<div>
<p><span style="color: #000000;"><strong>(ភ្នំពេញ)៖</strong> តារាសម្តែងវ័យក្មេងនាង គង់ សូនីតា កាលពីពេលកន្លងទៅថ្មីៗនេះ បានប្រកាសបើកចំហនូវរឿងរ៉ាវ អាស្រូវស្នេហាលួចលាក់ រហូតបានកូនស្រីម្នាក់ ជាមួយតារាសម្តែងប្រុសមិនសូវល្បីឈ្មោះ លោក វ៉ាន់ រ៉ាវត្ថិ ។ ប៉ុន្តែទីបញ្ចប់ក្រោយពេលបុរសរូបនេះ បានដឹងថា តារាសម្តែងគង់ សូនីកា មានកូនជាមួយ បែរជាដោះដៃមិនទទួលស្គាល់ តាំងពីកូននៅក្នុងផ្ទៃ៥ខែមកម្ល៉េះ ធ្វើឲ្យនាងទទួលទូលទុក្ខ រស់នៅមានឈ្មោះជាស្រីមេម៉ាយ ចំណាយមាត់ញាត ម្នាក់ឯង។</span></p>
<p><span style="color: #000000;">ទន្ទឹមនឹងការបែកធ្លាយ ដំណឹងនៃការបែកបាក់សម្ព័ន្ធភាពស្នេហា ក្រៅឆាករវាងតារាសម្តែង គង់ សូនីតា ព្រោះតែរឿងមិនព្រមទទួលស្គាល់ កូនខ្លួនឯងពីសំណាក់ លោក វ៉ាត់ រ៉ាវត្ថិ នេះដែរ បានធ្វើឲ្យបុរសៗ អ្នកសម្បូរទ្រព្យក្នុងស្រុក និង ក្រៅស្រុកមួយចំនួន ដាក់ការចាប់អារម្មណ៍ មកចង់ល្បងស្នេហ៍ស្តួចយកបេះដូង របស់អ្នកម៉េម៉ាយកូនមួយរូបនេះ យកទៅស្តំព្យាបាលដំដៅស្នេហ៍ចាស់ ជាថ្មីឡើងវិញ។</span></p>
<p><span style="color: #000000;">ប្រភពបង្ហើបថា អ្នកមេម៉ាយរូបស្រស់កូន មួយ គង់ សូនីតា ក្រោយពីចេញមុខប្រកាស ទម្លាយអាថ៌កំបាំងស្នេហា បែកបាក់ឥឡូវនាងកំពុងតែមានពន្លឺជីវិតថ្មីឡើងវិញ ខណៈមានបុរស អាណិកជនខ្មែរអាមេរិក វ័យប្រហែល៣០ឆ្នាំម្នាក់ ឃើញនិងអាណិតស្រឡាញ់ រួចក៏ទាក់ទងមកសុំរៀបការជាមួយ ដើម្បីធានាយកនាង និងកូនបានចេញទៅរស់ស្រុកក្រៅជាមួយគ្នា។ មិនតែប៉ុណ្ណោះបុរសម្នាក់នេះ ក៏បានជិះយន្តហោះ ឆ្លងប្រទេសស្កាត់មកជួបនាង នៅស្រុកខ្មែរទៀតផង។</span></p>
<p><span style="color: #000000;">ដោយឡែក បើសង្កេតនៅលើបណ្តាញ សង្គមហ្វេសប៊ុក របស់តារាស្រី គង់ សូនីតា ថ្មីៗ នេះបានបង្ហោះរូបថតស្និទ្ធស្នាល ផ្អែមល្ហែមកៀកកើតគ្នា ជាបុរសរូបសង្ហាភ្ជាប់ជាមួយការ សរសេរពាក្យប្លែកៗថា «អរគុណការស្រឡាញ់កក់ក្តៅ ដែលបងបានឲ្យមកអូន ដោយមិនប្រកាន់ពីអតីតកាលរបស់អូន ស្រឡាញ់បងខ្លាំងណាស់ My Love ។សន្យាបានទេ ថាយើងស្រឡាញ់គ្នា សន្យាបានទេថា យើងមិនបែកគ្នា..!»។</span></p>
<p><span style="color: #000000;">ថ្លែងប្រាប់ Khmertalking តាមទូរស័ព្ទនៅព្រឹកថ្ងៃទី០២ ខែកុម្ភៈឆ្នាំ២០១៦នេះ តារាសម្តែងស្រីគង់ សូនីតា បានបញ្ជាក់ថា «បុរសម្នាក់នេះពិតជាសង្សារនាងមែន ហើយបានស្គាល់និងស្រលាញ់គ្នា ទើបបានរយៈពេលកន្លះឆ្នាំប៉ុណ្ណោះ។ ប៉ុន្តែទោះបីជាការប្រើពេលខ្លី នៃការមើលចិត្តគ្នាបែបនេះក្តី តែអ្វីដែលជាចំណុចសំខាន់ ធ្វើឲ្យនាងព្រមបើកឱកាសឲ្យបុរសម្នាក់នោះ គឺដោយសារគូស្នេហ៍ខាងលើយល់ពីចិត្ត និងផ្តល់តម្លៃឲ្យនាង ថែមទាំងមិនគិតពីរឿងអតីតកាលទៀតផង»។</span></p>
<p><span style="color: #000000;">តារាស្រីអ្នកនាង គង់ សូនីតា បានបន្ថែមថា «បុរសដែលស្រឡាញ់ខ្ញុំនោះ គាត់គឺជាអានិកជនខ្មែរ នៅអាមេរិកមានវ័យ២៩ឆ្នាំ។ បច្ចុប្បន្នខ្ញុំនឹងគាត់បានជួបមុខគ្នាហើយ ព្រោះកាលពីពេលថ្មីៗនេះ កាត់បានធ្វើដំណើរពីអាមេរិក មកស្រុកខ្មែរក្នុងគោលបំណង ដើម្បីជួបខ្ញុំ និងមកលេងគ្រួសារគាត់នៅខេត្តកំពង់ធំ តែទោះជាយ៉ាងណាក៏មិនទាន់ប្រាកដ១០០ភាគរយនោះដែរ ដោយហេតុថា យើងទាំងពីរស្ថិត នៅក្នុងការមើលចិត្តគ្នា បន្តនៅឡើយ..»៕</span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpa1/v/t1.0-9/12642474_224364701229373_4428655642370853336_n.png?oh=26ad69a0f3db45fe57117fc94d5da9eb&oe=57394AE1&__gda__=1462305113_c09df09899bfbf623259c0706cb98b3d" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfp1/v/t1.0-9/12646939_224364671229376_1157062559238716521_n.jpg?oh=9e68029e748131d048fcf7701b7abbeb&oe=5740BA0D&__gda__=1463029380_dee505a92c0eee56d7a40ad1dc97ad0d" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xlp1/v/t1.0-9/12321241_224364667896043_2167669277389281483_n.jpg?oh=909d4434eb7549c046ec18581479126a&oe=57290093&__gda__=1462357377_9f92ef7e9504c64416a8462d767673a4" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12647328_224364661229377_4045578063805344734_n.jpg?oh=0619e2405c92d54e948651cccc04c252&oe=5740A4DC" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>