<p><span style="color: #000000;"><strong>ប៉េកាំង៖</strong> បុរសជនជាតិចិនម្នាក់កើតគំនិតចេះប្លន់ ដោយប្រើវិធីថ្មីស្រឡាងមួយ គឺគេបានបន្លំតុបតែងខ្លួនជានារីដ៏ស្រស់ ស្អាតម្នាក់ហើយល្បួងប្រុសៗ ឲ្យទៅសណ្ឋាគារជាមួយខ្លួន ដោយសន្យាថា នឹងប្រព្រឹត្តសិចជាមួយពួកគេ ទីបំផុតបុរសៗ ទាំងនោះត្រូវបានជនសង្ស័យប្លន់យកប្រាក់ និងទ្រព្យសម្បត្តិមានតម្លៃផ្សេងៗអស់ជាច្រើន ។</span></p>
<p><span style="color: #000000;">ប៉ូលិសបាននិយាយថា ជនសង្ស័យមានអាយុ៤៨ឆ្នាំឈ្មោះ Tang គេបានសារភាពថា ខ្លួនបានតុបតែងមុខមាត់ និង ពាក់សក់ឲ្យមើលទៅ ដូចជាស្រីស្អាតអញ្ចឹង ហើយក៏ចាប់ផ្តើមទាក់ទងជាមួយបុរសៗជាច្រើននាក់ តាម Online តាម រយៈការផ្ញើរូបថតក្នុងរូបភាព ជាស្រីដែលមានរូបរាងសិចស៊ីឲ្យពួកគេមើលទើបមានការណាត់ជួបគ្នាជាក្រោយ សម្រាប់បុរសណាដែលមានការចាប់អារម្មណ៍មកលើខ្លួន ។</span></p>
<p><span style="color: #000000;">ជាទូទៅនាង Tang បានណាត់ជួបប្រុសៗនៅក្នុងសណ្ឋាគារមួយស្ថិតនៅតំបន់ Chengdu ហើយពេលចូលដល់បន្ទប់ ស្នាក់នៅ ហើយគេក៏បានដាក់ថ្នាំចូលភេសជ្ជៈឲ្យដៃគូផឹកទៀតផង ជាហេតុធ្វើឲ្យបុរសៗទាំងនោះដេកស្តូកស្តឹងដោយ អាការៈសន្លប់ទើបគេលួចយកប្រាក់ និងវត្ថុមានតម្លៃផ្សេងទៀតរួចទើបគេចបាត់ ។</span></p>
<p><span style="color: #000000;">យ៉ាងហោចណាស់ ក៏មានបុរសរងគ្រោះ៦នាក់មកហើយដែលត្រូវនាង Tang ប្លន់យកទ្រព្យសម្បត្តិ ក្នុងនោះមានបុរស រងគ្រោះម្នាក់ឈ្មោះ Zhang Jun អាយុ២២ឆ្នាំ បានចេញមុខបកស្រាយថា ខ្លួនត្រូវបានជនសង្ស័យដែលបន្លំខ្លួនជាស្រី នេះណាត់ជួបឲ្យទៅសណ្ឋាគារលុះដឹងខ្លួនឡើងគេក៏បាត់លុយ និងទូរសព្ទអស់រលីងទើបគាត់រាយការណ៍រឿងនេះទៅ ប៉ូលិស ។</span></p>
<p><span style="color: #000000;">ប៉ូលិសក៏ធ្វើជាទាក់ទងនារីក្លែងក្លាយនេះតាមការណាត់ជួបដដែលឲ្យមកកាន់សណ្ឋាគារ ទើបឈានដល់ការចាប់ខ្លួន គេតែម្តង ដោយពីដំបូងប៉ូលិសក៏មិនដឹងថា គេជាប្រុសដែររហូតដល់នាង Tang ដោះសក់ក្លែងក្លាយចេញ ។ ពេលនេះ Tang ត្រូវសមត្ថកិច្ចចាប់បញ្ជូនខ្លួនទៅឃុំឃាំងរង់ចាំតុលាការកាត់ទោសដោយចោទពីបទបោកប្រាស់ និងប្លន់ទ្រព្យសម្បត្តិ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/29/12-29-10-2015--15-03-30.jpg"><img src="/FileManager/Articles/mce/2015/10/29/12-29-10-2015--15-03-30.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>