<p><span style="color: #000000;"><strong>(ភ្នំពេញ)៖</strong> នៅរសៀលថ្ងៃទី១២ ខែធ្នូ ឆ្នាំ២០១៦នេះ កម្លាំងនគរបាលការិយាល័យព្រហ្មទណ្ឌកម្រិតធ្ងន់ ក្រសួងមហាផ្ទៃ បានបញ្ជូនស្ត្រីជាជនសង្ស័យម្នាក់ឈ្មោះ ស្រី ម៉ៅ ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី ក្រោយពេលចាប់ខ្លួនកាលពីថ្ងៃទី៩ ខែធ្នូ ឆ្នាំ២០១៦ នៅម្តុំស្ពានជ្រោយចង្វារ ត្រើយខាងកើត ពាក់ព័ន្ធការលួចយកដីរបស់គេទៅលក់ ដោយឃុបឃិតជាមួយប្តីរបស់ខ្លូន តែនៅពេលនេះប្តីបានរត់គេចខ្លួនបាត់ហើយ។</span></p>
<p><span style="color: #000000;">ជាមួយគ្នានេះ ម្ចាស់ដីរងគ្រោះសូមអំពាវនាវឲ្យ តុលាការចាត់វិធានការយ៉ាងតឹងរឹងជាទីបំផុត ដើម្បីផ្តល់ភាពយុត្តិធម៌ជូនភាគីរងគ្រោះ។</span></p>
<p><span style="color: #000000;">មន្រ្តីនគរបាលបានឲ្យដឹងថា ស្ត្រីជាជនសង្ស័យឈ្មោះ ស្រី ម៉ៅ (ឃាត់ខ្លួន) និងប្តីឈ្មោះ រឿ សារ៉េត (កំពុងរត់គេចខ្លួន) មានទីលំនៅផ្លូវជាតិលេខ៦អា ភូមិក្រងស្វាយ ឃុំស្វាយអំពារ ស្រុកមុខកំពូល ខេត្តកណ្ដាល ត្រូវបានតំណាងក្រុមហ៊ុន រ៉ូល្យា ប្តឹងពីបទ «លួចលក់ដី» ទំហំ៤១៨ម៉ែត្រការ៉េ នៅចំណុចភូមិក្រងស្វាយ ឃុំស្វាយអំពារ ស្រុកមុខកំពូល ខេត្តកណ្ដាល កាលពីថ្ងៃទី១៧ ខែសីហា ឆ្នាំ២០១៥។</span></p>
<p><span style="color: #000000;">មន្រ្តីនគរបាលបានឲ្យដឹងថា សំណុំរឿងនេះត្រូវលោក ហ៊ឹង ប៊ុនថន តំណាងអយ្យការ សម្រេចចោទប្រកាន់ពីបទ «លួចលក់អចលនវត្ថុអ្នកដទៃ» យោងតាមាត្រា២៥៥ នៃច្បាប់ភូមិបាល។ នៅពេលនេះស្ត្រី ឈ្មោះ ស្រី ម៉ៅ ត្រូវបានលោក ឆែ វីរៈ ចៅក្រមស៊ើបសួរសាលាដំបូងរាជធានីភ្នំពេញ កំពុងសាកសួរបន្តទៀត ដើម្បីចាត់ការតាមច្បាប់៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-12-15-18-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-12-15-18-08-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-12-15-18-09-2.jpg" alt="" width="730" /></span></p>
<p style="text-align: right;"><br /><span style="color: #000000;"> ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>