<p>បន្ទាប់ពីត្រូវបានប៉ូលិស សាកសួរចម្លើយ ក្រោយពីមានឧបទ្ទេវហេតុបង្កឲ្យមនុស្ស ១៦ នាក់បានស្លាប់ នៅក្នុងកម្មវិធីប្រគុំតន្រ្តី K-Pop នៅទីក្រុង Seongnam ភាគខាងត្បូងទីក្រុងសេអ៊ូល ប្រទេសកូរ៉េខាង ត្បូង កាលពីយប់ម្សិលមិញនេះ សមាជិកម្នាក់ដែលទទួលភារកិច្ចស្តីពីសុវត្ថិភាព នៃកម្មវិធីប្រគុំតន្រ្តី បានលោតពីលើអគារសម្លាប់ ខ្លួន។</p>
<p style="text-align: center;"><a class="thickbox" title="" href="/FileManager/Commons/2014/10/18/korea-accident-6-9846-14135559-3806-7528-1413606998-18-10-2014--17-51-30.jpg"><img src="/FileManager/Articles/mce/2014/10/18/korea-accident-6-9846-14135559-3806-7528-1413606998-18-10-2014--17-51-30.jpg" alt="" /></a></p>
<p style="text-align: center;"><span style="color: #808080;"><em><span id="result_box" lang="km"><span class="hps">កន្លែងកើតហេតុ</span> នៃការបាក់ស្រុតប្រព័ន្ធខ្យល់ នៅកូរ៉េខាងត្បូង ( <span class="hps">រូបថត: AP</span></span>)</em></span></p>
<p>តាមប្រភពព័ត៌មានពី AP, Kim Nam-jun មន្ត្រីនាំពាក្យនៅទីក្រុង Seongnam នៅថ្ងៃនេះបានឲ្យដឹងថា សមាជិកម្នាក់នៃ វិទ្យាស្ថានវិទ្យាសាស្រ្ត និងផ្សព្វផ្សាយបច្ចេកវិទ្យា Gyeonggi ដែលជាអ្នកឧបត្ថមកម្ម វិធីម្នាក់ ក្នុងចំណោមអ្នកឧបត្ថមមួយចំនួនផ្សេងទៀត នៃកម្មវិធីប្រគុំតន្រ្តី ត្រូវបានគេរកឃើញថាបាន ស្លាប់ កាលពីវេលាម៉ោងប្រហែល ៧ ព្រឹកមិញនេះ។ </p>
<p>លោកអធិការ Park Jeong-ju បានឲ្យដឹងថា បុរសដែលមានត្រកូល Oh អាយុ ៣៧ឆ្នាំ បានលោត សម្លាប់ខ្លួនពីកំពូលអគារមួយកំពស់ ១០ជាន់។ កាលពីមុននេះ លោក Oh ត្រូវបានប៉ូលិសសាកសួរ ចម្លើយ បន្ទាប់ពីមានគ្រោះថ្នាក់កើតឡើង។ </p>
<p>សាកសពរបស់លោក Oh ត្រូវបានគេប្រទះឃើញនៅលើដងផ្លូវមួយ ក្បែរអគារការិយាល័យរបស់ លោក នៅ Pangyo Techno Valley។ បុរសម្នាក់នេះ មិនបានបន្សល់នៅបណ្តាំផ្តាំផ្ញើអ្វីទេ ប៉ុន្តែបាន សរសេរនូួវអក្សរមួយឃ្លាចុងក្រោយ បង្ហោះនៅលើបណ្តាញទំនាក់ទំនងសង្គម៖ "ខ្ញុំសូមទោស អ្នក រងគ្រោះទាំងអស់គ្នា។ ខ្ញុំសូមទោស គ្រួសារខ្ញុំ"។ </p>
<p>លោក Oh ត្រូវបានឲ្យដឹងថា បានធ្វើសេចក្តីព្រាងឯកសារមួយ ដែលពាក់ព័ន្ធដល់បណ្តាវិធានការ សុវត្ថិភាព នៅតំបន់ដែលមានបច្ចេកវិទ្យាស្មុគស្មាញ កន្លែងដែលប្រារព្ធកម្មវិធី សម្តែងការប្រគុំតន្រ្តី។ </p>
<p>ព័ត៌មានស្តីពី ឧបទ្ទេវហេតុ ដែលបណ្តាលមនុស្ស ១៦ នាក់ បានស្លាប់នៅក្នុងការបាក់រលំចម្រឹងដែក ប្រព័ន្ធខ្យល់ ក្នុងពេលកំពុងសម្តែងការប្រគុំតន្រ្តី K-Pop កាលពីយប់មិញនេះ <a href="http://www.camnews.com.kh/News/Detail/93675/many-dead-in-collapse-at-south-korea-4minute-concert"><span style="color: #0000ff;">សូមចុចត្រង់នេះ</span></a> ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ wsj, vnexpress</p>