<p><span style="color: #000000;">ព័ត៌មានអន្តរជាតិ ៖ យោងតាមប្រភព ព័ត៌មានចិនស៊ិនហួ ចេញផ្សាយ ថ្ងៃព្រហស្បតិ៍ ទី ៦ ខែសីហា ឆ្នាំ ២០១៥ បានឲ្យដឹងថា មូសឈ្មោលពូជ អន់ជាងកន្លះលានក្បាល ត្រូវបានព្រលែងនៅ កោះមួយ នៃភាគខាងត្បូង ប្រទេសចិនជារៀងរាល់សប្តាហ៍ដើម្បី ប្រឆាំងនឹងជំងឺគ្រុនឈាម។</span></p>
<p><span style="color: #000000;">ប្រភេទមូសឈ្មោលពូជអន់ ត្រូវបានបង្កាត់ពូជដោយក្រុមអ្នកវិទ្យាសាស្រ្ត នៃស្ថានីយ៍ វិទ្យាសាស្រ្តខេត្ត ក្វាងទុង អាចធ្វើឲ្យមូសញីមិនអាចបង្កកំណើតបាន។ ចំណាត់ការខាងលើ នេះ ក្រុមអ្នកវិទ្យាសាស្រ្ត បានកាត់បន្ថយការ កកើត របស់មូសនៅកោះភាគខាងត្បូងប្រទេស ចិន បានជាង ៩០ភាគរយ ដោយប្រើប្រាស់វិធីថ្មីនេះ។</span></p>
<p><span style="color: #000000;">កាលពីឆ្នាំមុន ចិនបានធ្វើសេចក្តីរាយការណ៍ថា មានករណីជំងឺគ្រុនឈាមចំនួន ៤៦.០០០ ករណី ដោយមាន ចំនួនច្រើនជាងឆ្នាំមុនមួយទៀតដល់ទៅ ១.០០០ ករណី នៅក្នុងខេត្ត ក្វាងទុងទាំងមូល។</span></p>
<p><span style="color: #000000;">ដោយឡែក រោងចក្រផលិតមូសវិទ្យាសាស្រ្ត ត្រូវបានបើកសម្ពោធឡើងនៅថ្ងៃទី ១៧ ខែកក្កដា ឆ្នាំ ២០១៥ កន្លងទៅថ្មីៗនេះ ហើយអាចផលិតមូសឈ្មោលបាន ១០លាន ក្បាលរៀងរាល់សប្តាហ៍ ដោយពួកវាត្រូវបាន បង្កាត់ ដោយពពួកបាក់តេរីនៅក្នុងខ្លួនសត្វល្អិត ជាច្រើនផ្សេងទៀត។</span></p>
<p><span style="color: #000000;">ក្រុមអ្នកស្រាវជ្រាវបាននិយាយថា ពងដែលបង្កើតមូសឈ្មោលនេះ មានវីរុស wolbachia ដែលធ្វើឲ្យមូសញី មិនអាច បង្កកំណើតទៀតបាន ដែលនេះជាហេតុធ្វើឲ្យមានការកាត់ បន្ថយចំនួនមូសនៅក្នុងតំបន់។</span></p>
<p><span style="color: #000000;">គួរបញ្ជាក់ដែរថា ការបង្កើតមូសវិទ្យាសាស្រ្តនេះត្រូវបានចូលរួមពីអ្នកជំនាញជាច្រើនរូបមក ពីមហាវិទ្យាល័យមួយ ចំនួន នៃមជ្ឈមណ្ឌលគាំពារជំងឺ នៅក្នុងប្រទេសចិន និងសហរដ្ឋ អាមេរិក។ ជាក់ស្តែងមូសឈ្មោលនេះ អាចមានជីវិតរស់ត្រឹមតែ២សប្តាហ៍ ប៉ុណ្ណោះ ដោយគិតចាប់ពីថ្ងែដែលវាត្រូវបានភ្ញាស់ចេញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/9/11-09-08-2015--09-53-42.jpg"><img src="/FileManager/Articles/mce/2015/8/9/11-09-08-2015--09-53-42.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ<br /></span></p>