<div class="entry-content clearfix single-post-content">
<p><span style="color: #000000;"><strong>(ភ្នំពេញ)៖</strong> តារាចម្រៀងសិចស៊ី អ្នកនាង ឆៃ លីដាឡែន មុននេះបន្តិច បានបង្ហាញពីអារម្មណ៍ហួសចិត្តខ្លាំង ជាមួយបុរស ម្នាក់ ជាអ្នកលេងភ្លេងខ្មែរ ខណៈទទួលលុយកក់គេ ចំនួន៥០ដុល្លារ ហើយពេលដល់ថ្ងៃ បែរជាមិនទៅលេងភ្លេង ក្នុង មង្គលការមួយ រហូតធ្វើឲ្យសំអាងការ ដែលជាអ្នកទទួលបន្តនោះ មានការបាក់មុខមិនស្ទើរទេ។ មិនត្រឹមតែប៉ុណ្ណោះ បុគ្គលម្នាក់នេះបែរជាទម្លាក់កំហុស មកលើម្ចាស់សំអាងវិញទៀតផង។</span></p>
<p><span style="color: #000000;">តារាចម្រៀងយេៗអ្នកនាង ឆៃ លីដាឡែន បានបង្ហោះឃ្លីបវីដេអូ ភ្ជាប់ជាមួយការសរសេរសារដោយហួសចិត្តថា <strong>«ងាប់ហើយ មើលសម្តីអ្នកច្រៀងភ្លេងខ្មែរ លោកស្តាប់ហើយគ្រឿតណាស់ លោកទទួលលុយកក់គេហើយ អត់ទៅ លេងឲ្យគេ ហើយនៅសម្តីឈ្លើយទៀត ពេលទទួលលុយកក់គេហ្នឹង អត់សួរគេទេអី ថាលេងនៅកន្លែងណា? អ៉ីចឹងបើកភ្លេងខ្មែររកងាប់អីគេ នីមួយៗមិនថាភ្លេងខ្មែរ មិនថាភ្លេងសម័យ មិនថាសំអាងការ មិនថាអ្នកតែងផ្កា តែគេទទួលលុយកក់ហើយ គឺគេទទួលខុសត្រូវដល់ម៉ោងលេង គេទៅដល់កន្លែងហើយ!»</strong>។</span></p>
<p><span style="color: #000000;">អ្នកនាង ឆៃ លីដាឡែន បានបញ្ជាក់បន្ថែមថា<strong> «បើយើងមិនស្គាល់ យើងគួរតែខលទៅសួរម្ចាស់សំអាងការ ដែលគេជាអ្នកកក់លុយយើង មិនមែនឲ្យគេខលតាមយើងទេ គេក៏រវល់របស់គេដែរ លោកអ្នកភ្លេងឫកធំ ខ្ញុំនិយាយនេះ ព្រោះគ្រួសារខ្ញុំមានជួលទាំងភ្លេងខ្មែរ និងសម័យ មិនឫកធំ ហើយសម្តីឈ្លើយដាក់គេអ៉ីចឹងទេ ខ្ញុំទើបតែជួបទេ លោកអើយ មើលវីដេអូនេះហើយក្តៅចិត្តម៉ង បើជួបខាងក្រៅដឹងតែ…។ បើបងប្អូន ណាយល់ ដូចខ្ញុំសូម like or comments n share ឲ្យលោកបងអ្នកភ្លេងឫកធំ បានឃើញផង !»</strong>៕</span></p>
<p><span style="color: #000000;">ដើម្បីចង់ដឹងកាន់តែច្បាស់ សូមប្រិយមិត្តទស្សនានូវឃ្លីបវីដេអូខាងក្រោមនេះទាំងអស់គ្នាថា តើសម្លេង ឆ្លើយឆ្លង តាមទូរស័ព្ទ រវាងម្ចាស់សំអាងការ និងអ្នកលេងភ្លេងខ្មែរនេះ មានការប្រកែកគ្នាតឹងសរសៃក យ៉ាងណានោះ?</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-27-16-11-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-27-16-11-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-27-16-11-43-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-27-16-11-52-0.jpg" alt="" width="730" /></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Fchanthousin168%2Fvideos%2F1626413834319115%2F&show_text=0&width=730" frameborder="0" width="480" height="1000"></iframe></span></p>
</div>
<div class="entry-terms post-tags clearfix" style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></div>