<p>អ្នកគ្រប់គ្រងធនាគារជាតិ នៅឥណ្ឌា ត្រូវបានគេផ្ដល់ប្រាក់ខែ ច្រើនជាងអ្នកលក់នំប៉័ង hamburger <br />របស់ហាង McDonald និង Burger King នៅព្រលានយន្ដហោះ Los Angeles តែបន្តិចប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2015/1/29/1200x-1-29-01-2015--11-19-29.jpg"><img src="/FileManager/Articles/mce/2015/1/29/1200x-1-29-01-2015--11-19-29.jpg" alt="" /></a></p>
<p style="text-align: center;">លោកស្រី Arundhati Bhattacharya ជាអគ្គនាយិកានៃធនាគារជាតិឥណ្ឌា<br /><br /></p>
<p>នេះគឺជាការប្រៀបធៀបដ៏ត្រឹមត្រូវ ព្រោះថា បុគ្គលិកលក់នំប៉័ង hamburger នៅព្រលានយន្ដហោះ<br /> Los Angeles ទទួលបានប្រាក់បៀវត្ស ប្រហែល ១១,៣ដុល្លារ/ម៉ោង ចំណែកអគ្គនាយកធនាគារ<br />ជាតិនៅឥណ្ឌា ទទួលបានប្រាក់បៀវត្ស ប្រហែល ១១,៤ដុល្លារ/ម៉ោង។</p>
<p>បណ្ដាអ្នកគ្រប់គ្រងធនាគារនៅឥណ្ឌា ក៏មិនបានទទួលអត្ថប្រយោជន៍ផ្សេងៗ បើធៀបនឹងតំណែង<br />ដូចគ្នា នៅអាមេរិក ៖ រថយន្ដមួយគ្រឿង អ្នកបើកបរម្នាក់ និងផ្ទះស្នាក់នៅដោយមិនគិតថ្លៃ។</p>
<p>ជាក់ស្ដែង ធនាគារជាតិធំៗចំនួន ៥ របស់ឥណ្ឌា បានផ្ដល់ប្រាក់បៀវត្ស ២,៥លានរូពី/ឆ្នាំ ដល់អ្នក<br />គ្រប់គ្រងថ្នាក់កំពូលរបស់ខ្លួន (ប្រហែលជាង ៣២.៤០០ដុល្លារអាមេរិក) នេះបើយោងតាមទិន្នន័យ<br />ថ្មីបំផុត។</p>
<p>នៅពេលគេចែកជាមធ្យម (៦០ម៉ោង រួមទាំងថ្ងៃសៅរ៍) នោះគេឃើញថា ក្នុង ១ម៉ោង បណ្ដាអគ្គ<br />នាយកធនាគារជាតិ ទទួលបាន ១០៥ រូពី គឺប្រហែលនឹង ១១,៤ដុល្លារអាមេរិក។ បុគ្គលិកធម្មតា<br />ម្នាក់នៃធនាគារជាតិ ទទួលបានប្រាក់ខែជិត ២០.០០០រូពី/ខែ ស្មើនឹង ១,៧ដុល្លារ/ម៉ោង។ រីឯធនា<br />គារឯកជន ក៏ផ្ដល់ប្រាក់ខែតិច ពោលគឺច្រើនជាងនេះ តែ ៥%ប៉ុណ្ណោះ។</p>
<p>កត្តាប្រាក់ខែទាប បានបណ្ដាលឱ្យធនាគាររដ្ឋ ខ្វះសមត្ថភាពដើម្បីប្រកួតប្រជែងនៅលើទីផ្សារ<br />ហិរញ្ញវត្ថុ នេះបើតាមរបាយការណ៍ពីធនាគារកណ្ដាលរបស់ឥណ្ឌា។ ប្រាក់ខែទាបនៅបណ្ដាធនា<br />គារជាតិ ក៏ធ្លាប់ជាកត្តាមួយ ធ្វើឱ្យបុគ្គលិករាប់លាននាក់ ព្រមានអំពីការធ្វើកូដកម្មនៅក្នុងខែមិនា<br />ខាងមុខ ប្រសិនសំណើរដំឡើងប្រាក់ខែ ១៩,៥% មិនត្រូវបានគេយល់ព្រម។</p>
<p style="text-align: center;"><a class="thickbox" title="" href="/FileManager/Commons/2015/1/29/65226664fred-624-29-01-2015--11-31-12.jpg"><img src="/FileManager/Articles/mce/2015/1/29/65226664fred-624-29-01-2015--11-31-12.jpg" alt="" /></a></p>
<p style="text-align: center;">អ្នកដុតនំរបស់ហាង McDonald ទទួលបានប្រាក់ខែខ្ពស់<br /><br /></p>
<p><strong>ការប្រៀបធៀបជាមួយចិន</strong></p>
<p>នៅប្រទេសចិន ធនាគារជាតិធំៗចំនួន ៥ ផ្ដល់ប្រាក់បៀវត្ស ១,៧លានយ័ន ដល់បុគ្គលិករបស់ខ្លួន<br /> ហើយបើគិតជាមធ្យម ស្មើនឹង ២៧,២០០ដុល្លារ/ឆ្នាំ រួមទាំងប្រាក់ខែ ប្រាក់រង្វាន់ និងអត្ថប្រយោជន៍<br />ផ្សេងៗ។ បណ្ដាធនាគារឯកជន បានផ្ដល់ប្រាក់បៀវត្សច្រើនជាងនេះ ៣០% នេះបើតាមរបាយ<br />ការណ៍ប្រចាំឆ្នាំ។ ដោយឡែក បុគ្គលិកថ្នាក់កណ្ដាលនៃធនាគារឯកជន ទទួលបានប្រាក់រង្វាន់<br />ច្រើនជាងទ្វេដង ធៀបនឹងបុគ្គលិកធនាគារជាតិ។</p>
<p><strong>បុគ្គលិកធនាគារជាតិ មានបទពិសោធ និងសមត្ថភាពខ្សោយ</strong></p>
<p><strong></strong>ក្រោយពីបានធ្វើការជាច្រើនសិបឆ្នាំនៅធនាគារជាតិ បុគ្គលិកទាំងឡាយ ត្រូវបានគេជឿថា នៅតែ<br />ខ្វះសមត្ថភាព និងមានបទពិសោធទាប បើធៀបនឹងបុគ្គលិកធនាគារឯកជន។ ប៉ុន្ដែ បណ្ដាបុគ្គ<br />លិកធនាគារជាតិឥណ្ឌា ហាក់មិនចង់បោះបង់ការងារនេះ ព្រោះថា ពួកគេនឹងទទួលបានប្រាក់បៀ<br />វត្សនៅពេលចូលនិវត្តន៍៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Bloomberg</p>