<p><span style="color: #000000;"><strong>(កណ្តាល)៖</strong> ក្រោយអង្គភាព Fresh News ចុះផ្សាយរឿងល្បែងជល់មាន់ដ៏ធំ ស្ថិតនៅបន្ទាយវរការពារព្រំដែន ៦០៥ ស្ថិតនៅស្រុកកោះធំ ដែលរហូតមកដល់ថ្ងៃនេះ នៅមិនទាន់មានការចុះបង្ក្រាបពីកម្លាំងសមត្ថកិច្ចនោះ ស្រាប់តែមានប្រជាពលរដ្ឋ រស់នៅឃុំអរីយ៍ក្សត្រឯណោះវិញ បានលួចថតរូប ទីតាំងបញ្ជល់មាន់ដ៏ធំមួយទៀត ស្ថិតនៅភូមិអរិយ៍ក្សត្រ ស្ថិតនៅទល់មុខកំពង់ដ ស្វាយជ្រុំ ខណ្ឌជ្រោយចង្វារ មកកាន់អង្គភាពយើងខ្ញុំ សូមជួយចុះផ្សាយផង។</span></p>
<p><span style="color: #000000;">ប្រជាពលរដ្ឋ រូបនេះ បាននិយាយថា សម្រាប់ទីតាំងបញ្ជល់មាន់មួយនេះ មួយថ្ងៃៗមានអ្នកទៅលេងរាប់ពាន់នាក់ ដូចហែរកឋិនទានអីចឹង ប៉ុន្តែគ្មានអាជ្ញាធរ និងកម្លាំងសមត្ថកិច្ច ទាំងនគរបាល និងអាវុធហត្ថចុះទៅបង្ក្រាបនោះឡើយ។ ប្រជាពលរដ្ឋ បានលើកឡើងថា បើសិនគ្រឿងញៀន ជនល្មើសលាក់នៅតាមជើងខោ ហោប៉ៅ រហូតខ្លះលេបចូលក្នុងពោះ នៅសមត្ថកិច្ចអាចរកឃើញ ចុះទំរាំ កន្លែងជល់មាន់មានមនុស្សទៅលេង ឡើងភ្លុងទឹកភ្លុងដី បែរជាសមត្ថកិច្ច និងអាជ្ញាធរមើលមិនឃើញទៅមើល ទំនងអ្នកទៅលេងនោះ ចេះបំបាំងកាយហើយមើលទៅ។</span></p>
<p><span style="color: #000000;">សម្រាប់ទីតាំងមួយនេះ បើតាមការលួចបង្ហើបពីប្រជាពលរដ្ឋ គឺមួយថ្ងៃៗ ម្ចាស់សង្វៀនអាចរកប្រាក់ចំណូលខ្ទង់ម៉ឺនដុល្លារ ហេតុដូច្នេះហើយ ទើបរូបគេអាចបើកលេងយ៉ាងរលូនបែបនេះ។</span></p>
<p><span style="color: #000000;">ខាងលើនេះ គ្រាន់តែជាសាររបស់អ្នកស្រុកអរីយ៍ក្សត្រប៉ុណ្ណោះ ពិតឫយ៉ាងណានោះ សូមសមត្ថកិច្ច និងអាជ្ញាធរចុះទៅមើលផង៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-16-10-23-42-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-16-10-23-42-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-16-10-23-43-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-16-10-23-43-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-16-10-23-43-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>