<p><span style="color: #000000;"><strong>(ភ្នំពេញ)៖</strong> ជនបង្ក២នាក់ ជាបងប្អូនបង្កើត បានបង្កអំពើហិង្សា ដោយវាយទៅលើជនរងគ្រោះ២នាក់ម្ដាយ-កូន បណ្ដាលឲ្យរងរបួស យ៉ាងធ្ងន់ធ្ងរស្ទើរស្លាប់ ប៉ុន្តែជាលទ្ធផលត្រូវបានកម្លាំងនគរបាលប៉ុស្ដិ៍ទួលសង្កែ ខណ្ឌឬស្សីកែវ ចាប់វាយខ្នោះភ្លាមៗយកមកសួរនាំ នៅប៉ុស្តិ៍នគរបាល ដើម្បីចាត់ការតាមច្បាប់ទៀតផង។ ជាមួយគ្នានេះ ជនបង្កទាំង២ ត្រូវបានសាច់ញាតិរបស់ខ្លួនបាននិងកំពុងរត់ការ សុំឲ្យមានការដោះលែងផងដែរ។</span></p>
<p><span style="color: #000000;">ករណីហិង្សាខាងលើនេះ បានកើតឡើងនៅល្ងាចថ្ងៃទី៣០ ខែឧសភា ឆ្នាំ២០១៦ ស្ថិតនៅចំណុចផ្ទះគ្មានលេខ ផ្លូវបេតុង ក្រុមទី៨ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ ។ នាយនគរបាលប៉ុស្ដិ៍ទួលសង្កែ លោក ហ៊ុយ ហៀន បានបញ្ជាក់ថា អំពើហិង្សា ដោយចេតនានេះបង្កឡើងដោយជនសង្ស័យ២នាក់ ជាបងប្អូនបង្កើតរួមមានទី១-ឈ្មោះ ទ្រីវ សុវណ្ណឌី អាយុ៤៨ឆ្នាំ មុខរបរលក់ដូរ និងទី២-ឈ្មោះ ទ្រីវ សាវី ហៅ វ៉ាក់ អាយុ៤៦ឆ្នាំ មុខរបរនៅផ្ទះ២នាក់ ដែលពួកគេស្នាក់នៅ ចំណុចកើតហេតុខាងលើ។ រីឯជនរងគ្រោះ ឈ្មោះ វេន សាវី ហៅ ហេង ភេទប្រុស អាយុ៥៩ឆ្នាំ មានមុខរបរជាមន្ត្រីយោធា រងរបួសធ្ងន់សន្លប់ចំណែកស្ត្រីជាម្ដាយឈ្មោះ នួន ឡេង អាយុ៨៤ឆ្នាំ មានមុខរបរនៅផ្ទះរងរបួសពកថ្ងាស់ ២នាក់ម្ដាយកូន ស្នាក់នៅបន្ទប់ជួលគ្មានលេខ ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។</span></p>
<p><span style="color: #000000;">លោក ហ៊ុយ ហៀន បានបញ្ជាក់ទៀតថា យោងតាមពាក្យបណ្ដឹង និងចម្លើយសារភាពរបស់ជនត្រូវសង្ស័យទាំង២នាក់ គឺមុនពេល កើតហេតុជនរងគ្រោះ បានទាស់ពាក្យសម្ដីជាមួយភាគីជនបង្ក ខណៈនោះស្រាប់តែជនបង្កទាំង២នាក់បងប្អូន បានស្ដោះទឹកមាត់ដាក់ ភាគីរងគ្រោះនិងវាយជាន់ពីលើបណ្ដាលឲ្យ ជនរងគ្រោះរងរបួសសន្លប់បាត់មាត់តែម្ដង។ ដោយឡែកស្ត្រីរងគ្រោះជាម្ដាយបានឃើញ ហេតុការណ៍ ដូច្នេះក៏ចូលទៅឃាត់ស្រាប់តែត្រូវភាគីបង្ក វាយបណ្ដាលឲ្យរងរបួសពកថ្ងាស ទាំង២នាក់ម្ដាយកូនតែម្ដង។ </span><br /><span style="color: #000000;">នាយនគរបាលប៉ុស្ដិ៍ ដដែលបានបញ្ជាក់បន្ថែមថា ក្រោយទទួលបានសេចក្ដីរាយការណ៍ ពីករណីហិង្សានេះ កម្លាំងនគរបាលប៉ុស្ដិ៍ និងខណ្ឌបានអន្តរាគមន៍ភ្លាមៗ ដោយបញ្ជូនជនរងគ្រោះទៅកាន់មន្ទីរពេទ្យកាល់ម៉ែត ដើម្បីសង្គ្រោះ។ ចំណែកបុរសជាជនសង្ស័យ ២នាក់បងប្អូនបង្កើត ត្រូវបានកម្លាំងនគរបាលក្របួចវាយខ្នោះភ្លាមៗផងដែរ ដើម្បីយកមកធ្វើការសាកសួរទាក់ទងនិងករណីប្រើហិង្សា ដោយចេតនាលើ២នាក់ ម្ដាយនិងកូនបណ្ដាលឲ្យរងរបួសធ្ងន់។</span></p>
<p><span style="color: #000000;">សូមបញ្ជាក់ថា បច្ចុប្បន្នបុរសជាជនសង្ស័យ កំពុងសួរនាំនិងឃុំខ្លួនបណ្ដោះអាសន្ន នៅអធិការដ្ឋាននគរបាលខណ្ឌឫស្សីកែវ ដើម្បីបន្ត នីតិវិធីទៅកាន់អយ្យការសាលាដំបូងរាជធានីភ្នំពេញ ចាត់ការតាមច្បាប់៕</span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/v/t1.0-9/13312820_279324162400093_2241854908507563922_n.jpg?oh=0a7b34238ce27cd649fdeb503deb1128&oe=57D36451&__gda__=1473980376_494c8066368d5549bdeba74b11e5ec93" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/v/t1.0-9/13256436_279324159066760_3920597784664496435_n.jpg?oh=26d336ee2a58d54830e668db1a71e79c&oe=580D9BD0&__gda__=1477248858_ff223a5e28e6acc256386ad321d724b4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13315240_279324165733426_557911970154140303_n.jpg?oh=e1fbd29d103c40f32460e92c0f5b8fb2&oe=57C1B5AB" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13315637_279324199066756_2663686590202918655_n.jpg?oh=d82f8c021f1fc75572ad3470cd41f151&oe=57C3D838" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/v/t1.0-9/13339705_279324209066755_6791570813677969652_n.jpg?oh=dfa70ae71b4a53c535be94e18f850cdd&oe=580E31E5&__gda__=1474628180_fd0a32295efa37bb98f4c9beb515422f" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfa1/t31.0-8/13320852_279324205733422_1852854957687285152_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/t31.0-8/13320504_279324229066753_3527440830284766333_o.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>