<div class="article-content">
<p><strong>ភ្នំពេញ ៖</strong> ជនបង្ក ៥នាក់ ក្នុងដៃប្រដាប់ ដោយដាវសាំម៉ូរ៉ៃ និងបំពង់ទីប បានបង្កការ អុកឡុក នៅក្នុងពិធីមង្គលការមួយកន្លែង ក្រោយពីពួកគេ បានផឹកស៊ី ហើយស្រវឹងក៏ បង្ករឿងបែបនេះ ប៉ុន្ដែ មិនដឹងពីមូលហេតុ អ្វីពិតប្រាកដនោះឡើយ ។ យ៉ាងណាក៏ ដោយ ជនបង្កទាំង ៥នាក់ ត្រូវបានភាគី ដែលចូលរួមនៅ ក្នុងមង្គលការដេញវាយរត់ ប្រសេចប្រសាច ត្រឡប់ទៅវិញអស់ហើយ ថែមទាំងរងរបួស ២-៣នាក់ ថែមទាំងចាប់ ខ្លួនជនបង្កបានម្នាក់ផងដែរ ។</p>
<p>យោងតាមសេចក្ដីរាយការណ៍ ពីអ្នក ចូលរួមក្នុងពិធីមង្គលការនេះ បាននិយាយ ថា អំពើអនាធិបតេយ្យបង្កអសន្ដិសុខរបស់ ក្រុមយុវជនទាំង ៥នាក់ អុកឡុកក្នុងពិធី មង្គលការ កើតឡើងនៅវេលាម៉ោង ប្រមាណ ១០ និង៣០នាទីយប់ ថ្ងៃទី០៩ ខែ មីនា ឆ្នាំ២០១៤ ស្ថិតនៅចំណុចភូមិខ១ ផ្លូវ បេតុង សង្កាត់ច្រាំងចំរេះទី២ ខណ្ឌឫស្សី កែវ ។</p>
<p>ប្រជាការពារភូមិ ដែលបានចូលរួមការ ពារសន្ដិសុខ ក្នុងពិធីមង្គលការខាងលើនេះ បាននិយាយថា មុនពេលកើតហេតុក្រុមជន បង្កទាំង ៥នាក់ បាននាំគ្នាអង្គុយផឹក ស៊ីឆ្ងាយ ពីកន្លែងពិធីមង្គលការ ប្រហែល ១គីឡូ ម៉ែត្រ ស្រាប់តែពេលផឹកចប់ និងមាន អាការៈស្រវឹងផងនោះ ស្រាប់តែជនបង្ក ខាងលើ បាននាំគ្នាកាន់កាំបិត និងបំពង់ទីប ដើរសំដៅទៅពិធីមង្គលការ ដែលពោរ ពេញទៅដោយភ្ញៀវ កំពុងរាំលេងកំសាន្ដ។</p>
<p>ប្រជាការពារភូមិ បាននិយាយទៀតថា នៅពេលឃើញក្រុមក្មេងស្ទាវ ចង់បង្កការ អុកឡុក ក្នុងពិធីមង្គលការយ៉ាងដូច្នេះសាច់ ញាតិទាំងកូនកំលោះ និងកូនក្រមុំបាន នាំគ្នា ដេញវាយក្រុមជនបង្ក ឱ្យរត់ត្រឡប់ទៅវិញ និងបណ្ដាលឱ្យពួកគេរងរបួស ២នាក់ផង ដែរ ។ ដោយឡែកជនបង្កម្នាក់ត្រូវបាន ប្រជាការពារភូមិ ចេញចាប់បាន ខណៈដែល ៤នាក់ផ្សេងទៀត បានរត់គេចខ្លួនអស់ ។ នៅកន្លែងកើតហេតុ ប្រជាការពារភូមិបាន រកឃើញកាំបិតប៉័ងតោ ចំនួន៣ កាំបិតចាក់ កជ្រូកចំនួន ១ និងដែក បំពង់ទីប ២ ហើយវត្ថុតាងទាំងនេះ ព្រមទាំងជនបង្កម្នាក់ត្រូវ បានប្រជាការពារភូមិ យកទៅប្រគល់ឱ្យ សមត្ថកិច្ចមូលដ្ឋាន សួរនាំបន្ដទៀត ពីមូល ហេតុពិតប្រាកដ ដែលនាំឱ្យពួកគេមកបង្ក រឿងយ៉ាងដូច្នេះ ៕</p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00355.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00356.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-067/CH-00357.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>