<p><span style="color: #000000;"><strong>(ភ្នំពេញ)៖</strong> តារាសម្តែង និងជាតារាចម្រៀងរបស់ខ្មែរ៥ដួង កញ្ញា វ៉ាន់ នីឡា, កញ្ញា អែមមី, កញ្ញា ធីតា, អេឡិច ចិនត្រា និងលោក អាន គុណកូឡា ពេលនេះកំពុងតែទទួលបាន ភាពជោគជ័យក្នុងការសម្តែង-ច្រៀង ដោយសារមានអ្នកគាំទ្រជាច្រើន ពីសំណាក់បងប្អូនពលករខ្មែរ នៅអូស្រ្តាលី។</span></p>
<p><span style="color: #000000;">វត្តមានតារាចម្រៀងប្រុស-ស្រីល្បីរបស់កម្ពុជា ចំនួន៥រូប ដែលបានចេញទៅច្រៀង-សម្ដែង នៅលើទឹកដីប្រទេសអូស្ត្រាលីលើកនេះ មិនត្រឹមតែជាការសម្ដែងជូនពលរដ្ឋខ្មែរ រស់នៅទីនោះបានទស្សនា រាំកន្សាន្តសប្បាយរីករាយនោះទេ ថែមទាំងជាបង្កើតឲ្យមានព្រឹត្តិការណ៍សប្បាយៗជាច្រើនទៀត ខណៈការបង្ហាញវត្តមាន របស់ពួកគេថ្ងៃដំបូង គឺទទួលបានការទទួលស្វាមគន៍យ៉ាងកក់ក្តៅ ពីសំណាក់មហាជននៅទីនោះ។</span></p>
<p><span style="color: #000000;">ប្រភពពីអ្នករស់នៅ លើទឹកដីប្រទេសអូស្រ្តាលី បានប្រាប់ឲ្យដឹងថា នៅក្នុងកម្មវិធីប្រគំតន្រ្តីថ្ងៃទីដំបូង បន្ទាប់ពីការបង្ហាញវត្តមាន ពីសំណាក់តារាចម្រៀងប្រុស-ស្រីរបស់ខ្មែរទាំង៥រូប ភ្លាមៗនោះ បានធ្វើឲ្យទស្សនិកជន ដែលជាពលករខ្មែរមកចូលរួមទស្សនា រាំលេងកំសាន្តសប្បាយ និងនៅលើវេទិកាតន្ត្រីទាំងមូល មានភាពកក្រើកសប្បាយរីករាយជាខ្លាំង ស្ទើររកកន្លែងឈរ និងអង្គុយគ្មាន។</span></p>
<p><span style="color: #000000;">ប្រភពខាងលើ បាននិយាយទៀតថា នេះវាជាឱកាសមួយ ដ៏ល្អបំផុតសម្រាប់តារាស្រី-ប្រុសទាំង៥រូបរបស់ខ្មែរ ក្នុងការកើបប្រាក់ពីការទៅសម្តែង នៅប្រទេសអូស្រ្តាលី នាពេលនេះ។ ម្យ៉ាងទៀត ពួកគេក៏អាចទទួលប្រាក់មួយចំនួន ពីអ្នកដែលបានមកចូលទស្សនា ព្រោះដោយសាបងប្អូនខ្មែរ ដែលរស់នៅទីនោះ មានការពេញចិត្ត និង គាំទ្រដល់សិល្បករខ្មែរ ដែលបានទៅសម្តែងនៅទីនោះ។ ដូច្នេះមានអ្នកខ្លះបានឧបត្ថម្ភជាលុយធីប ឬខ្លះរៀបចំជាកាដូរ សម្រាប់ពួកគេជាដើម។</span></p>
<p><span style="color: #000000;">ប្រភពដដែលបានបន្ថែមថា អំឡុងពេលកញ្ញា វ៉ាន់ នីឡា, កញ្ញា អែមមី, កញ្ញា ធីតា, លោក អេឡិច ចិនត្រា និងលោក អាន គុណកូឡា កំពុងស្នាក់នៅប្រមាណ១សប្តាហ៍នេះ គឺមិនសូវទំនេរឡើយ ដោយត្រូវអ្នកធានា ជូនដើរលេង និងស្នើឲ្យទៅចូលរួមជប់លៀងជាលក្ខណៈគ្រួសារ នៅតាមផ្ទះនីមួយៗ ។ ទាំងនេះហើយដែលបង្ហាញថា តារាប្រុស-ស្រីទាំង៥រូបរបស់ខ្មែរ ខាងលើកាន់តែមានភាពជោគជ័យ សម្រាប់ការសម្តែងនៅលើទឹកដី ប្រទេសអូស្រ្តាលី ហើយនេះក៏ជាឱកាសដ៏ល្អសម្រាប់កើបលុយ មកប្រទេសខ្មែរវិញដែរ។</span></p>
<p><span style="color: #000000;">សូមបញ្ជាក់ថា តារាចម្រៀង កញ្ញា វ៉ាន់ នីឡា និងតារាប្រុស-ស្រី៤រូបផ្សេងទៀត បានចេញដំណើរពីប្រទេសកម្ពុជា កាលពីវេលាម៉ោង៦ល្ងាចថ្ងៃទី០៧ ខែកក្កដា ឆ្នាំ២០១៦ ឆ្ពោះទៅកាន់ប្រទេសអូស្រ្តាលី តបតាមការអញ្ជើញរបស់សមាគមន៍ខ្មែរ រស់នៅទីនោះ ដើម្បីច្រៀង-សម្តែងចែកជូនបងប្អូនខ្មែរ នៅទីនោះបានរាំលេងកំសាន្តសប្បាយ ដោយចំណាយពេលស្នាក់នៅ៥សប្តាហ៍ ទើបវិលត្រឡប់មកខ្មែរ តាមការកំណត់៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13612132_587861401383631_2566907574571406663_n.jpg?oh=66c46013066e19c9387ede2e81836a06&oe=57F61F6C" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13619852_587861478050290_4194024611916074011_n.jpg?oh=53af15aebcbdb3c46b88648117f0d910&oe=58300D05" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13592646_587861484716956_8985737505436704168_n.jpg?oh=c94460dd9422357fef5b35ac7943c3d6&oe=582E82E7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13590242_587861394716965_1751471242496931014_n.jpg?oh=abe73fb839c7d0a04bed749bbf07a480&oe=57F17259" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13645160_1067338723335890_1273946774437460073_n.jpg?oh=7d222d5c46d086b8c6c8a513e989940a&oe=582CA275" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13680557_983071485124749_2161130563129901351_n.jpg?oh=0e347693d402e70d88d2b1941e354aaa&oe=5831AF62" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13600310_979812152117349_7236798128735680971_n.jpg?oh=b67a300ce4a3c84890608b478d430e91&oe=58270A40" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13557915_979361345495763_6456762636113805049_n.jpg?oh=76c8288eac483a09d1a4a2735b33eb22&oe=583526AE" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>