<div class="article-content">
<p>ភ្នំពេញ៖ ដោយសារ តែអំណាចស្រា ធ្វើឲ្យបុរសម្នាក់ជិះម៉ូតូ ទៅបុកបង្គោលភ្លើង បណ្តាលឲ្យរង<br />របួសធ្ងន់ កាលពីម៉ោង០០និង ១៥នាទីទី រំលងអធ្រាត្រ ឈាន ចូលថ្ងៃទី២១ ខែមិថុនា ឆ្នាំ២០១៣<br /> ត្រង់ចំណុចរង្វង់មូលគួចកាណុង លើកំណាត់មហាវិថីព្រះមុនីវង្ស ស្ថិតក្នុងសង្កាត់ស្រះចក ខណ្ឌ<br />ដូនពេញ ។</p>
<p>នគរបាលប៉ុស្តិ៍ស្រះចក បានឲ្យដឹងថា ជនរងគ្រោះមាន ឈ្មោះ សៅ វាន់ដេត ភេទប្រុស អាយុ១៨<br />ឆ្នាំ មុខរបរលក់គ្រឿង បន្លាស់រថយន្ត នៅម្តុំផ្សារទួលសង្កែ បានរងរបួសធ្ងន់ ស្នាក់នៅភូមិព្រែកថ្មី <br />ឃុំព្រែកដំបង ស្រុកមុខកំពូល ខេត្តកណ្តាល។ ហើយម៉ូតូម៉ាកឃ្លីក ដែលគេជិះបុក បង្គោលភ្លើង<br />នោះ ជាម៉ូតូខ្ចីមិត្តភក្តិរបស់គេ ។</p>
<p>នគរបាលប៉ុស្តិ៍ស្រះចក បានឲ្យដឹងទៀតថា មុនពេលកើតហេតុ ជនរងគ្រោះខាងលើ និងមិត្តភក្តិ<br />បានចូលទៅរាំ កំសាន្តនៅក្នុងក្លឹបរាត្រីមួយកន្លែង នៅក្រោយវត្តកោះ ហើយក្រោយមក ក៏បានខ្ចី<br />ម៉ូតូរបស់មិត្តភក្តិម៉ាក Honda Click ពណ៌ស្លាទុំ ពាក់ស្លាកលេខ បន្ទាយមានជ័យ 1E-0333 ជិះចេញ<br />ពីក្លឹបម្នាក់ឯង ទាំងស្រវឹងជោក តាមបណ្តោយមហាវិថីព្រះមុមុនីវង្ស ក្នុងទិសដៅពីត្បូងទៅជើងលុះ<br />ទៅដល់ចំណុចកើតហេតុក៏ បោះពួយទៅបុកបង្គោលភ្លើងពេញទំហឹង បណ្ដាលឲ្យរងរបួសធ្ងន់ ។</p>
<p>ក្រោយពេលកើត ហេតុគ្រោះថ្នាក់ចរាចរ ជនរងគ្រោះត្រូវរថយន្តសង្គ្រោះបន្ទាន់ ដឹកទៅមន្ទីរពេទ្យ<br />ចំណែកម៉ូតូ ត្រូវសមត្ថកិច្ចយកទៅរក្សាទុក នៅអធិការ ដ្ឋាននគរបាល ខណ្ឌដូនពេញ ដើម្បីដោះ<br />ស្រាយ ៕ </p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0473.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0474.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>