<p><span style="color: #000000;"><strong>(ឡុងដ៍)៖</strong> នាវាមុជទឹក ដើរដោយថាមពលនុយក្លេអ៊ែរ របស់អង់គ្លេសមួយគ្រឿង ត្រូវបានយកទៅចតនៅកំពង់ផែ Gibraltar រួចរាល់ហើយ ដើម្បីធ្វើការជួសជុល បន្ទាប់ពីវាបានបុកជាមួយនាវាដឹកទំនិញមួយគ្រឿង នៅក្នុងដែនទឹក អង់គ្លេស ក្បែរដែនដីអធិបតេយ្យរបស់ប្រទេសអេស្ប៉ាញ។ នេះបើតាមការចេញផ្សាយនៅមុននេះបន្តិច ដោយ Channel News Asia នាព្រឹកថ្ងៃព្រហស្បតិ៍ ទី២១ ខែកក្កដា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/7/21/21-21-07-2016--15-19-15.jpg"><img src="/FileManager/Articles/mce/2016/7/21/21-21-07-2016--15-19-15.jpg" alt="" /></a><br /></span></p>
<p><span style="color: #000000;">ក្រសួងការពារជាតិអង់គ្លេស បានចេញសេចក្តីថ្លែងការណ៍មួយថា «នាវាមុជទឹករបស់យើង បានទទួលរងការខូចខាត មួយចំនួននៅផ្នែកខាងក្រៅ ប៉ុន្តែវាមិនបានប៉ះពាល់ កន្លែងស្តុកថាមពលនុយក្លេអ៊ែរ និងគ្មានមនុស្សណាម្នាក់ក្នុង នាវាដឹកទំនិញបានទទួលរងរបួសនោះឡើយ។ យើងនឹងទាក់ទងទៅកាន់ម្ចាស់នាវាដឹកទំនិញ ដើម្បីបញ្ជាក់ថា មិនមានការរងការខូចខាត អ្វីជាដុំកំភួននោះឡើយ នៅក្នុងឧប្បតិហេតុ ខាងលើនេះ»។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/21/22a-21-07-2016--15-19-24.jpg"><img src="/FileManager/Articles/mce/2016/7/21/22a-21-07-2016--15-19-24.jpg" alt="" /></a><br /></span></p>
<p><span style="color: #000000;">គួរបញ្ជាក់ថា នាវាមុជទឹក HMS Ambush របស់អង់គ្លេស បានចូលរួមនៅក្នុងសមយុទ្ធមួយ កាលពីល្ងាចថ្ងៃពុធ ហើយក៏ បានបុកជាមួយនឹងនាវាដឹកទំនិញតែម្តង។ នាវាមុជទឹកដ៏ធំនេះ មានសមត្ថភាពខ្ពស់បំផុត ដែលអាចធ្វើការវាយប្រហារ នាវាមុជទឹករបស់សត្រូវ, នាវានៅលើទឹក, និង ទីតាំងនៅលើដីបានយ៉ាងមានប្រសិទ្ធភាព៕</span></p>
<p style="text-align: right;"><br /><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>