<p><span style="color: #000000;">ព័ត៌មានកីឡា៖ អ្នកចាត់ការថ្មីបណ្ដោះអាសន្នរបស់ក្លឹប Chelsea លោក Guus Hiddink បានធ្វើការគម្រាមដល់ម្ចាស់ក្លឹប ផ្ទាល់តែម្ដង ជុំវិញការសម្រេចចិត្ដក្នុងរដូវកាលទីផ្សារដោះដូរកីឡាករ ក្នុងខែមករានេះ ដោយលោក បញ្ជាក់ថា កុំទាន់សម្រេចចិត្ដធ្វើរឿងឆ្កួតៗឲ្យសោះ នៅខណៈពេលនេះ ។ </span></p>
<p><span style="color: #000000;">តាមការសម្លឹងមើលទៅដោយឃើញថា ក្លឹប Chelsea កំពុងតែជួបវិបត្ដិរឿងបញ្ហារបួសកីឡាករ ដែលអាចបង្អាក់បន្ទុចដំណើរការ សម្រាប់ព្រឺត្ដិការណ៍បន្ដទៅមុខទៀត ហេតុដូច្នេះហើយ ដើម្បីងាយស្រួលក្នុងការដោះស្រាយបញ្ហានេះ ម្ចាស់ក្លឹប Chelsea គ្រោងនឹងទិញបន្ថែមកីឡាករក្នុងរដូវកាលនេះ ប៉ុន្ដែសម្រាប់សម្ដីរបស់អ្នកចាត់ការ វិញគឺលោក Guus Hiddink គាត់នៅតែមានជំនឿជឿជាក់ដល់កីឡាករចាស់ៗ ដូចជា Diego Costa និង Loic Remy និងអាចូលលេងបានល្អវិញមិនខាន។ </span></p>
<p><span style="color: #000000;">មុខសញ្ញា Chelsea ដែលបានមើលឃើញ មានដូចជា កីឡាករ Alexandre Pato, Carlos Bacca, Saido Berahino and Ezequiel Lavezzi ដែលពួកគេត្រូវបាន ស្ថិតក្នុងបញ្ជាីទីផ្សារ ក្លឹប Chelsea អស់ហើយ។ </span></p>
<p><span style="color: #000000;">ពាក្យសម្ដីរបស់ លោក Guus Hiddink បានថ្លែងថា » អ្នកនឹងមានគ្រោះថ្នាក់ជាមិនខាន ប្រសិនជាសម្រេចចិត្ដទិញកីឡាករក្នុងរដូវកាលនេះ ហើយនេះគឺជាការពិត។ Chelsea ត្រូវតែសម្លឹងមើលស្ថានភាពបច្ចុប្បន្ន ដឹងច្បាស់ថាក្លឹប នៅគ្រងដំណែងលេខរៀងទី ១៤នៅឡើយ ប៉ុន្ដែក៏ត្រូវតែគិតដល់ថ្ងៃអនាគតផងដែរ ដូច្នេះកុំទាន់គិតធ្វើរឿងអ្វីឆ្កួតៗ ឲ្យសោះ»។ </span></p>
<p><span style="color: #000000;">លោក Guus Hiddink ក៏បានបញ្ជាក់ផងដែរទាក់ទងនឹងគម្រោងទីផ្សារផ្ទេរកីឡាករ ប៉ុន្ដែមិនទាន់បានបញ្ជាក់ថាកីឡាករណាមួយនោះទេដែលគាត់ ចង់បាន តែទន្ទឹមគ្នានោះដែរគាត់ក៏បានថ្លែងផងដែរថា គាត់ត្រូវការកីឡាករក្មេងៗ ហើយគម្រោងផ្ទេរនេះអាចនិងពន្យាដល់រដូវកាលទីផ្សារក្រោយ ព្រោះគ្រប់យ៉ាងគាត់គិតថា មានលក្ខណៈប្រសើរជាងពេលនេះច្រើន។ </span></p>
<p><span style="color: #000000;"><a class="thickbox" title="" href="/FileManager/Commons/2016/1/16/1-16-2016-11-12-32-am-16-01-2016--11-21-06.png"><span style="color: #000000;"><img src="/FileManager/Articles/mce/2016/1/16/1-16-2016-11-12-32-am-16-01-2016--11-21-06.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អុយ</span></p>
<p style="text-align: right;"><span style="color: #000000;">ប្រភព៖ Mirror </span></p>