<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអះអាងថា រហូតដល់ពេលនេះ លោក ប្រាយុទ្ធ ចាន់អ៊ូចា នាយករដ្ឋមន្រ្តីថៃ និងពលរដ្ឋថៃមិនតិចនោះទេ បាន Like Facebook របស់សម្តេច បន្ថែមលើពលរដ្ឋបរទេសមួយចំនួនទៀត។</span></p>
<p><span style="color: #000000;">សម្តេចតេជោ ហ៊ុន សែន លើកឡើងថា<strong> «នៅប្រទេសថៃ Like ឱ្យខ្ញុំមិនតិចទេ ឥឡូវនេះតើ Facebook នេះ មានបន្ទាត់ព្រំដែនកម្ពុជា-ថៃ ឬអត់ គឺអត់មានផង ដូច្នេះបងប្អូនខាងថៃ សូម្បីតែ ប្រាយុទ្ធ ចាន់អ៊ូចា ក៏Like ឱ្យខ្ញុំដែរ»</strong>។ សម្តេចតេជោ ហ៊ុន សែន បានលើកឡើងបែបនេះ នៅក្នុងពិធីទទួលពានរង្វាន់ «សន្តិភាព និងការអភិវឌ្ឍ» ពីសហព័ន្ធសារព័ត៌មានអាស៊ាន (UMA) នៅវិមានសន្តិភាព នាថ្ងៃទី២៩ ខែមីនា ឆ្នាំ២០១៦នេះ។</span></p>
<p><span style="color: #000000;">ទំព័រ Facebook របស់សម្តេចតេជោ ហ៊ុន សែន បានជាប់ចំណាត់ថ្នាក់លេខ១ ក្នុងចំណោមទំព័រ Facebook អ្នកនយោបាយនៅក្នុងប្រទេសកម្ពុជា បន្ទាប់ពីបានវាយទម្លាក់ចំណាត់ថ្នាក់របស់ Facebook លោក សម រង្ស៊ី ប្រធានគណបក្សសង្រ្គោះជាតិ កាលពីដើមខែកុម្ភៈ ឆ្នាំ២០១៦ កន្លងទៅ។ រហូតដល់ពេលនេះ Facebook របស់សម្តេចតេជោ ហ៊ុន សែន មានចំនួនជាង៣,៥លាន Likes ហើយ។</span></p>
<p><span style="color: #000000;">ចំពោះរឿងនេះ សម្តេចតេជោ ហ៊ុន សែន បានបញ្ជាក់ដែរថា <strong>«គ្រាន់តែ Facebook របស់ខ្ញុំ Like បានច្រើនជាងគេ គេថាខ្ញុំទិញ Like ! វាទៅជាតែផ្តាស់ អញ្ចឹងទៅណា ពីមុនខ្ញុំអត់ចេះលេង Facebook ទេ ឥឡូវ Facebook របស់ខ្ញុំមាន Like ជាង ៣.៥ លើសអ្នកដែលលេងមុនខ្ញុំ២ឆ្នាំ ជាង១លានLike ទៅហើយ»</strong>៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/30/12-30-03-2016--10-07-28.jpg"><img src="/FileManager/Articles/mce/2016/3/30/12-30-03-2016--10-07-28.jpg" alt="" /></a><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>