<div class="article-content">
<p>ភ្នំពេញ៖ រថយន្តមួយគ្រឿង ត្រូវអណ្តាតភ្លើង ឆាបឆេះយ៉ាងសន្ធោសន្ធៅ និងបុរសម្នាក់ ជា<br />ម្ចាស់រថយន្ត ត្រូវរងរបួសធ្ងន់ ដោយសាររូបគេបាន បើករថយន្តក្នុង ល្បឿនលឿនជ្រុល ទៅ<br />បុកបង្គោល ភ្លើងបំភ្លឺផ្លូវ សារធារណៈ ពេញទំហឹង កាលពីវេលាម៉ោង ២និង២០នាទីរំលង<br />អធ្រាត្រ ឈានចូលថ្ងៃទី១២ ខែមករា ឆ្នាំ២០១៣ នៅចំណុចមុខផ្ទះយីហោ អង្គវត្តបោះ ពុម្ព<br />អាវយឺត តាមបណ្តោយវិថីព្រះសីហនុ ស្ថិតក្នុង សង្កាត់ទួលស្វាយព្រៃទី២ ខណ្ឌចំការមន។</p>
<p>ប្រភពព័ត៌មានពីសាក្សី នៅកន្លែងកើតហេតុ បានឲ្យដឹងថា គ្រោះថ្នាក់ចរាចរណ៍ ដែលបាន<br />កើតឡើងនេះ គឺបង្ក ឡើងដោយសារ រថយន្តមួយគ្រឿង ម៉ាក morning S-L-X ពណ៌ទឹកប្រាក់<br /> ពាក់ស្លាកលេខ ភ្នំពេញ 2U-8492 ជិះគ្នា៣ទៅ៤នាក់ សុទ្ធតែប្រុស បើកបរតាមបណ្តោយ វិថី<br />ព្រះសីហនុ ក្នុងទិសដៅពីជើងទៅត្បូង ក្នុងល្បឿន យ៉ាងលឿន លុះជិតដល់ចំណុចកើត<br />ហេតុខាងលើ រថយន្តបានជាន់ហ្រ្វាំង អូសចម្ងាយ ប្រមាណជាង២០ម៉ែត្រ តែរថយន្តមិនទាន់<br />អស់ល្បឿន ក៏ជ្រុលទៅបុក បង្គោលភ្លើង បំភ្លឺផ្លូវសារធារណៈ ទាំងកំរោលតែម្តង បណ្តាលឲ្យ<br /> អ្នកបើកបររថយន្តម្នាក់ ត្រូវរងរបួសធ្ងន់ និងអ្នករួមដំណើរ មិនបានរងរបួសឡើយ តែរថយន្ត<br />បាន រងការខូចខាត ផ្នែកខាងមុខស្ទើរទាំងស្រុង ខណៈនោះរថយន្តស្រាប់ តែមានអណ្តាត<br />ភ្លើង បានឆាបឆេះរថយន្តយ៉ាង សន្ធោសន្ធៅ ថែមទៀត ប៉ុន្តែសំណាងល្អគា្មន អ្នករងរបួស<br />ដល់អាយុជីវិត ឡើយ។</p>
<p>បន្ទាប់ពីកើតហេតុ អ្នករងរបួសត្រូវបញ្ជូនទៅសង្គ្រោះ បន្ទាន់នៅមន្ទីរពេទ្យ ចំណែករថយន្ត<br />ត្រូវ បានសមត្ថកិច្ច មូលដ្ឋាន សហការជាមួយនគរបាល ជំនាញចុះធ្វើ ការវាស់វែង ដកហូត<br />យកទៅរក្សាទុក នៅសាលារាជធានី ភ្នំពេញ ដើម្បីចាត់ការតាមផ្លូវច្បាប់ ៕</p>
<p style="text-align: center;"><img src="http://111.92.240.170:81/dap-news/dap-images/2013/January/id-011/Hong-0122.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/January/id-011/Hong-0123.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/January/id-011/Hong-0124.jpg" alt="Photo by DAP-NEWS" width="400" /><br /><br /></p>
<p style="text-align: right;">ប្រភព ៖ DAP</p>
</div>