<p><span style="color: #000000;">ព័ត៌មានកីឡា៖ យោងតាមទស្សនាវដ្ដីកីឡាឈ្មោះ Don Balon របស់ប្រទេសអេស្ប៉ាញបានចុះផ្សាយឲ្យដឹងថា ម្ចាស់ក្លឹប Chelsea មានចំណាប់អារម្មណ៍ចង់បានខ្សែប្រយុទ្ធវ័យក្មេងរបស់ក្លឹប Barcelona គឺកីឡាករ Neymar ក្រោយដែលលេចឮដំណឹង កីឡាករ មានបញ្ហារឿងពន្ធប្រចាំឆ្នាំ ហើយគ្រោងនឹងស្វែងរកទីផ្សារផ្ទេរចេញ ដោយសំដៅមកអង់គ្លេស ។ </span></p>
<p><span style="color: #000000;">Neymar វ័យ ២៣ឆ្នាំត្រូវបានក្លឹប Man United ធ្វើការទាក់ទងចង់ផ្ទេរយកតាំងតែពីរដូវកាលមុនមកម្ល៉េះ ប៉ុន្ដែដោយមានការស្កាត់ទាន់ពេលពីសំណាក់ម្ចាស់ក្លឹប Barcelona ដោយផ្ទាល់ថានឹងផ្ដល់ប្រាក់ខែឲ្យស្មើនឹង កីឡាករ Messi សម្រាប់កិច្ចកុងត្រារដូវកាលថ្មីចូលមកដល់ គ្រប់យ៉ាងត្រូវបានស្ងប់ស្ងាត់ទៅវិញ។ ហើយថ្មីៗនេះផងដែរ ក៏ស្រាប់តែលេចឮដំណឹងបន្ដទៀត ពីការត្រួញត្អែរបស់គ្រួសារមួយនេះ នឹងគម្រោងចាកចេញ។</span></p>
<p><span style="color: #000000;">ប្រភពដដែលបានបន្ដទៀតថា Chelsea នឹងចូលខ្លួនប្រជែងទីផ្សារកីឡាករម្នាក់នេះ ប្រសិនជាឱកាសកីឡាករម្នាក់ត្រូវបានបង្ហាញថា ពិតជាយល់ព្រមកចាកចេញពី Barcelona មែននោះ ។ </span></p>
<p><span style="color: #000000;">លោក Abramovich ដែលជាម្ចាស់ក្លឹប Chelsea ត្រូវបានគេរាយការណ៍ថា រូបលោក បានទាក់ទងជាមួយ នឹងអ្នកតំណាងកីឡាករដោយផ្ទាល់ ដើម្បីរក្សាបាននូវដំណឹងបន្ទាប់ ដោយមិនទាន់គិតពីតម្លៃទីផ្សារកីឡាករនៅឡើយ។ ហើយឱកាសដែលត្រូវបានរំពឹងទុក អាចមានច្រើនជាង ដៃគូរប្រជែងផ្សេងទៀត ក្នុងទឹកដីតែមួយ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/20/11-20-2015-2-14-53-pm-20-11-2015--14-26-45.png"><span style="color: #000000;"><img src="/FileManager/Articles/mce/2015/11/20/11-20-2015-2-14-53-pm-20-11-2015--14-26-45.png" alt="" /></span></a></span></p>
<p><a class="thickbox" title="" href="/FileManager/Commons/2015/11/20/11-20-2015-2-21-07-pm-20-11-2015--14-28-18.png"><img src="/FileManager/Articles/mce/2015/11/20/11-20-2015-2-21-07-pm-20-11-2015--14-28-18.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ squawka</span></p>