<p><span style="color: #000000;"><strong>(ប៉េរូ)៖</strong> សមាជិករបស់ក្រុមឧទ្ទាម រដ្ឋឥស្លាមម្នាក់ បានប្រហារជីវិតម្តាយរបស់ខ្លួន ជាសាធារណៈ ក្នុងទីក្រុង Raqqa ប្រទេស ស៊ីរី បន្ទាប់ពីស្ត្រីរូបនេះ ជម្រុញឲ្យលោកចាកចេញពីក្រុមឧទ្ទាម នេះបើយោងតាមការលើកឡើងរបស់ អ្នកអង្កេតការផ្នែកសិទ្ធមនុស្សប្រចាំប្រទេស ស៊ីរី ដកស្រង់ដោយសារព័ត៌មាន Channel News Asia ចេញផ្សាយនៅយប់ថ្ងៃទី០៨ ខែមករា ឆ្នាំ២០១៦នេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/9/05-09-01-2016--10-28-22.jpg"><img src="/FileManager/Articles/mce/2016/1/9/05-09-01-2016--10-28-22.jpg" alt="" /></a><br /></span></p>
<p><span style="color: #000000;">ស្ត្រីវ័យប្រមាណជា៤០ឆ្នាំរូបនេះ បានក្រើនរំលឹកដល់កូនប្រុសរបស់ខ្លួនថា ប្រទេសសម្ព័ន្ធមិត្តដែលដឹកនាំដោយសហរដ្ឋអាម៉េរិក នឹងបោសសម្អាតក្រុមឧទ្ទាម ISIS ហើយបានជម្រុញលោកឲ្យចាកចេញពីទីក្រុងជាមួយនឹងលោកស្រី។ លោកស្រីត្រូវបានចាប់ខ្លួន បន្ទាប់ពីកូនប្រុសរបស់ខ្លួន ផ្តល់ដំណឹងនេះដល់ក្រុមឧទ្ទាម។</span></p>
<p><span style="color: #000000;"><a class="thickbox" title="" href="/FileManager/Commons/2016/1/9/05a-09-01-2016--10-28-30.jpg"><img src="/FileManager/Articles/mce/2016/1/9/05a-09-01-2016--10-28-30.jpg" alt="" /></a><br /></span></p>
<p><span style="color: #000000;">ប្រភពពីមនុស្សក្នុងតំបន់បានឲ្យដឹងថា កូនប្រុសវ័យប្រមាណ២០ឆ្នាំរូបនេះ បានប្រហារជីវិតម្តាយរបស់ខ្លួន នៅក្បែរកន្លែងធ្វើការ របស់លោកស្រី នៅចំពោះមុខមនុស្សរាប់រយនាក់ ក្នុងទីក្រុង Raqqa ប្រទេស ស៊ីរី៕</span></p>
<p> </p>
<p style="text-align: right;"><span style="color: #000000;">ប្រភព ៖ BBC និង CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>