<p><span style="color: #000000;">ព័ត៌មានកីឡា៖ អស់រយៈពេល ៦ឆ្នាំកន្លងផុតទៅហើយ ដែល Cristaino Ronaldo បានចាកចេញពី Man United ក្នុងតម្លៃខ្លួនបំបែកកំណត់ប្រចាំនៅអង់គ្លេសគឺ៨០ លានផោន ផ្ទេរចូលទៅកាន់ ក្លឹប Real Madrid។ ប៉ុន្ដែមកទល់នឹងពេលនេះ Man United ពិតជាចង់បានកីឡាកររូបនេះ វិលត្រលប់មកវិញ ណាស់ ខណៈ ដែលលោក Louis Van Gaal ស្វះស្វែងរកគ្រប់វិធី ដើម្បីផ្ទេរយកវិញ។ </span></p>
<p><span style="color: #000000;">Man United ពិតជាមានបំណងចង់ផ្ទេរ កីឡាករ Cristiano Ronaldo ត្រលប់មកវិញណាស់ ដើម្បីពង្រឹងសក្ដានុពលរបស់ក្លឹបឡើងវិញ ក្រោយពីមើលឃើញភាពជាក់ស្ដែងពិតប្រាកដ ក្លឹបដូចជាមានភាពអន់ខ្សោយ មិនសូវទទួលបានជោគទាល់តែសោះ រាល់ការប្រកួត ជាច្រើនរដូវកាលកន្លងមក ជាក់ស្ដែង ដូចជា រដូវកាលទើបតែកន្លងផុតទៅថ្មីនេះជាដើម ។ Man United បានមានគម្រោងផ្ទេរជើងប្រយុទ្ធនេះ ជាច្រើនឆ្នាំកន្លងមកហើយ ចាប់តាំងពីមុនពេលលោក Louis Van Gaal ចូលកាន់តំណែងមកម្ល៉េះ ។ </span></p>
<p><span style="color: #000000;">ថ្វីត្បិតតែ Man United បានសម្រេចកិច្ចកុងត្រាកីឡាករថ្មីៗជាច្រើន ក្នុងរដូវកាលនេះ ដែលមានដូចជា Memphis Depay, Matteo Darmian, Bastian Schweinsteiger និង Morgan Schneiderlin ប៉ុន្ដែក្លឹបនឹងមិនបោះបង់ចោល ក្ដីស្រម៉ៃតាមផ្ទេរយកមកវិញនូវអតិតខ្សែប្រយុទ្ធរបស់ខ្លួនដែរ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/24/7-24-2015-10-35-51-am-24-07-2015--10-42-10.png"><span style="color: #000000;"><img src="/FileManager/Articles/mce/2015/7/24/7-24-2015-10-35-51-am-24-07-2015--10-42-10.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ manchestereveningnews.co.uk</span></p>