<p><strong>ភ្នំពេញៈ</strong> បុរសរូបសង្ហាសំដីផ្អែមស្រទន់ មានមន្តស្នេហ៍ លោក សាយ សៀរ៉ា បានបង្ហើបប្រាប់ឲ្យ<br />ដឹងថា ពេលនេះ លោកមានការមមាញឹក ជាមួយការងារក្នុងស្រុកច្រើន មិនសូវទំនេរទេ ទោះជា<br />រដូវវស្សាក៏ដោយ ហើយមានពេល ខ្លះត្រូវអាក់ខាន មិនបានចេញទៅសម្តែង នៅក្រៅប្រទេស<br />ថែមទៀតផង ។</p>
<p>តារាសម្តែង មានឈ្មោះបោះសំឡេង និងឆក់បានតំណែងតួឯកប្រុស ជាច្រើនរឿង សាយ សៀរ៉ា<br /> បានបង្ហើបប្រាប់ Looking TODAY ឲ្យដឹងតាមទូរស័ព្ទ នារសៀលថ្ងៃទី២៦ ខែមិថុនា ឆ្នាំ២០១៣<br />នេះថា បច្ចុប្បន្នលោកមាន ការមមាញឹកជាមួយ ការងារច្រើន ទាំងការថតស្ពត ថតខារ៉ាអូខេ ថត<br />រឿងជាដើម ។ ថ្មីៗនេះ លោកក៏កំពុងតែបន្ត ថតរឿងថ្មីមួយទៀត ដែលជាជីវប្រវត្តិរបស់ លោក<br />ឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ ដោយនៅក្នុងខ្សែភាពយន្តនេះ គឺមាន<br />សិល្បករ-សិល្បការិនី ល្បីឈ្មោះជាច្រើន ចូលរួមសម្តែង។</p>
<p>តារាម៉ូដែល រាងខ្ពស់ស្រឡះ លោក សាយ សៀរ៉ា បានប្រាប់ឲ្យដឹងបន្តទៀតថា "នៅក្នុងរឿងនេះ<br /> គឺខ្ញុំដើរតួជាប្អូន ប្រុសបង្កើតរបស់ លោកឧបនាយករដ្ឋមន្ត្រី ទៀ បាញ់ ហើយ លោក យ៉ែម សំអូន<br /> និងភរិយា ដើរជាតួឯកប្រុស និងតួឯកស្រី (លោក ទៀ បាញ់ និងលោកជំទាវ) ហើយនៅថ្ងៃស្អែក<br />នេះ ខ្ញុំនឹងតារាល្បីៗឈ្មោះមួយចំនួន ត្រូវនាំគ្នាធ្វើដំណើរទៅថតរឿងនេះវគ្គបន្តនៅខេត្តកោះកុង"។</p>
<p>លោកបានបន្តទៀតថា ដោយសារតែក្នុង មួយរយៈពេលនេះ លោកមានការរវល់បែបនេះ ទើបត្រូវ<br />ផ្អាកមិន ទទួលការអញ្ជើញ ទៅសម្តែងនៅ ក្រៅប្រទេស ដូចតារាដទៃ ដែលពួកគេមានការមមាញឹក<br /> ក្នុងការរៀបចំឯកសារ ចេញក្រៅប្រទេស។ តែបើដល់ពេលណា ដែលលោកទំនេរ អាចដកឃ្លាបាន<br /> ទើបចាប់ផ្តើមគិតពីគម្រោងថា ត្រូវចេញទៅប្រទេសណា ហើយទៅប៉ុន្មា នខែពេលក្រោយ ។</p>
<p>បើតាមលោក សាយ សៀរ៉ា សម្រាប់ការចេញ ទៅក្រៅប្រទេស និងធ្វើការក្នុងប្រទេស គឺអាចរក<br />ចំណូល មិនច្រើនជាងគ្នាប៉ុន្មានទេ គ្រាន់តែថា លោកមិនចង់ចេញក្រៅ ដោយទុកការងារនៅក្នុង<br /> ស្រុកចោលនោះទេ ខ្លាចធ្វើឲ្យការងារ ដែលទទួលហើយ មានការប៉ះពាល់ ដោយសាររូបលោក ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0664.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-098/S_0665.jpg" alt="" width="500" /></p>
<p style="text-align: right;">ដោយ ៖ LookingToday<br />ផ្តល់សិទ្ធិដោយ៖ ដើមអំពិល<br /><br /></p>