<p><span style="font-size: 12px; color: #000000;">ក្រុងញូវយ៉ក ៖ កាលពីថ្ងៃព្រហស្បតិ៍ ក្រុមអ្នកតវ៉ារាប់រយនាក់ បានតម្រង់ជួរ នៅតាមបណ្ដោយផ្លូវ ហាយវ៉េប៉ែកខាងលិចតំបន់ Manhattan ដើម្បីសើចចំអកដាក់ក្បួនរថយន្តរបស់លោក Donald Trump ខណៈពេលដែលលោក បានធ្វើដំណើរទស្សនកិច្ចជាលើកដំបូង ទៅកាន់ស្រុកកំណើតរបស់ខ្លួននាក្រុងញូវយ៉ក ដោយលោកមិនបានអញ្ជើញទៅ ចាប់តាំងពីលោក ក្លាយជាប្រធានាធិបតីសហរដ្ឋអាមេរិកមកម្ល៉េះ។</span></p>
<p><span style="color: #000000;">លោក Trump បានពន្លឿនការធ្វើដំណើររបស់លោក ឱ្យបានមុនម៉ោង ៧ រសៀលដើម្បីទៅចូលរួមទទួលទានអាហារពេលល្ងាច ជាមួយនាយករដ្ឋមន្រ្តីអូស្រ្តាលី លោក Malcolm Turnbull នៅលើនាវា USS Intrepid ជានាវាផ្ទុកយន្តហោះលែងប្រើ ដែលឥឡូវនេះ បានក្លាយជាសារមន្ទីរមួយ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/5/5/7-05-05-2017--12-08-19.png"><img src="/FileManager/Articles/mce/2017/5/5/7-05-05-2017--12-08-19.png" alt="" /></a><br /></span></p>
<p><span style="color: #000000;">ហ្វូងមនុស្ស បានសម្ដែងការមិនពេញចិត្ដ និងស្រែកថា "ក្រុងញូវយ៉កស្អប់អ្នកណាស់!" ស្របពេលវាយស្គរបន្ទរ។ អ្នកគាំទ្រលោក Trump មួយចំនួន បានលើកដៃ ដើម្បីលើកទឹកចិត្តដល់លោក ។ ក្រុងញូវយ៉ក ជាកន្លែងនៃការធ្វើបាតុកម្មប្រឆាំងនឹងលោក Trump ដ៏ធំ នៅថ្ងៃដំបូងនៃការឡើងតំណែងជាប្រធានាធិបតីរបស់គណបក្សសាធារណរដ្ឋ។ ការជួបជុំគ្នា នៅថ្ងៃព្រហស្បតិ៍នេះ គ្រាន់តែជាការប្រមូលផ្ដុំទ្រង់ទ្រាយតូចជាងមុនប៉ុណ្ណោះ។</span></p>
<p><span style="color: #000000;">បាតុករខ្លះបានស្រែកពាក្យថា "គួរឱ្យអាម៉ាស់ណាស់!" ដាក់ក្រុមមនុស្ស ដែលស្លៀកពាក់សម្លៀកបំពាក់រាត្រី និងអាវផាយ ដែលមើលទៅទំនងជា តម្រង់ទៅទទួលទានអាហារពេលល្ងាច ដែលត្រូវបានរៀបចំឡើងដើម្បីរំលឹកដល់ខួបលើកទី ៧៥ នៃសមរភូមិសមុទ្រផ្កាថ្ម ដែលជាសមរភូមិទាហានជើងទឹក នាសង្គ្រាមលោកលើកទី II ។</span></p>
<p><span style="color: #000000;">អ្នកគាំទ្រលោក Trump មួយក្រុមតូច ក៏បានប្រមូលផ្តុំគ្នា នៅតាមដងផ្លូវផងដែរ ដោយមានកាន់បដាសរសេរថា៖ «សូមអរគុណព្រះជាម្ចាស់ ដែលប្រទានលោក Trump ដល់យើង "និង" និរទេសជនអន្ដោប្រវេសន៍ខុសច្បាប់ចេញទៅ”៕ </span></p>
<p><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/5/mkn-05-05-2017--12-09-24.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ សារ៉ាត</span></p>
<p> </p>
<p style="text-align: right;"><span style="color: #000000;">ប្រភព ៖ AP </span></p>