<div class="article-content">
<p><strong>ភ្នំពេញ៖</strong> ស្ត្រីម្នាក់ជាឈ្នួលបំរើ ត្រូវក្រុមជនល្មើសប្លន់យកគ្រឿងអលង្ការ លុយកាក់អស់ជាច្រើន។<br /> ប៉ុន្តែសមត្ថកិច្ច សង្ស័យថា ជារឿងផ្ទៃក្នុង ។</p>
<p>នាយនគរបាលប៉ុស្តិ៍ទឹកល្អក់ទី៣ លោក ស៊ុន ប៊ុនរី បាននិយាយថា នៅម៉ោងជាង៨យប់ ថ្ងៃទី៣០<br /> ខែសីហា ឆ្នាំ ២០១៣ មានករណីប្លន់បានកើតឡើង នៅផ្ទះលេខ ១២៨C ផ្លូវលេខ២០២ សង្កាត់<br />ទឹកល្អក់ទី៣ ខណ្ឌទួលគោក បន្ទាប់ពីស្រ្តីរងគ្រោះ ត្រូវជនល្មើសមួយក្រុមចងដៃ ចងជើងជាប់គ្នា <br />ហើយយកស្គុតបិទមាត់ រួចធ្វើសកម្មភាព ប្លន់យកគ្រឿងអលង្ការ នៅក្នុងផ្ទះអស់មួយចំនួន។</p>
<p>ស្ត្រីរងគ្រោះក្នុងអំពើប្លន់ខាងលើនេះ មិនត្រូវបានស្គាល់អត្តសញ្ញាណនោះឡើយ ដោយសារម្ចាស់<br />ផ្ទះលាក់បាំង ព័ត៌មាន។ ដោយឡែកម្ចាស់ផ្ទះកើតហេតុវិញត្រូវបានគេស្គាល់ថា ឈ្មោះ គឹម រស្មី <br />ភេទប្រុស អាយុ ៣២ឆ្នាំ។</p>
<p>មុនពេលកើតហេតុម្ចាស់ផ្ទះ និងក្រុមគ្រួសារបាននាំគ្នា ចេញទៅក្រៅ បាត់អស់ដោយទុកឈ្នួល<br />នៅផ្ទះម្នាក់ឯង ហើយពេលនោះក៏មានក្រុមចោរប្លន់គ្នាពីរនាក់ ជិះរថយន្តមួយគ្រឿង មិនស្គាល់<br />ម៉ាកមកឈប់នៅមុខផ្ទះ ហើយ ចូលធ្វើសកម្មភាពចាប់ស្ត្រី អ្នកបំរើចងរួចប្លន់យក គ្រឿងអលង្ការ<br />អស់មួយចំនួន។</p>
<p>ចំពោះករណីខាងលើនេះ សមត្ថកិច្ចកំពុងស្រាវជ្រាវជុំវិញហេតុការណ៍ ដែលកើតឡើងដោយមិន<br />ទាន់សន្និដ្ឋានថា ជាសកម្មភាពអ្វីពិតប្រាកដនៅឡើយទេ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0431.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>