<p><strong>ភ្នំពេញ៖</strong> តារាចម្រៀង និង ជាតារាសម្តែងរូបសង្ហា លោក អេឡិច ចិន្រ្តា ខណៈដែលកេរ្តិ៍ឈ្មោះ<br />និង ប្រិជាប្រិយភាពកំពុងតែទទួលបានការគាំទ្រ ពីសំណាក់ទស្សនិកជន នៅគ្រប់មជ្ឈដ្ឋានទូទៅ ថ្មីៗនេះក៏ស្រាប់តែលេចឮព័ត៌មានរអេចរអូចដ៏រសើប មកថា តារាប្រុសរាងសង្ហារូបនេះ គ្រោង<br />ផ្តាស់ប្តូរដៃគូរាំជាមួយនឹង កញ្ញា ទឹម រដ្ឋា ។</p>
<p>ប្រភពខាងបាននិយាយថា បច្ចុប្បន្ននេះ លោក អេឡិច ចិន្រ្តា កំពុងតែមានគម្រោង ចង់ផ្តាស់ប្តូរ<br />ដៃគូសម្តែងចាស់ ដែលធ្លាប់សម្តែងជាមួយគ្នា គឺកញ្ញា ទឹក រដ្ឋា ដោយជ្រើសរើសយកអ្នកថ្មីមក<br />ជំនួសវិញ ។ចំពោះការស្វែងរកដៃគួរថ្មី មកជំនួស អ្នកចាស់នាពេលនេះ ត្រូវបានប្រភពខាងលើ<br /> លើកឡើងថា ទំនងជាលោក អេឡិច ចិន្រ្តា កំពុងតែសម្លឹងមើលឃើញ តារាស្រីណាម្នាក់ដែល<br />គិតថា ជាដៃគូរាំដ៏ស័ក្តិសមខ្លាំងជាងដៃគូចាស់ ហើយមើលទៅ។</p>
<p>ជុំវិញព័ត៌មានលេខឮខាងលើនេះ ត្រូវបានលោកអេឡិច ចិន្រ្តា ប្រាប់គេហទំព័រ LookingTODAY<br /> ឱ្យដឹងតាមទូរស័ព្ទថា "ខ្ញុំអត់មានគម្រោង នឹងផ្តាស់ប្តូរដៃគូរាំទេ..! ហើយដៃគូក្នុងការរាំជាមួយខ្ញុំ <br />បច្ចុប្បន្ននេះ គឺកញ្ញា ទឹម រដ្ឋា។ សព្វថ្ងៃនេះយើងទាំងពីរនាក់ កំពុងតែចាប់ដៃគ្នា ហើយក៏កំពុង<br />តែជោគជ័យ ជាមួយការងារនេះទៀតផង ព្រោះរាល់ការឡើងសម្តែង និងការបង្ហាញក្បាច់រាំ<br />ម្តងៗ តែងមានការកោតសសរសើរ និង ការគាំទ្រ ពីសំណាក់បងប្អូនទស្សនិកជន នៅគ្រប់<br />មជ្ឈដ្ឋានខាងក្រៅ"។</p>
<p>លោក អេឡិច ចិន្រ្តា និយាយបន្តថា "ខ្ញុំនៅតែបន្តចាប់ដៃគូរាំង និង សម្តែងជាមួយកញ្ញា ទឹម<br /> រដ្ឋា។ ម្យ៉ាងទៀតពេលនេះពួកយើងទាំងពីរ ក៏កំពុងតែ រកស្ទីលថ្មីប្លែកៗ យកមកបង្ហាញដល់<br />បងប្អូនទស្សនិកជន ដើម្បីទស្សនាផងដែរ "។</p>
<p>លោក អេឡិច ចិន្រ្តា បន្ទាប់ពីអស់អាល័យពី កញ្ញា ឆ័យលី ដាឡែន ក៏បានចាប់យកកញ្ញា គឹម<br /> លីហ្សា មកធ្វើជាដៃគូសម្តែងវិញម្តង កាលពីចុងឆ្នាំ២០១១។</p>
<p>ប៉ុន្តែការចាប់ដៃគូរាំនេះ មិនបានយូរប៉ុន្មានទេ ក៏ត្រូវបញ្ចប់ទៅវិញ។ ក្រោយពីបានផ្តាស់ប្តូរ<br />ដៃគូទី២ គឺកញ្ញា គឹម លីហ្សា លោក អេឡិច ក៏បានជ្រើសរើសយក កញ្ញា ទឹម រដ្ឋា ធ្វើជាគូ<br />សម្តែងទី៣រហូតមកដល់ពេលបច្ចុប្បន្ននេះ តែម្តង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0592.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0593.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0594.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>