<p><strong>ព័ត៌មានអន្តរជាតិ ៖</strong> មនុស្ស ៣ នាក់បានស្លាប់បាត់បង់ជីវិត ខណៈពេលដែល ២០ នាក់ផ្សេង<br />ទៀតបានរងរបួសជាទម្ងន់ បន្ទាប់ពីមានគ្រោះអគ្គីភ័យបានលេបត្របាក់អាគារពាណិជ្ជកម្មមួយ<br />កន្លែងស្ថិតនៅក្នុងខេត្ត Shaanxi ភាគពាយព្យ ប្រទេសចិន កាលពីវេលាព្រឹក ថ្ងៃសៅរ៍។</p>
<p><a class="thickbox" title="" href="/FileManager/Commons/2012/12/24/0013729e46df1240ac1c04-24-12-2012--14-14-04.jpg"><img src="/FileManager/Articles/mce/2012/12/24/0013729e46df1240ac1c04-24-12-2012--14-14-04.jpg" alt="" width="474" height="315" /></a></p>
<p>គួរបញ្ជាក់ផងដែរថា អគ្គីភ័យមួយនោះ បានកើតឡើងទៅលើសំណង់អាគារពាណិជ្ជកម្មពិភព<br />លោក កំពស់ ១៤ ជាន់ នាវេលាម៉ោងប្រមាណជាង ៤ និង ៣០ នាទីទាបភ្លឺ ដែលក្រោយមក<br />បានផ្តាច់សង្ខារមនុស្សដល់ទៅ ៣ រូប ស្របពេលដែលមនុស្ស ២០ នាក់ផ្សេងៗទៀត បានរង<br />របួសជាទម្ងន់ ដោយសារការរលាកភ្លើង និងឆ្លក់ផ្សែងជាដើម។</p>
<p>ប្រភពដដែលនេះ បន្ថែមថាក្នុងចំណោមអ្នករងរបួសទាំងអស់ មានអាយុចាប់ពី ៧ឆ្នាំ ដល់ ៥១<br />ឆ្នាំ ស្របពេលដែល ពលរដ្ឋប្រមាណជាង ១,៧០០ ដែលមានទីលំនៅនៅក្បែរនោះ ត្រូវបាន<br />ជម្លៀសចេញ ដើម្បីសុខសុវត្តិភាព ។ គួររំឭកផងដែរថា បើនិយាយពីមូលហេតុពិតដែលបាន<br />បណ្តាលអោយកើតមានឡើងនូវគ្រោះអគ្គីភ័យមួយនេះ មិនទាន់បានដឹងច្បាស់នៅឡើយទេ<br />ខណៈពេលដែល យុទ្ធការតាមដានស៊ើបអង្កេត នៅតែបំពេញបេសកម្មរបស់ខ្លួននៅឡើយ ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ chinadaily</p>