<p><span style="color: #000000;">ព័ត៌មានកីឡា៖ ខ្សែប្រយុទ្ធក្រុម Borussia Dortmund បានសម្រេចចិត្ដ បោះបង់ចោលនូវ មហិច្ឆិតាក្រុមខ្លាំងមួយចំនួនចោល ដើម្បីបន្ដកិច្ចកុងត្រាថ្មីជាមួយក្រុម ចាស់របស់ខ្លួន រហូតដល់ឆ្នាំ ២០១៧ ។ </span></p>
<p><span style="color: #000000;">កីឡាករ Marco Reus បានធ្វើឲ្យសង្គមទីផ្សារកីឡាករមានការកក្រើកជាខ្លាំង ខណៈកីឡាករត្រូវផុតកិច្ចកុងត្រាចាស់ ហើយកីឡាករក៏មិនទាន់បានសម្រេចចិត្ដច្បាស់ថា គួរតែធ្វើដំណើរទៅណាឲ្យប្រាកដ ដោយពេលនោះ មានការចាប់អារម្មណ៍ និង ទាក់ទងច្រើនពី បណ្ដាក្លឹបខ្លាំងៗ ដូចជា Man Unitd, Bayern Munich និង Real Madrid ជាដើម ។ </span></p>
<p><span style="color: #000000;">យោងតាមការបង្ហាញរបស់ គេហទំព័រកីឡាអន្ដរជាតិ បានលើកឡើងថា បណ្ដាក្រុមមួយចំនួនដែល ព្យាយាមទាក់ទងនឹងកីឡាករ ទីបំផុត ត្រូវអស់ង្ឃឹមទាំងអស់ ដោយកីឡាករ បានសម្រេចចិត្ដ មិនប្ដូរទៅក្រុមណាមួយឡើយ ពេាលកីឡាករ បែជាបន្ដកិច្ចកុងត្រាថ្មីជាមួយ ក្រុមចាស់របស់ខ្លួន ដែលរហូតដល់ទៅ ២០១៧ ។ </span></p>
<p><span style="color: #000000;">ថ្នាក់ដឹកនាំក្រុម លោក Hans-Joachim Watzke បានមានប្រសាសប្រាប់អ្នកសារព័ត៌មានថា ពួកគាត់មិនបន្ដអនុញ្ញាតឲ្យពាក្យចរចាមរាម នៅតែបន្ដរីករាលដាលអំពីការផ្ទេរជើងនេះ ទៀតឡើយ។ ដូច្នោះ ដើម្បីបញ្ចប់ ឲ្យបានឆាបរហ័សបំផុត យើងមានតែសម្រេចបែបនេះ ហើយដើម្បីរក្សាកីឡាករខ្លាំងរបស់ខ្លួនផង។ </span></p>
<p><span style="color: #000000;">ចំពោះកីឡាករវិញក៏បានបង្ហាញពី មតិខ្លះៗផងដែរ ថា ការសម្រេចចិត្ដចុងក្រោយរបស់ គាត់នៅពេលនេះ គឺពិតជាធ្វើឲ្យគាត់សប្បាយចិត្ដខ្លាំងណាស់ ។ គាត់នឹងមិនទៅណាចោល Borussia Dortmund ឡើយ ព្រោះទីនេាះគឺជាជីវិតរបស់គាត់ ហើយគាត់នឹងព្យាយាមឲ្យអស់ពីសមត្ថភាពថែមទៀត ដើម្បីពង្រឹងក្រុម ឲ្យមានប្រជាប្រិយភាព កាន់តែខ្លាំង មិនឲ្យប្រិយមិត្ដគាំទ្រអស់សង្ឃឹមឡើយ ។ </span></p>
<p>អាន៖ <span style="font-size: small; color: #0000ff;"><a href="/News/Detail/86725/marco-reus-asks-barcelona-where-hed-play-if-he-joined-them" target="_blank"><span style="color: #0000ff;">Marco Reus បានបោះសំណូរទៅកាន់ Barcelona ជាមុនសិន ខណៈធ្វើការសម្រេចចិត្ដទៅតាមក្រោយ</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/2/11/2-11-2015-11-43-20-am-11-02-2015--11-47-25.png"><img src="/FileManager/Articles/mce/2015/2/11/2-11-2015-11-43-20-am-11-02-2015--11-47-25.png" alt="" /></a><br /></span></p>
<p style="text-align: right;"><span>ដោយ៖ អឿ អ៊ុយ</span></p>
<p style="text-align: right;"><span>ប្រភព៖ app.onefootball</span></p>
<p style="text-align: right;"><span><span><span><br /></span></span></span></p>