<p><span style="color: #000000;"><strong>(ថៃ)៖</strong> ព្រះសង្ឃខ្មែរដែលមានព្រះជន្មចាប់ពី២១ ដល់២៧វស្សា បច្ចុប្បន្នកំពុងគង់នៅក្នុងទីអារាម ប្រទេសថៃ បានជួបគ្រោះថ្នាក់ចរាចរណ៍ បណ្តាលឲ្យព្រះសង្ឃខ្លះបែកព្រះកេស និងខ្លះទៀតបាក់ដៃ នៅពេលដែល តុតុ ដែលព្រះអង្គកំពុងជិះនោះ បានជ្រុលទៅបុកជញ្ជាំងបេតុងពេញមួយទំហឹង។</span></p>
<p><span style="color: #000000;">គ្រោះថ្នាក់ចរាចរណ៍ខាងលើនេះ បានកើតឡើងនៅថ្ងៃទី១៨ ខែកុម្ភៈ ឆ្នាំ២០១៧ នៅខេត្តនគររាជសីមា ប្រទេសថៃ។ តាមសមត្ថកិច្ចខ្មែរនៅតាមព្រំដែន បានទទួលព័ត៌មានពីតម្រួតថៃ បានឲ្យដឹងថា មុនពេលកើតហេតុ ព្រះសង្ឃទាំង៥អង្គ បាននិមន្តតាមម៉ូតូកង់៣ (តុតុ) ក្នុងទិសដៅទៅកាន់មហាវិទ្យាល័យ មហាចុឡាឡុងកន ដែលស្ថិតនៅចំងាយពីទីតាំងកើតហេតុ ប្រមាណ៦គីឡូម៉ែត្រ។ លុះនៅពេលដែលម៉ូតូកង់៣ កំពុងតែបើកសុខៗ ដល់ត្រង់ចំណុចកើតហេតុ ដែលផ្លូវមានលក្ខណៈជាអក្សរតេ ស្រាប់តែម៉ូតូនោះទំនងជាមានបញ្ហា ធ្វើឲ្យម៉ូតូមិនអាចកាច់ចង្កូតបាន ក៏ត្រូវទៅមុខត្រង់ ដោយបានបុកទៅលើជញ្ជាំងបេតុងយ៉ាងពេញទំហឹង ព្រមទាំងបានរួញក្បាលម៉ូតូទាំងស្រុងផងដែរ។</span></p>
<p><span style="color: #000000;">ដោយឡែក អ្នកបើកបរ និងព្រះសង្ឃដែលកំពុងគង់នៅលើម៉ូតូនោះ បានហោះផ្លោងបោកព្រះកេស ទៅនឹងថ្នល់ផង និងទៅលើជញ្ជាំងបេតុងនោះផង បណ្តាលឲ្យរងរបួសពេញផ្លូវ។ ភ្លាមៗក្រោយពេលកើតហេតុ ខណៈដែលក្រុមតម្រួតថៃបានចុះមកត្រួតពិនិត្យ គេសង្គេតឃើញថា ក្នុងចំណោមព្រះសង្ឃទាំងអស់ មានព្រះសង្ឃចំនួន២ព្រះអង្គ ស្ថិតក្នុងសភាពធ្ងន់ធ្ងរ ដោយបែកព្រះកេស រីឯ១អង្គទៀត បានរងរបួសរហូតបាក់ដៃស្តាំម្ខាង។ ដោយឡែក អ្នកបើកបរម៉ូតូកង់៣ ក៏បានរងរបួសយ៉ាងដំណំដែរដោយគេបានសារភាពថា មិនដឹងយ៉ាងម៉េច បានជាម៉ូតូនេះលែងស្តាប់ ការបញ្ជារបស់គាត់ ទើបបណ្តាលឲ្យមានរឿងរ៉ាវបែបនេះ។</span></p>
<p><span style="color: #000000;">បច្ចុប្បន្នទាំងអ្នកបើកបរ ក៏ដូចជា ព្រះសង្ឃខ្មែរទាំងអស់ បានបញ្ជូនទៅសង្គ្រោះនៅឯមន្ទីរពេទ្យអស់ហើយ ដោយសមត្ថកិច្ថកំពុងសិក្សាទៅលើម៉ូតូកង់៣នេះថា តើបណ្តាលមកពីមូលហេតុអ្វី៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/20/1-20-02-2017--09-26-40.png"><img src="/FileManager/Articles/mce/2017/2/20/1-20-02-2017--09-26-40.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/fn-2017-02-19-16-19-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-19-16-19-33-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-19-16-19-33-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-19-16-19-33-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>