលខ្លះមកពីខេត្ត បាត់ដំបង ពោធិ៍សាត់ ក៏មានដែរ។ ជនរងគ្រោះ បន្តក្នុងពាក្យបណ្ដឹងថា<br /> នាងត្រូវលោកគ្រូកំហូចរំលោភ រហូតបានសម្រេច ចំនួន ២ដងក្នុងរយៈពេលតែ ១សប្ដាហ៍ ដោយ<br />យកលេសថា ជាការដោះអំពើអាបធ្មប់។</p>
<p>ករណីនេះស្ទាប បបោសអង្អែល ដ៏ ស្រើបសា្រល ធ្វើឱ្យគេនឹកឃើញ ដល់ករណីព្រះសង្ឃបរាជិក <br />នេតខៃ នៅវត្តស្រះចក ខណ្ឌដូនពេញរាជធានីភ្នំពេញ និងអាចារ្យ អូមអាមល្មោភកាម រស់ សារិន<br /> នៅសុ្រកពញាឮ ខេត្តកណ្តាល ផងដែរ។</p>
<p>យ៉ាងណាក៏ដោយ លោកស្នងការអំពាវនាវ ឱ្យប្រជាពលរដ្ឋ កុំឱ្យមានជំនឿ ហួសហេតុពេក។ "ត្រូវ<br />ប្រយ័ត្ន ជំនឿណាមិនសមទំនង យើងកុំប្រថុយប្រថាន (ឱ្យសោះ)"៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-010/chanroth013-may-10.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>