<p>យោងតាមរបាយការណ៍មួយ កាលពីពេលថ្មីៗនេះ នាឡិកាដំបូងគេរបស់ក្រុមហ៊ុន Apple (Apple Watch) គឺជាហេតុផលមួយ ក្នុងចំណោមហេតុផលមួយចំនួនផ្សេងទៀត ដែលបានធ្វើឲ្យបរិមាណលក់នៃនាឡិកា ស្វ៊ីស មានការថយចុះ នៅក្នុងរយះពេលកន្លងទៅនេះ។</p>
<p><a href="http://www.camnews.com.kh/News/Detail/84675/samsung-will-launch-galaxy-note-5-on-august"><span style="color: #3366ff;"><em>អាន៖ Samsung នឹងបង្ហាញណែនាំ Galaxy Note 5 មុនកាលកំណត់ ដើម្បីដណ្តើមទីផ្សារមុន iPhone 6S/ 6S Plus</em></span></a></p>
<p><a class="thickbox" title="" href="/FileManager/Commons/2015/6/22/112-22-06-2015--19-43-10.jpg"><img src="/FileManager/Articles/mce/2015/6/22/112-22-06-2015--19-43-10.jpg" alt="" /></a></p>
<p><span id="result_box" class="short_text" lang="km"><span class="hps">សហព័ន្ធ</span><span>នៃឧស្សាហកម្ម</span><span>នាឡិកា</span><span>ស្វ៊ីស</span></span> (Federation of the Swiss Watch Industry: FSWI) ទើបតែប្រកាស ចេញនូវរបាយការណ៍មួយ ឲ្យឃើញថា អត្រានាំចេញនៃនាឡិការបស់ប្រទេសនេះ បានធ្លាក់ចុះ ៨,៩% នៅ ក្នុងរយះពេលពីខែមេសា ដល់ខែឧសភា កន្លងទៅនេះ។ នេះគឺជាដំណាក់កាលនៃការធ្លាក់ចុះ ខ្លាំងបំផុត បើគិតចាប់ពីខែវិច្ឆិកា ឆ្នាំ២០០៩ មក។</p>
<p><a href="http://www.camnews.com.kh/News/Detail/69385/samsung-official-launched-selfie-smartphone-with-led-flash-on-front-camera"><span style="color: #3366ff;"><em>អាន៖ Samsung បញ្ចេញស្មាតហ្វូនជំនាញ ថតរូប Selfie ជាមួយនឹងការបំពាក់កាមេរ៉ាមុខមាន អំពូល LED flash ជំនួយ</em></span></a></p>
<p><a class="thickbox" title="" href="/FileManager/Commons/2015/6/22/111-22-06-2015--19-43-39.jpg"><img src="/FileManager/Articles/mce/2015/6/22/111-22-06-2015--19-43-39.jpg" alt="" /></a></p>
<p>ខណៈពេលដែលការបំលែងរូបិយប័ណ្ណ អាចជះឥទ្ធិពលខ្លាំងក្លាដល់បរិមាណលក់បណ្តានាឡិកាស្វ៊ីស នៅក្នុងខែមេសា ក៏ជាខែដែល Apple Watch ចាប់ផ្តើមអនុញ្ញាតឲ្យអតិថិជនធ្វើការកុម្មង់ទិញផងដែរ។ នៅក្នុងរយះពេល ៥ខែដំបូងនៃឆ្នាំ ២០១៥ ការនាំចេញនាឡិកាស្វ៊ីសបានថយចុះ ០,៣%។ ក្នុងនោះ ការនាំ ចេញ នាឡិកាស្វ៊ីស ទៅកាន់សហរដ្ឋអាមេរិច បានថយចុះ ១៤% ទៅកាន់ហុងកុង ថយចុះ ៣៤% នៅក្នុង រយះពេលពីខែមេសា ដល់ខែឧសភា។</p>
<p><a href="http://www.camnews.com.kh/News/Detail/86950/iphone7c-screen-4-inch-will-be-introduced-in-2016"><span style="color: #3366ff;"><em>អាន៖ iPhone 7c អេក្រង់ ៤អ៊ីន នឹងបង្ហាញខ្លួន នៅក្នុងឆ្នាំ ២០១៦</em></span></a></p>
<p>បើយោងតាមបណ្តាអ្នកជំនាញវិភាគ នៅពេលដែលប្រាក់ដុល្លារឡើងថ្លៃ ហើយប្រាក់អឺរ៉ូធ្លាក់ចុះ ប្រជាជន អាស៊ីមាននិន្នាការទេសចរទៅកាន់អឺរ៉ុប ជាងទៅអាមេរិច ហើយតាមរយះនេះ ពួកគេនឹងធ្វើការទិញទំនិញ នៅទីផ្សារបណ្តាប្រទេសនៅអឺរ៉ុប ច្រើនជាងផងដែរ។ នោះក៏អាចជាហេតុផល ការនាំចេញនាឡិកាស្វ៊ីស ទៅកាន់ទីផ្សារអាមេរិច ត្រូវបានធ្លាក់ចុះ។ Patrik Schwendimann អ្នកវិភាគម្នាក់របស់ធនាគារ Zuercher Kantonalbank ក៏បានឲ្យដឹងបន្ថែមថា បណ្តាផលិតផលនាឡិកាតំលៃទាបៗ ដែលនាំចូលទីផ្សារអាមេរិច អាចត្រូវបានប៉ះពាល់ ដោយសារតែវត្តមានរបស់ Apple Watch៕</p>
<p style="text-align: right;"> </p>
<p style="text-align: right;">ប្រែសម្រួល៖ ករុណា<br />ប្រភព៖ <em id="aui_3_2_0_1359">Phonearena, Vreview</em></p>