<p><span style="color: #000000;"><strong>(ពោធិ៍សាត់)៖</strong> បុរសម្នាក់ត្រូវបានសមត្ថកិច្ចឃាត់ខ្លួន ករណីហិង្សាដោយចេតនា បន្ទាប់ពីជនរូបនេះ បានវាយនារីរងគ្រោះដោយដៃ ហើមមុខហើមមាត់រងរបួសធ្ងន់ មើលលែងចង់ស្គាល់ ដោយសារនារីរងគ្រោះ មានក្លិនខ្លួន លាយឡំជាមួយក្លិនលាមក។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/14/08a-14-08-2016--14-52-02.jpg"><img src="/FileManager/Articles/mce/2016/8/14/08a-14-08-2016--14-52-02.jpg" alt="" /></a><br /></span></p>
<p><span style="color: #000000;">លោកអនុសេនីយ៍ឯក ប៉ិច ស៊ីផាន់ នាយប៉ុស្តិ៍នគរបាលរដ្ឋបាលផ្ទះព្រៃ បានប្រាប់ភ្នាក់ងារ Fresh News ឲ្យដឹងថា ជនសង្ស័យដែល ត្រូវបានឃាត់ខ្លួន មានឈ្មោះ ថន ថៃ ភេទប្រុស អាយុ២៨ឆ្នាំ ដោយឡែកនារីរងគ្រោះ មានឈ្មោះ ទិត្យ សំរួន ភេទស្រី អាយុ២៨ឆ្នាំ ដូចគ្នា អ្នកទាំងពីររស់ភូមិគក សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">លោកនាយប៉ុស្តិ៍បានបន្តថា ជនសង្ស័យ និងនារីរងគ្រោះជានិច្ចជាកាលរស់នៅជាមួយគ្នា ហើយជនសង្ស័យធ្លាប់មានប្រពន្ធ កូនមួយម្តងរួចមកហើយ ដោយឡែកនារីរងគ្រោះបានមកស្នាក់ និងដេកនៅជាមួយគ្នាស្ទើររាល់យប់។</span></p>
<p><span style="color: #000000;">លោកនាយប៉ុស្តិ៍បានបន្តទៀតថា នៅយប់ថ្ងៃកើតហេតុថ្ងៃទី១២ ខែសីហា ឆ្នាំ២០១៦ ជនសង្ស័យបានផឹកស្រាស្រវឹង ហើយបានមក ណែបនិតនារីរងគ្រោះដូចសព្វមួយដង តែដោយសារនារីរងគ្រោះក្លិនខ្លួនលាយឡំជាមួយក្លិនលាមក មិនបានសម្អាតខ្លួនផងនោះ ជនសង្ស័យបានវាយធ្វើបាបនារីគ្រោះដោយដៃ បណ្តាយឲ្យហើមមុខហើមមាត់រងរបួសធ្ងន់៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-08-14-13-00-26-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-14-13-00-26-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-14-13-00-27-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>