<p><span style="color: #000000;"><strong>(ភ្នំពេញ)៖</strong> ក្រុមកំប្លែងដ៏ពេញនិយម របស់ទស្សន៍ CTN មានឈ្មោះថា «ក្រុមកំប្លែង នាយពាក់មី» ដែលស្ថិតក្រោមការគ្រប់គ្រង ពីសំណាក់លោក សុវណ្ណ ឫទ្ធី ហៅលោកតា វ៉ិចទ័រ កាលពីពេលថ្មីនេះ ត្រូវបានអ្នកលេងបណ្ដាញសង្គម Facebook សម្ដែងការខកចិត្ត និងរិះគន់ធ្ងន់ៗថា កា្លយជាក្រុមកំប្លែងគ្មានសីលធម៌ មិនគោរពសិទ្ធិរបស់មនុស្សស្រី ហើយបានយកប្រពន្ធ នាយតាក់ស៊ី ទៅលេងសើច ហាក់មិនបានទុកមុខមាត់កិត្តិយសឲ្យ នាងជាស្រីបន្តិចសោះ ដែលភាសាទូទៅ គេអាចនិយាយបានថា ជាការលេងបន្លំមែន។</span></p>
<p><span style="color: #000000;">ថ្មីៗនេះ ត្រូវបានគេប្រទះឃើញអ្នកលេង Facebook ម្នាក់មាន Account ឈ្មោះ «Hia Khun» បានសរសេររិះគន់យ៉ាងធ្ងន់ៗ ចំពោះក្រុមកំប្លែងដ៏ល្បី នាយពាក់មី រហូតប្រើពាក្យថា ជាក្រុមកំប្លែងថោកទាបបំផុត ក្នុងចិត្តរបស់អ្នកលេង Facebook រូបនេះ ដែលបានយកជំងឺ នាយតាក់ស៊ីមកលេងសើច ប្រមាថជីវិត ហើយក្រុមនេះ កំពុងតែយកតណ្ហាដឹកមុខ អសីលធម៌ ដោយយកប្រពន្ធនាយពាក់មី មកស្ទាបអង្អែលដូចដាច់ដាប ដណ្ដើមគ្នាបីដូចសុនខ(ឆ្កែ)។</span></p>
<p><span style="color: #000000;">ក្នុងFacebook ដដែលនេះ បានសរសេរទៀតថា«បើខ្ញុំចាំមិនខុសទេ ថ្ងៃឆ្លងឆ្នាំមានឈុតសម្ដែងមួយ ដែលនាយក្រូចធ្វើជាមេយក្ស យកប្រពន្ធនាយតាក់ស៊ីមកលេងសើច បន្ទាប់មកនាយតាក់ ស៊ីខឹងនាយពាក់មី គេថា នែ៎ ..អាតាក់ស៊ីបើលេងចឹង ហ្អែងខឹងទៅធ្វើសំណង់វិញទៅ សួរថា សមទេ សម្ដីបែបហ្នឹង ? លោក វ៉ិចទ័រគួរមើលឡើងវិញ វាពិតជាអសីលធម៌ហួសហេតុ ពេកហើយ?»។</span></p>
<p><span style="color: #000000;">ក្រៅពី Account Facebook ខាងលើ គេនៅសង្កេតឃើញមាន អ្នកលេងជាច្រើនទៀត ក៏បានរិះគន់ទៅលើក្រុមកំប្លែង របស់នាយពាក់មី នេះដែរ និងស្នើឲ្យមានការសំណូមពរ ដល់អ្នកដឹកនាំ មេត្តាពិនិត្យជាថ្មី និងអប់រំសមាជិកអ្នកលេងកំប្លែង ឲ្យចេះប្រើពាក្យពេចន៍សមរម្យ ដើម្បីឲ្យអ្នកទស្សនាទទួលយកបាន និងកុំឲ្យក្លាយជាក្រុមកំប្លែងមានគំរូអាក្រក់ សម្រាប់អ្នកទស្សនា ។</span></p>
<p><span style="color: #000000;">សូមបញ្ជាក់ថា ក្រុមកំប្លែង នាយពាក់មី បានសម្ដែងរឿងមួយមានចំណងជើងថា«ល្បិចថ្មី» កាលពីថ្ងៃទី០២ ខែមករា ឆ្នាំ២០១៦នេះ ដោយក្នុងនោះមានឈុតឆាកមួយចំនួន ហាក់បីដូចជាមិនសមរម្យទាល់តែសោះ បណ្ដាលឲ្យ លេងបណ្ដាញសង្គម Facebook រិះគន់តែម្ដង ។</span></p>
<p><span style="color: #000000;">នៅព្រឹកថ្ងៃទី០៤ ខេមករា នេះ ទំព័រកំសាន្ត នៅមិនទាន់អាច ទំនាក់ទំនងសុំការបំភ្លឺបានទេ ពីសំណាក់លោក សុវណ្ណ ឫទ្ធី ហៅតាវ៉ិចទ័រ ដែលជាអ្នកគ្រប់គ្រងក្រុមកំប្លែង ជុំវិញការរិះគន់ធ្ងន់ៗបែបនេះ ៕</span></p>
<p><a class="thickbox" title="" href="/FileManager/Commons/2016/1/4/13a-04-01-2016--13-48-18.jpg"><img src="/FileManager/Articles/mce/2016/1/4/13a-04-01-2016--13-48-18.jpg" alt="" /></a></p>
<p><a class="thickbox" title="" href="/FileManager/Commons/2016/1/4/13-04-01-2016--13-48-08.jpg"><img src="/FileManager/Articles/mce/2016/1/4/13-04-01-2016--13-48-08.jpg" alt="" /></a></p>
<p><span style="color: #000000;"><object width="466" height="399" data="http://www.youtube.com/v/Nc5P95lG5Es&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Nc5P95lG5Es&rel=1" /></object><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>