<p><span style="color: #000000;"><strong>(ភ្នំពេញ)៖</strong> អភិបាលខណ្ឌដង្កោ លោក នុត ពុធដារ៉ា បានប្រាប់អង្គភាព Fresh News នៅមុននេះបន្ដិចថា កំណាត់ផ្លូវលេខ២១៧ ឬផ្លូវចំការដូង ត្រូវបានផ្អាកចរាចរណ៍ទាំងស្រុងជាបណ្ដោះអាសន្ន ទាំងរថយន្ដធុនធំ រថយន្ដធុនតូច និងម៉ូតូ ដោយសារតែទឹកជន់លិច និងហូរកាត់យ៉ាងខ្លាំង គិតត្រឹមវេលាម៉ោង១រសៀល ថ្ងៃទី១៩ ខែតុលា ឆ្នាំ២០១៦នេះ។</span></p>
<p><span style="color: #000000;">លោក នុត ពុធដារ៉ា បានបញ្ជាក់ថា កំណាត់ផ្លូវចំការដូង ដែលត្រូវទឹកជន់លិចនេះ ចាប់ពីហួសផ្លូវកោងព្រែកជ្រៃ ដោយទឹកហូរកាត់មិនអាចធ្វើដំណើរបាននោះទេ ខណៈដែលព្រឹកមិញ អាជ្ញាធរបានផ្អាកតែរថយន្ដធុនធំប៉ុណ្ណោះ ប៉ុន្ដែឥឡូវនេះ ផ្អាក់ទាំងស្រុងតែម្ដង។</span></p>
<p><span style="color: #000000;">លោកអភិបាលខណ្ឌ បានជូនដំណឹងដល់ប្រជាពលរដ្ឋទាំងអស់ថា <strong>«អាចធ្វើដំណើរតាមផ្លូវវៀងចាប់ពី រង្វង់មូលដីក្រហម ឆ្ពោះទៅផ្លូវជាតិលេខ២ ហើយបត់តាមវត្តព្រែកថ្លឹង បន្ទាប់មកបត់តាមផ្លូវទំបន់៧មករា ទើបមកដល់ផ្លូវ២១៧ ឬផ្លូវចំការដូងវិញ»</strong>។</span></p>
<p><span style="color: #000000;">យ៉ាងណាក៏ដោយ លោកអភិបាលខណ្ឌ មិនទាន់អាចកំណត់ថា តើពេលណា អាចបើកចរាចរណ៍ឡើងវិញនោះទេ ដោយរង់ចាំទឹកស្រកសិន៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-19-10-17-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-19-10-17-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-19-10-17-32-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>