<div class="item-page">
<p><span style="color: #000000;"><strong>(ភ្នំពេញ)៖</strong> ម្ចាស់ឃ្លាំងមួយកន្លែង ដែលជាឃ្លាំងដាក់រថយន្ត ស្ថិតនៅម្ដុំលូប្រាំ ក្នុងភូមិឬស្សី សង្កាត់ស្ទឹងមានជ័យ ខណ្ឌមានជ័យលោក លី ហុង បានចេញមកបដិសេធចោលទាំងស្រុងចំពោះការចោទប្រកាន់ថា លោកបានយកចិញ្ចើមផ្លូវធ្វើអាជីវកម្មផ្តាច់មុខ និងផ្ទាល់ខ្លួន។</span></p>
<p><span style="color: #000000;">ចំពោះការចោទប្រកាន់នេះលោក លី ហុង បានប្រាប់អង្គភាព Fresh News នៅល្ងាចថ្ងៃទី៦ ខែធ្នូ ឆ្នាំ២០១៦នេះថា តាមពិតលោកមិនបានយកចិញ្ចើមផ្លូវធ្វើជាកម្មសិទ្ធិផ្ទាល់ខ្លួននោះទេ ពោលមិនមែនជារបងរឹងមាំនោះ គ្រាន់តែរបងស័ង្កសីប៉ុណ្ណោះ ដែលលោកបានយកទៅបាំងដាក់ពេលយប់វេលាម៉ោងប្រមាណ៨ និងបើកវិញនៅម៉ោង៥ទាបភ្លឺតែប៉ុណ្ណោះ ពីព្រោះដើម្បីបាំង និងរារាំងខ្លាចមានចោរ ឬក្រុមជក់ថ្នាំចូលលួចទ្រព្យសម្បត្តិរបស់លោក។</span></p>
<p><span style="color: #000000;">ម្ចាស់ឃ្លាំងបានបន្តទៀតថា ករណីនេះមានលោកមានបញ្ហាជាមួយអ្នកជិតខាង នៅពីក្រោយទីតាំងលោក រហូតប្តឹងដល់អាជ្ញាធរភូមិទៀតផង ប៉ុន្តែនៅថ្ងៃព្រហស្បតិ៍នេះ ទើបខាងអាជ្ញាធរហៅទៅដោះស្រាយ។ យ៉ាងណាក៏ដោយលោកបានបន្តទៀតថា កន្លងទៅខាងអាជ្ញាធរទាំងភូមិ និងសង្កាត់ក៏មិនមានជំទាស់អ្វីដែរ ពីព្រោះមិនមែនជារបងរឹងមាំ នោះទេគ្រាន់តែរនាំងស័ង្កសីតែប៉ុណ្ណោះ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-16-17-36-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-16-17-37-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-16-17-37-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>