<p><span style="color: #000000;"><strong>ភ្នំពេញ៖</strong> ក្រសួងធនធានទឹក និងឧតុនិយម បានប្រកាសថា អាកាសធាតុនៅកម្ពុជា នឹងចាប់ផ្តើមចុះត្រជាក់ខ្លាំង រយៈពេលមួយសប្តាហ៍ ចាប់ពីថ្ងៃទី១៧ ខែធ្នូ ឆ្នាំ២០១៤នេះតទៅ។</span></p>
<p><span style="color: #000000;">យោងតាមសេចក្តីជូនដំណឹងរបស់ក្រសួងធនធានទឹក និង ឧតុនិយម ដែលមជ្ឈមណ្ឌលព័ត៌មានដើមអម្ពិលទទួ លបាននៅថ្ងៃទី១៣ ខែធ្នូ ឆ្នាំ២០១៤នេះ បានឲ្យដឹងថា តំបន់ភ្នំ និងតំបន់ខ្ពង់រាប រួមមានតំបន់ជួរខ្នងភ្នំដងរែក ខេត្តឧត្តរមានជ័យ ព្រះវិហារ មណ្ឌលគិរី និងខេត្តរតនគិរី សីតុណ្ហភាពអប្បបរមា មានពី ១៥-១៧អង្សាសេ សីតុ ណ្ហហភាពអតិបរមា មានពី ២៥-២៧អង្សាសេ។</span></p>
<p><span style="color: #000000;">សេចក្តីជូនដំណឹងបន្តថា សម្រាប់ខេត្តបន្ទាយមានជ័យ បាត់ដំបង ប៉ៃលិន សៀមរាប កំពង់ធំ កំពង់ចាម ត្បូងឃ្មុំ ក្រចេះ និង ខេត្តស្ទឹងត្រែង សីតុណ្ហភាពអប្បបរមា មានពី ១៧-១៩អង្សាសេ សីតុណ្ហភាពអតិបរមា មានពី ២៦- ២៩អង្សាសេ។</span></p>
<p><span style="color: #000000;">សម្រាប់រាជធានីភ្នំពេញ ខេត្តពោធិ៍សាត់ កំពង់ឆ្នាំង កំពង់ស្ពឺ កណ្តាល ព្រៃវែង ស្វាយរៀង និងខេត្តតាកែវ សីតុ ណ្ហភាពអប្បបរមា មានពី១៨-២០អង្សាសេ សីតុណ្ហភាពអតិបរមា មានពី ២៨-៣១អង្សាសេ។ ដោយឡែកខេត្ត កោះកុង ព្រះសីហនុ និងខេត្តកែប សីតុណ្ហភាពអប្បបរមា មានពី ២២-២៤អង្សាសេ សីតុណ្ហភាពអតិបរមា មាន ពី ៣១-៣៣អង្សាសេ។</span></p>
<p><span style="color: #000000;">លោក លឹម គានហោ រដ្ឋមន្រ្តីក្រសួងធនធានទឹក និងឧតុនិយម តាមរយៈសេចក្តីជូនដំណឹង បានអំពាវនាវ ដល់ សាធារណជន ជាពិសេសវិរៈកងទ័ព ដែលកំពុងឈរជើងតាមខ្សែបន្ទាត់ព្រំដែនកម្ពុជា-ថៃ បង្កើនការយកចិត្តទុក ដាក់ប្រុងប្រយ័ត្នខ្ពស់ ចំពោះស្ថានភាពអាកាសធាតុ ដែលចុះត្រជាក់នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/13/st-082-13-12-2014--11-38-59.jpg"><img src="/FileManager/Articles/mce/2014/12/13/st-082-13-12-2014--11-38-59.jpg" alt="" /></a><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>