<p><span style="color: #000000;"><strong>ព័ត៌មានអន្តរជាតិ ៖</strong> វីដេអូមួយ ដែលមានរយៈ ពេល ៣នាទី ត្រូវបានបង្ហោះដោយក្រុមសកម្មប្រយុទ្ធ រដ្ឋឥស្លាម ISIS កាលពីរសៀលថ្ងៃព្រហស្បតិ៍ កន្លងទៅនេះ ដែលបង្ហាញពីការដោះលែង ចំណាប់ ខ្មាំង ជនជាតិ អង់គ្លេសម្នាក់ ដោយ និយាយ ថា លោកនឹងបង្ហាញការពិត និងសេចក្តី ជាក់លាក់មួយចំនួន នៅក្នុងការ បកស្រាយថ្ងៃមុខ ។</span></p>
<p><span style="color: #000000;"><a class="thickbox" title="" href="/FileManager/Commons/2014/9/20/05-20-09-2014--09-26-00.jpg"><img src="/FileManager/Articles/mce/2014/9/20/05-20-09-2014--09-26-00.jpg" alt="" /></a><br /></span></p>
<p><span style="color: #000000;">ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី១៩ ខែកញ្ញា ឆ្នាំ២០១៤ នេះឲ្យដឹងថា វីដេអូខ្លីមួយ នោះ មានចំណងជើងថា Lend Me Your Ears បានបង្ហាញពីបុរសម្នាក់ស្លៀកពាក់ អាវ ពណ៍ទឹកក្រូច បាននិយាយថា លោក ឈ្មោះ ចន ខានលី John Cantlie ជាអ្នកកាសែត ជនជាតិអង់គ្លេស ដែលបាន ធ្វើ ការ សម្រាប់ ថ្ងៃអាទិត្យ ។ លោក បាន និយាយថា លោកត្រូវបានចាប់ខ្លួនដោយ ក្រុមសកម្មប្រយុទ្ធ រដ្ឋឥស្លាម បន្ទាប់ពី បានមកដល់ប្រទេសស៊ីរី នៅក្នុងខែវិច្ឆិកា ឆ្នាំ២០១២ ។</span></p>
<p><span style="color: #000000;"><a class="thickbox" title="" href="/FileManager/Commons/2014/9/20/02-20-09-2014--09-26-11.jpg"><img src="/FileManager/Articles/mce/2014/9/20/02-20-09-2014--09-26-11.jpg" alt="" /></a><br /></span></p>
<p><span style="color: #000000;">ជាមួយនឹងវីដេអូ ដែលមានលេចឡើង នូវនរណា ម្នាក់ ក្រៅពីលោក ខានលី មួយនេះ ក្នុងនោះ លោក បាននិយាយថា “ ខ្ញុំជាអ្នកទោស ដែល ខ្ញុំមិនអាច ប្រកែកបាន ប៉ុន្ដែបានសម្លឹងមើលថា ខ្ញុំអាចរំដោះ ដោយ រដ្ឋាភិបាលរបស់ខ្ញុំ ហើយឥឡូវនេះខ្ញុំបានធ្លាក់ក្នុងដៃ របស់ក្រុមសកម្ម ប្រយុទ្ធ ឥស្លាមនិយម ខ្ញុំគ្មានអ្វី ដែលត្រូវសង្ឃឹមទៀតនោះទេ”។</span></p>
<p><span style="color: #000000;">លោក ខានលី បានបន្ថែមទៀតថា “ខ្ញុំអាចនឹងរស់ ខ្ញុំ អាចនឹងស្លាប់ ប៉ុន្ដែខ្ញុំចង់យកឱកាស នេះដើម្បី បង្ហាញ ពីការពិតខ្លះ ដែលអ្នកទាំងអស់គ្នាអាចវែកញែក បាន អ្វី ដែលជាការពិតនោះ ដែលថា ប្រសិន បើពិចារណាប្រហែលជាអាចជួយជីវិតមនុស្សបាន ។ លោកបានបន្ថែមទៀតថា បណ្ដា ប្រទេសលោក ខាងលិច ក៏បាន និងកំពុងទាក់ទាញការគាំទ្រ ដើម្បីប្រយុទ្ធប្រឆាំងនឹងក្រុមសកម្មប្រយុទ្ធឥស្លាមនិយម IS នេះដែរ ។</span></p>
<p><span style="color: #000000;"><a class="thickbox" title="" href="/FileManager/Commons/2014/9/20/03-20-09-2014--09-26-23.jpg"><img src="/FileManager/Articles/mce/2014/9/20/03-20-09-2014--09-26-23.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ក្នុងរយៈពេលប៉ុន្មានសប្តាហ៍ចុងក្រោយនេះ ក្រុមឧទ្ទាម អ៊ីស្លាម ជ្រុលនិយម IS បានធ្វើ អោយពិភពលោក មានភាពតក់ស្លុតជាខ្លាំង តាមរយៈការបង្ហោះជាខ្សែអាថ៍វីដេអូ ក្នុងការ កាត់ក្បាល សម្លាប់ចំណាប់របស់ខ្លួន ជាបន្តបន្ទាប់ ដល់ទៅ ៣ រូប ក្នុងនោះ រួមមានដូចជា ៖ អ្នកកាសែតអាមេរិក ២ រូប លោក <span style="width: 624px;">James Foley និងលោក Stephen Sotloff</span> រួមទាំងបុគ្គលិកជំនួយមនុស្សធម៌ របស់អង់គ្លេស ម្នាក់ផ្សេងទៀត លោក <span style="width: 624px;">David Haines ខណៈការសម្លាប់ចំណាប់ខ្មាំង ទាំងនេះ ត្រូវបានគេមើលអោយ ឃើញថា ជាការឆ្លើយតប និងសងសឹក ទៅនឹងចំណាត់ការ សហរដ្ឋ អាមេរិក ក្នុងការវាយប្រហារតាម អាកាស មកលើក្រុមរបស់ខ្លួន ។</span></span></p>
<p><span style="color: #000000;"><span style="width: 624px;"><a class="thickbox" title="" href="/FileManager/Commons/2014/9/20/04-20-09-2014--09-26-34.jpg"><img src="/FileManager/Articles/mce/2014/9/20/04-20-09-2014--09-26-34.jpg" alt="" /></a><br /></span></span></p>
<p><span style="color: #000000;">បន្ថែមពីលើនេះ របាយការណ៍ បញ្ជាក់អោយដឹងថា ក្នុងខ្សែអាថ៍វីដេអូ ស្តីពីការបង្ហាញខ្លួនចំណាប់ខ្មាំង លើកនេះ ក្នុងនោះ ក្រុមឧទ្ទាមរដ្ឋអ៊ីស្លាមជ្រុលនិយម បាន ធ្វើការគម្រាម គំហែង ក្នុងការកាត់ក្បាល សម្លាប់ចំណាត់ខ្មាំងម្នាក់ទៀត ឈ្មោះ Alan Henning ជនជាតិ អង់គ្លេស ហើយបើចំណាប់ខ្មាំងរូបនេះ ត្រូវបានសម្លាប់ដោយកាត់ក្បាលមែននោះ គាត់គឺជាជនរងគ្រោះទី ៤ ហើយ ៕</span></p>
<p><a href="/News/Detail/41802/obama-condemns-is-beheading-of-british-hostage" target="_blank"><span style="color: #0000ff;">- អាន ៖ អូបាម៉ា ក្តៅស្លឹកត្រចៀក កាន់តែខ្លាំង ខណៈ សន្យាកំទេច ក្រុមឧទ្ទាម ក្រោយសម្លាប់ កាត់ក្បាល មនុស្សទី ៣</span></a></p>
<p><span style="color: #000000;"><a href="/News/Detail/13270/isis-executes-british-aid-worker-david-haines-%E2%80%8Bcameron-vows-justice" target="_blank"><span style="color: #0000ff;">- អាន ៖ ផ្អើលពេញសកលលោក ជាពិសេស ទំព័រមុខ សារព័ត៌មាន ក្រុមឧទ្ទាម សម្លាប់កាត់ក្បាល បុរសជនជាតិ អង់គ្លេស (វីដេអូ)</span></a></span></p>
<p> </p>
<p><object width="501" height="429" data="http://www.youtube.com/v/-QqML-r1cUM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/-QqML-r1cUM&rel=1" /></object></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី ដើមអម្ពិល ស៊ិនហួរ យូធូប និង ហ្គូហ្គល</span></p>